September 2013

                                     தூய வழியில் பயணிப்போம் வாருங்கள்...!

 ACJU: ஹலால் மற்றும் ஹறாம் என்ற இரு விடயங்கள் பற்றி பல்வேறுபட்ட தவறான மற்றும் பொய்யான வரைவிலக்கணங்கள் தரப்படுவதும் அக்கோட்பாடுகள் தொடர்பாக எதிர்ப்புக்கள் காட்டப்படுவதும் சமீப காலமாக என்றுமில்லாதவாறு அதிகரித்துள்ளதைக் காண முடிகின்றது.

இவ்விரு விடயம் பற்றிய போதுமான தெளிவுகள் இல்லாத நிலையும் இதற்கு ஒரு காரணமாக இருக்கலாம். எனவே இது பற்றி சிறு விளக்கமொன்றை தருவது பொருத்தமாக இருக்கும் என்று நம்புகின்றோம்.

முதலாவது, ஹறாம் மற்றும் ஹலால் என்ற நியதிகள் இஸ்லாத்தில் மட்டுமே உள்ளதாக பொதுவாக கருதப்படுகின்றது. இது ஒரு தவறான எண்ணமாகும். அனுமதிக்கப்பட்டவை மற்றும் தடுக்கப்பட்டவை என்ற விடயத்திற்கு பயன் படுத்தப்படும் மேற்படி இரு சொற்கள் அறபு மொழிச் சொற்களாக இருப்பதும் இதற்கான ஒரு காரணமாகவும் இருக்கலாம். ஆனால் இந்த இரு நியதிகளும் சகல பிரதான மதங்களில் இருப்பதை ஆய்வாளர் எவருக்கும் தெரியாத ஒன்றல்ல.

மனிதன் உட்பட்ட சகல உயிரினங்களும் உயிர் வாழ்வதற்கு உணவு கட்டாயமாகும். மனிதனின் ஆரம்பம் முதற்கொண்டே உண்ணத் தகுதியானவை (ஹலால்), உண்ணக் கூடாதவை (ஹறாம்) பற்றி அறியும் விடயத்தில் அக்கறை காட்டி வந்துள்ளான். மனிதன் அவனுக்கு ஒவ்வாத உணவை உண்பதால் தீமை ஏற்படுவது இயற்கையே. ஜீரணம் தொடர்பான சிக்கல்கள், நீரிழிவு, இருதய நோய், இரத்த அழுத்தம், புற்று நோய் போன்றவை தவறான, தீமையான உணவு வகைகளை உண்பதால் ஏற்படுவது விஞ்ஞானப+ர்வமான உண்மையாகும். எனவே, மனிதனுக்கு நல்ல, அவன் உண்பதற்கு தகுந்த ஆகுமாக்கப்பட்ட உணவு எது? தீய, தவிர்க்க வேண்டிய தடைசெய்யப்பட்ட உணவு எது? என்பது பற்றிய விடயத்தை அவன் அறிவது கட்டாயமாகும். ஆன்மீக வழிகாட்டலோடு இவற்றைப் பற்றி இஸ்லாம் மட்டுமன்றி ஏனைய அனைத்து மதங்களும் வழிகாட்டல்களைத் தந்தே உள்ளன.

அனுமதிக்கப்பட்ட தடுக்கப்பட்ட உணவுகள் தொடர்பான மதங்களின் நிலைப்பாடுகள்.
உலகில் உள்ள மதங்கள் உணவு உட்கொள்ளல் பற்றிய நியதிகள் பலவற்றை வகுத்துள்ளன. பௌத்த மதத்தில் துறவிகள் தவிர்க்க வேண்டிய 10 வித மாமிசங்கள் பற்றி குறிப்பிடப்பட்டுள்ளது. இதே போன்று ஹிந்து மதத்திலும் உணவு தொடர்பான சட்ட வரையறைகள் உள்ளன. மது அருந்துவதைப் பற்றிக் குறிப்பிடும் பௌத்த மதம் அதன் காரணமாக ஆறு விதமான தீமைகள் விளைவதாக எச்சரிக்கின்றது. அவையாவன: 1. செல்வத்தை இழத்தல் 2. வீண் வம்புகளில் மாட்டிக்கொள்ளல் 3. நோய்கள் ஏற்படுதல் 4. நற்பெயரை இழந்து விடுதல் 5. வெட்கத்தை இழந்து விடுதல் 6. புத்தி மழுங்கிப் போதல்.

உணவு பற்றிய கிறிஸ்தவ அறிவுரைகள் தொடர்பான சில பைபில் வசனங்கள் கீழே தரப்பட்டுள்ளன:
பன்றியின் குளம்பு விரிகுளம்பும் இரண்டாகப் பிரிந்து இருப்பினும் அது அசைபோடாது: அது உங்களுக்கு அசுத்தமாயிருக்கும். இவற்றின் மாமிசத்தைப் புசிக்கவும், இவற்றின் உடல்களைத் தொடவும் வேண்டாம்: இவை உங்களுக்குத் தீட்டாயிருக்கடவது (லேவியராகமம் 7,8)

பன்றியும் புசிக்கத்தகாது. அது விரிகுளபுள்ளதாக இருந்தும், அசைபோடாதிருக்கும், அது உங்களுக்கு அசுத்தமயிருப்பதாக. இவற்றின் மாமிசத்தைப் புசியாமலும் இவற்றின் உடலைத் தொடாமலும் இருப்பீராக -உபாகமம் 14:8

இனி திருமறை அல்குர்ஆன் உணவு பற்றி கூறும் சில வழிகாட்டல்களைப் பார்ப்போம்:
மனிதர்களே! பூமியிலுள்ள பொருட்களில், அனுமதிக்கப்பட்டவற்றையும், பரிசுத்தமானவற்றையும் உண்ணுங்கள்;. -2:168
அல்லாஹ் உங்களுக்கு அனுமதியளித்துள்ள (ஹலாலான) நல்ல பொருட்களையே புசியுங்கள்; -5:88

முன்பு குறிப்பிட்டது போல மதங்கள் உணவு தொடர்பான சட்டதிட்டங்களை இட்டிருப்பதுடன், விஞ்ஞான ஆய்வுகள் கூட அவற்றின் உட்கருத்தை இன்று உறுதிப்படுத்தி வருகின்றன. இருந்தாலும் பன்றியின் மாமிசத்தின் தீமை, அல்லது ஹறாம் போன்ற சொற்கள் குறிப்பிடப்படும்போது அது இஸ்லாமிய சட்டதிட்டங்கள் என்றே பொதுவாக கருதப்படுகின்றன. இதற்கான மற்றுமொரு காரணம் இவ்விடயங்கள் பற்றிய போதுமான அறிவு இல்லாமையேயாகும்.

பன்றியின் மாமிசம் பற்றி விஞ்ஞானம் என்ன கூறுகின்றது?
மனிதனின் உடலுக்கு தீங்கு விளைவிக்கும் URIC ACID பன்றியின் இரத்தத்தில் அதிகளவு இருப்பது ஆய்வுகள் மூலம் ஊர்ஜிதமாகியுள்ளது. இதில் 2% மட்டுமே உடலின் அனுசேபச் செயற்பாடு மூலம் அப்புறப் படுத்தப்படுவதுடன், மிகுதி 98% உடலிலேயே தரிபட்டு பெரும் தீமையை ஏற்படுத்துகின்றது.
மேலும் தற்கால ஒட்டுண்ணியல் விஞ்ஞானம் பன்றியில் காணப்படுகின்ற Plattyhelminthus வகையைச்சேர்ந்த நாடாப்புழுவும் (Taenia solium), ட்ரிக்கீனா (Triquina) எனப்படும் வட்டப்புழுவும் மனிதனை தொற்றுவதால் அபாயகரமான நோய்கள் ஏற்படுகின்றன எனத் தெரிவிக்கின்றது.

ஹலால், ஹறாம் நியதிகள் உணவு வகைகளுக்கு மட்டும் தானா?
ஹலால், ஹறாம் என்ற சொற்கள் அனுமதிக்கப்பட்டவை மற்றும் அனுமதிக்கப்படாதவை என்ற கருத்துள்ள சொற்கள் என்றபடியால், இந்நியதி பல விடயங்களுக்குப் பயன் படுத்தப்படுகின்றன. நாம் அணியும் ஆடை, திருமணம், நமது பேச்சு, பிரயாணம், நம்முடைய கொடுக்கல் வாங்கல் முறைகள் உட்பட்ட ஏனைய அனைத்து நடவடிக்iகைகளிலும் ஹறாம், ஹலால் என்ற நியதிகள் உள்ளன. உதாரணமாக திருமணம் செய்யும் போது நாம் மணமுடிக்க ஆகுமானவர்கள் (ஹலாலானவர்கள்) ஆகாதவர்கள் (ஹறாமானவர்கள்) என இரண்டு விடயங்களும் கவனத்திற் கொள்ளப்படும்;.
உணவு வகைகளுக்கு ஹலால் சான்று வழங்கும் போது மனித உட்கொள்ளலுக்கு தகுதியானவைகளுக்கு மட்டுமே அது வழங்கப்படுவதுடன் தீமை பயக்கும் எந்த உற்பத்திக்கும் அது வழங்கப்படுவதில்லை என்ற விடயம், இச்செயற்பாட்டை உன்னிப்பாக கவனிப்பவர்களுக்குப் புலனாகும்.

இவ்வுயரிய அம்சத்தை பற்றி புரிந்துள்ள முஸ்லிம் அல்லாதவர்களில் பலரும் இன்று ஹலால் சான்றிதழ் மூலம் அத்தாட்சிப்படுத்தப்பட்ட தயாரிப்புகளை கேட்டு வாங்கும் போக்கு அதிகரித்து வருவதன் இரகசியம் இதுவே.
ஹலால் சான்றிதழ் பெறுபவர்களில் 80 சதவீதமான நிறுவனங்கள் முஸ்லிம் அல்லாதோருடைய நிறுவனங்களாக இருப்பது நம்முடைய இக்கூற்றை மேலும் ஊர்ஜிதம் செய்கின்றதுடன், ஹலால் சான்றிதழ் பெற்றதன் பின்பு தமது உற்பத்திகளின் விற்பனை அதிகரித்துள்ளதாக பல உற்பத்தியாளர்கள் கூறுவதும் இதற்கான மற்றுமொரு சான்றாகும்.

ஹலால் சான்றிதழ் வழங்கும் முறைமை எந்த அளவு சிரமத்தோடும் அர்பணிப்போடும் மேற்கொள்ளப்படுகின்றது என்ற விடயம் பெரும்பாலான நுகர்வோருக்கும், ஹலால் சான்றிதழ் பற்றி விமர்சிப்பவர்களும் அறியாத மற்றுமொரு விடயமாகும்.

ஒரு பொருளுக்கு ஹலால் சான்றிதழ் வழங்குவதானது, மேலோட்டமாக மட்டும் அதை பரிசோதிப்பதன் பின்பு மேற்கொள்ளப்படும் ஒரு செயற்பாடன்று. மாறாக ஒரு உணவு அல்லது பான வகைக்கு பயன் படுத்தப்படும் அனைத்து மூலப்பொருட்களும் தீவிர ஆய்விற்கு உட்படுத்தப்பட்டதன் பின்னர், அது தொடர்பான ஆய்வுகூட அறிக்கைகள் அனைத்தும் ஹலால் நியதிகளின் படி இருந்தால் மட்டுமே அதற்கான ஹலால் சான்றிதழ் வழங்கப்படுகின்றது. சுகாதாரமான, தீங்குகளற்ற உணவு வகைகளைப் பெற்றுக்கொள்ள வழிசெய்ய வேண்டும் என்பதே ஹலால் சான்றிதழ் வழங்கப்படுவதன் நோக்கமாகும். இதன் காரணமாகவே இன்று ஹலால் சான்றிதழை ஒரு மார்க்க அடிப்படை விடயமாக நோக்காமல், அப்பொருளின் சுத்தம், பாதுகாப்பு மற்றும் சுகாதாரத்திற்கான ஒரு உறுதியான அத்தாட்சியாகவே முஸ்லிம் அல்லாத நுகர்வோர் பலர் ஏற்கும் நிலையும், அவர்கள் ஹலால் சான்றுள்ள உணவு மற்றும் பானங்களை கேட்டு வாங்கும் நிலையும் ஏற்பட்டுள்ளது.

பொருளாதார அனுகூலங்கள்.
பிறந்த தாய் நாட்டை விரும்பாதோர் எவரும் இல்லை. அதன் முன்னேற்றத்திலும் கரிசனை கொள்ளாதோரும் இருக்க மாட்டார்கள். அந்தவகையில் தான் ஹலால் சான்றிதழ் வழங்கும் பணியும் சீராக நடைபெற்று வருகிறது. ரொய்டர் செய்தி ஸ்தாபனம் 2006 ஆம் ஆண்டில் மேற்கொண்;ட ஒரு ஆய்வின் போது, வருடாந்த உலகளாவிய ஹலால் வர்த்தகம் அமெரிக்க டொலர் 2000 பில்லியனை ஈட்டும் ஒரு பிரமாண்டமான துறை என்ற விடயம் புலனாகியது. ஹலால் உணவு வகைகளை நுகரும் போக்கு தொடர்ச்சியாக அதிகரித்து வந்துள்ளதால் தற்போது 2012 ஆம் ஆண்டில் இத்தொகை மேலும் அதிகரித்தே இருக்கும் என்பது நிச்சயம். இத்துறையில் தற்போது மிகச் சிறியதொரு பங்கையே நாம் பெற்றுள்ளோம். அதை மேலும் அபிவிருத்தி செய்வதற்கு முயல்வதும் நமக்கு மிகவும் தேவைப்படும் அந்நிய செலாவனியை பெற்றுக்கொள்ள வழிசெய்வதும் தேசத்தின் அவசியமாகும். ஆதன் மூலம் தற்போதைய அபிவிருத்தித் திட்;டங்களுக்கும் அது பெருமளவு உதவியாக இருக்கும் என்பதற்கு மாற்றுக் கருத்து இருக்க முடியாது.

முஸ்லிம் முஸ்லிமல்லாத என்ற வேறுபாடின்றி சுகாதாரத்ததை கவனத்திற் கொள்ளும் அனைத்து உலக நாடுகளும் ஹலால் உணவு வகைகளையே நாடுகின்றனர். இதன் காரணமாக பல நாடுகள் ஹலால் வர்த்தகத்தில் தத்தமது பங்குகளை அதிகரிப்பதற்குப் போட்டி போட்டு முன்னேறி வருகின்றன. அவற்றில் அவுஸ்திரேலியா பிரெஸில், இந்தியா, சிங்கபூர் போன்ற முஸ்லிம் அல்லாத நாடுகளும் ஏன், தாய்லாந்து, சீனா, வியட்னாம் போன்ற பௌத்த நாடுகளும் இருக்கின்றன. இவ்விடயத்தில் அந்நாடுகளில் உள்ள இஸ்லாமிய ஹலால் அமைப்புகளின் முக்கியத்துவம் பற்றி அவ்வரசாங்கங்கள் நன்கு உணர்ந்துள்ளன. ஹலால் நியதிகளை பின்பற்றுவதால் தாம் அடைக்கூடிய பாரிய சுகாதார, பொருளாதார நன்மைகளை இனங்கண்டு, இவ்விஸ்லாமிய அமைப்புகளுக்குப் ப+ரண ஒத்துழைப்பும் வசதிகளையும் கண்ணியத்தையும் வழங்கி அதனூடாகப் பெரும் இலாபங்களைப் பெற்று வருகின்றன.

இவ்வடிப்படையில் இன்று முன்னணியில் இருக்கும் தாய்லாந்து ஒரு ஜனநாயக அடிப்படையைக் கொண்ட, திறந்த பொருளாதாரக் கொள்கைப்படி செயற்பட்டு வரும் பௌத்த நாடாகும். மேலும் அந்நாடு மேற்படி 2000 பில்லியன் ஹலால் சந்தையில் 5.3மூ வீதத்தை சுவீகரித்துள்ளது.
ஹலால் ஏற்றுமதி நாடுகளில் 5 ஆவது இடத்தில் தற்போதிருக்கும் தாய்லாந்தில், ஹலால் சான்றிற்கான உலகின் மிகச்சிறந்த, அதியுயர் தொழில் நுட்பத்துடன் கூடிய ஹலால் விஞ்ஞான நிலையம் The Halal Science Centre -HSC இருக்கின்றது. 2003 ஆம் ஆண்டு நிறுவப்பட்ட இந்நிலையமானது தாய்லாந்தின் பிரசித்தி பெற்ற கல்வி ஸ்தாபனமான சுலாலொங்கோன் பல்கலைக்கழத்தின் வளாகத்திலேயே செயற்பட்டு வருகின்றது. தாய்லாந்தில் உற்பத்தி செய்யப்படும் இறக்குமதி செய்யப்படும் அனைத்து பொருட்களின் தரம் மற்றும் பாதுகாப்பு பற்றி பரிசோதித்து ஹலால் நியதிகளுக்கு அவை உட்பட்டிருப்பதை உறுதி செய்து சான்று வழங்கும் பொறுப்பு இவ்வமைப்பிற்கே வழங்கப்பட்டுள்ளது.

மேலும் தாய்லாந்து இஸ்லாமிய வங்கி, Islamic Bank of Thailand தாய்லாந்தின் ஹலால் உணவுத் தரத்திற்கான அமைப்பு Institute of Halal Food Standard of Thailand போன்ற துணை அமைப்புக்களும் அங்கு நிறுவனப்பட்டுள்ளன. இவை தவிர உலக சந்தைக்கு ஹலால் உற்பத்திகளை தயாரித்து வருவதில் ஈடுபட்டுள்ள ஒரு முழுமையான ஹலால் கைத்தொழில் நகரமொன்று தாய்லாந்தில் செயற்பட்டு வருகின்றமை குறிப்பிடத்தக்கது.

இவை அனைத்துக்கும் அந்நாட்டு அரசு மதக் கோட்பாட்டுக் கணிப்பின்றி ஒரு பயனுள்ள செயற்பாடு என்பதை உணர்ந்து, அதற்காக முழு ஒத்துழைப்பையும் வழங்கி வருகின்றது. அதன் காரணமாகவே பொருளாதார அபிவிருத்தி கொண்ட நாடாக ஆக சாத்தியமாகியுள்ளது.

சுற்றுலாத்துறை.
இலங்கை ஒரு சுற்றுலாப் பயணத்திற்கான நாடாகும். இங்குவரும் சுற்றுலாப் பயணிகள் மத்திய கிழக்கு நாடுகள், முஸ்லிம் அல்லாத நாடுகள் உட்பட்ட பல நாட்டு சுற்றுலாப் பயணிகள் அதிகம் வந்து செல்லும் மிக அழகிய நாடாகும். நம் நாட்டில் கிடைக்கப் பெறும் ஹலால் உணவு வகைகள் மூலம் இந்நாடுக்கு அதிக எண்ணிக்கை உல்லாசப் பயணிகள் வந்து செல்வதைக் காணமுடிகின்றது.

விமர்சனங்கள்.
எத்துறைக்கும் விமர்சனங்கள் ஆரோக்கியமாவையே. விமர்சனம் செய்வதே முயற்சிகளை மேன்படுத்துகின்றன என்பதற்கு எதிர்வாதம் இருக்க முடியாது. பல்லாயிரம் உயிர்களைப் பலிகொண்ட, பல கோடி பெறுமதியான சொத்துக்களை அழித்த மிக நீண்ட கால பிரிவினைவாத யுத்தம் ஒன்றை முடிவுக்குக் கொண்டு வந்துள்ள நிலையில் சுபீட்ஷமானதொரு எதிர்காலத்திற்காக இலங்கையில் வாழும் சகல இனங்களும் பாடுபடுகின்றன. நம் நாட்டு அரசும் நாட்டின் சுபீட்ஷத்திலே கவனம் செலுத்திக் கொண்டிருக்கின்றது.

இந்நிலையில், மக்கள் மத்தியில் பரப்பி விடப்பட்ட சில குற்றச்சாட்டுக்கள் ஹலால் சான்றிதழை பற்றிய வெறுப்பையும் அச்சத்தையும் உருவாக்கி வருகின்றன. அவைகளின் உண்மை நிலைப்பற்றி சற்று கவணிப்போம்.

1. ஹலால் சான்றிதழ் வழங்கப்படும் உணவு வகைகள் அனைத்தும் அல்லாஹ்வின் பெயரால் பலி கொடுக்கப்பட்டவையே!
ஏற்கனவே கூறப்பட்டதுபோல் ஆகுமானது, ஆகாதது என்ற நியதிப்படியே ஆகாரங்கள் அமைகின்றன. இஸ்லாம் கூறியவண்ணம் நாம் உணவாகக் கொள்ளும் பொருட்களில் தடுக்கப்பட்ட கலவைகள்;, பதார்த்தங்கள் மற்றும் சேர்மானங்கள் ஏதும் உண்டா எனப் பார்ப்பதற்கே சான்றிதழ் வழங்கப்படுகிறது. இவைகள் இறைவனின் பெயரால் பலி கொடுக்கப்பட்டதாகக் கொள்ளப்படுவதில்லை இதனை ஹலால் சான்றிதழ் பெற்றுள்;ள நிறுவனங்களின் மூலம் எவருக்கும் உறுதிப்படுத்திக் கொள்ள முடியும்.

2. ஹலால் சான்றிதழைப் பெறுமாறு நிறுவனங்கள் வற்புறுத்தப்படுகின்றன.
இலங்கையில் ஹலால் சான்றிதழ் அகில இலங்கை ஜம்இய்யத்துல் உலமா அமைப்பின் ஹலால் பிரிவின் மூலமே வழங்கப்படுகின்றது. ஜம்இய்யா சர்வதேச அங்கீகாரம் பெற்ற ஒரு இஸ்லாமிய அமைப்பே தவிர ஒரு அரச திணைக்களம் அல்ல. ஆகையால் எந்த ஒரு தனி நபரையோ நிறுவனத்தையோ தன்னுடைய ஹலால் சான்றிதழை பெறுமாறு வற்புறுத்தும் அதிகாரம் அதற்குக் கிடையவே கிடையாது. ஹலால் சான்றிதழை பெறுவதால் தங்களுடைய விற்பனை அதிகமாவதை புரிந்துள்ள வர்த்தக நிறுவனங்கள் அவற்றைத் தாமாகவே பெறுகின்றன என்பதும், அவை விண்ணப்பம் மூலமே வழங்கப்படுகின்றன என்பதுமே உண்மை. இதையும் ஹலால் சான்றிதழை பெற்றுள்ள நிறுவங்களை தொடர்பு கொண்டு விசாரித்தால் எவரும் அறிந்து கொள்ள முடியும்.

3.ஹலால் சான்றிதழ் மூலம் பெறப்படும் வருமானம் இஸ்லாத்தை பரப்புவதற்கே செலவு செய்யப்படுகின்றது.
ஹலால் சான்றிதழ் வழங்கும் பிரிவு பெறும் கட்டணம் அதனது நிர்வாகச் செலவுக்கே பயன்படுத்தப் படுகின்றதேயன்றி வேறொன்றுக்குமில்லை. ஜம்இய்யாவின் ஹலால் பிரிவின் கணக்கு விடயங்கள் பிரசித்திப் பெற்ற கணக்காளர் நிறுவனம் ஒன்று மூலமே ஆடிட் (யுருனுஐவு) செய்யப்படுகின்றது. ஆகையால் எந்த விடயங்களுக்கு ஹலால் பிரிவு தன்னுடைய வருவாயை செலவு செய்கின்றது என்பது ஒரு வெளிப்படையான விடயமே. ஹலால் பிரிவானது இஸ்லாத்தைப் பிரசாரம் செய்வதற்காக அமைக்கப்பட்ட ஒன்று அல்ல என்பதை நாம் தெளிவாகக் கூறிக்கொள்ள விரும்புகின்றோம்.

4.ஹலால் சான்றிதழ் முறைமை காரணமாக, ஹலால் உண்ணும் கட்டாயமில்லாத முஸ்லிமல்லாதவர்களும் அதிக விலைகளை கொடுக்க வேண்டியுள்ளது.
ஏனைய விமர்சனங்களை போன்றே இதுவும் அர்த்தமற்ற ஒன்றாகும். உற்பத்திப் பொருட்களின் விலை கட்டமைப்பு பற்றி சரியான தெளிவில்லாமை காரணமாவே இவ்வாறான குற்றச்சாட்டுகள் கூறப்படுகின்றன. இலங்கையில் பல உணவு மற்றும் குடிபான நிறுவனங்கள் வெளிநாடுகளுக்கும், குறிப்பாக ஹலால் உணவு வகைகளைக் கேட்கும் நாடுகளுக்கும் பாரிய அளவில் தமது உற்பத்திகளை ஏற்றுமதி செய்து வருகின்றன. ஹலால் சான்றிதழ் பெறுவதை அவ்வாறான ஒரு நிறுவனம் நிறுத்திவிட்டால் முதற்கண் உள்ளுரில் விற்பனை வீழ்ச்சி அடைவதோடு, வெளிநாட்டு கேள்விகள் பெருமளவு இரத்தாகி, விற்பனையில் பாரிய சரிவு ஏற்பட்டு விடும். இதனால் தங்களுடைய உற்பத்திச் செலவுகளை சிறு அளவு உற்பத்திக்கே சேர்க்க வேண்டிய நிலை ஏற்படுவதால் அப்பொருட்களின் விலை மேலும் அதிகரிக்க நேரிடும். மாறாக ஹலால் சான்றிதழ் பெறுவதற்கு நிறுவனங்கள் செலுத்தும் சிறு தொகை மூலம் பொருட்களின் விலை ஒரு போதும் அதிகரிப்பது என்பது கிடையாது.

உதாரணமாக ஒரு கோழிப்பண்ணை மூலம் 20,000 முதல் 40,000 ஆயிரத்துக்குட்பட்ட தொகை மாதாந்தம் பெறப்படுகின்றது. உற்பத்தியாளர் தினமும் 15,000 முதல் 25,000 ஆயிரம் கோழிவரை அறுத்து சந்தைக்கு விடுகின்றனர், இந்நிலையில் சான்றிதழுக்கு ஒரு கோழி முலம் பெறப்படுவது சில சதங்கள் மாத்திரமே. கோழிப்பண்ணை தவிர்ந்த ஏனைய உணவு உற்பத்தியாளர்களிடமிருந்து 700.00 ரூபாய் முதல் 25.000 வரை மாதாந்தம் கட்டணமாக பெறப்படுகின்றது. உற்பத்தியாளர் ஹலால் உற்பத்தியின் பயனாக உள்ளுர், வெளியூர் சந்தையிலும், சுற்றுலா மூலமும் ஆதாயம் பெறுகின்றனர்.

இந்நிலையில் சான்றிதழுக்கு ஒரு பொருளின் மூலம் பெறப்படுவது சதங்களை விட குறைவானதே மேலும் ஹலால் சான்றிதழிற்காக நிறுவனங்கள் வழங்கும் சிறு தொகை அவர்களின் வியாபாரத்தை கூட்ட வைத்துள்ளதே அன்றி பொருட்களின் விலை அதிகரிப்பதில்லை என்பது மிகத்தெளிவான ஒரு விடயமாகும். எனவே முஸ்லிமோ முஸ்லிமல்லாதவர்களோ ஹலால் பொருட்களுக்கு அதிக தொகை செலுத்தவேண்டிய தேவை என்ற பேச்சிற்கே இடமில்லை.

நாடு ஒற்றுமையையும் நல்லிணக்கத்தையும் வேண்டி நிற்கின்றது. எனவே நாம் நமது கலாசார மற்றும் மத ரீதியான சிறு சிறு வித்தியாசங்களை ஒதுக்கி விட்டு ஒரு தாய் மக்களாகக் கைகோர்த்து நம் தாய் நாட்டை அபிவிருத்திப் பாதையில் இட்டுச் செல்ல உறுதி கொள்வதே அறிவுடமையாகும் என்பதைக் கவனத்திற் கொள்வோமாக.

அகில இலங்கை ஜம்இய்யத்துல் உலமா
ஹலால் சான்றிதழ் பிரிவு

 இதையும் பார்க்க:-
                    * பன்றி இறைச்சி உண்பது தடை செய்யப்பட்டுள்ளது பற்றி க... 
                    * முஸ்லிம்களின் தலைவர் அமைச்சர் M.H.M.அஷ்ரப்f மரணத்த...
                       *  கொலைவெறி புலிகளின் முஸ்லிம்களுக்கு எதிர ான சாதனைகள...
                        *  காலி முகத்திடலும் காலியான முஸ்லீம் பெண்களின் முந்த...
                        *  பசுவில் பால் உற்பத்தியாகும் இடம் குறித்து புனித கு...

                                        தூய வழியில் பயணிப்போம் வாருங்கள்...!

அல்லாஹ்வை ஈமான் கொள்ள வேண்டும் என்பதின் விளக்கம் என்னவென்றால் அல்லாஹ் தன்னைக் குறித்து அல்குர்ஆனில் கூறியிருக்கும் தன்மைகள் (ஸிஃபத்துகள்) செயல்கள் அனைத்தும் உண்மையே என நம்புவதாகும்

. அந்தத் தன்மைகளையும் செயல்களையும் கொண்டுதான் அல்லஹ்வை நம்பிக்கை கொள்ள வேண்டும். அத்துடன் நபி (ஸல்) அவர்கள் அல்லாஹ்வைப்பற்றி கூறியுள்ள தன்மைகளையும், செயல்களையும் நம்பிக்கை கொள்ள வேண்டும்.

அல்குர்ஆனிலும் ஆதாரமிக்க நபிமொழிகளிலும்   கூறப்பட்டுள்ளதில் நமது அறிவைக் கொண்டு கருத்து, பொருள் மாற்றத்தையோ செய்யக்கூடாது.அவனுடைய தன்மைகளுக்கும் செயல்களுக்கும்   படைப்பினங்களின் தன்மைகளையும் செயல்களையும் உதாரணமாக உவமையாக கூறக்கூடாது.படைப்பினங்களின் தன்மைகளைக் கொண்டும் செயல்களைக்   கொண்டும் அல்லாஹ்வின் தன்மைகளையும் செயல்களையும் விவரிக்கக் கூடாது.அல்லாஹ்வின் தன்மைகள், செயல்கள் பற்றி   கூறப்பட்டுள்ள குர்ஆனின் வசனங்களை பொருளற்றவை என்று கூறக்கூடாது.அல்லாஹ் தன்னைப்பற்றி அல்குர்ஆனில் கூறியிருக்கும் வசனத்திற்கேற்ப அல்லாஹ்வை நம்பிக்கை கொள்ள வேண்டும்.

    لَيْسَ كَمِثْلِهِ شَيْءٌ وَهُوَ   السَّمِيعُ الْبَصِيرُ

….. அவனுக்கு ஒப்பானது ஒன்றுமில்லை அவன் (யாவற்றையும்)   செவியுறுபவனாகவும்) உற்று நோக்கியவனாகவும் இருக்கிறான். (ஸுரா அஷ்ஷுறா 42:11)
இதன் அடிப்படையில் அல்லாஹ் தன்னைப் பற்றி கூறியிருக்கும் எந்த தன்மைகளையும் அவை அவனுக்கு இல்லை என்று மறுக்கக் கூடாது. அல்லாஹ்வின் வசனங்களை மாற்றக் கூடாது. அவைகளை புரட்டி, திருத்தி மாற்றுப் பொருள் கூறவும் கூடாது. அல்லாஹ்வின் வசனங்களிலும் அவனது அழகிய திருப்பெயர்களிலும் முரண்பட்ட பொருளை புகுத்தக்கூடாது. எந்நிலையிலும் அல்லாஹ்வின் தன்மைகளுக்கு படைப்பினங்களின் தன்மைகளை உவமையாக கூறக் கூடாது.

நிச்சயமாக அல்லாஹ்விற்கு நிகரானவர் எவரும் இல்லை. அவனுக்கு சமமானவரும் எவரும் இல்லை. அவனுடைய தன்மையைப் பெற்றவரும் எவருமில்லை. அல்லாஹ்வை அவனது படைப்பினங்களைக் கொண்டு கணித்துவிடக் கூடாது. கணித்துவிடவும் முடியாது. அல்லாஹ் தன்னைப் பற்றியும் பிறரைப் பற்றியும் மிக அறிந்தவன். அவன்தான் முற்றிலும் உண்மையை உரைப்பவன். அவனது படைப்பினங்கள் அனைத்தையும் விட அவன்தான் மிக அழகிய முறையில் பேசுபவன். ஆகவே அவன் தன்னைப் பற்றி கூறியிருக்கும் அனைத்தும் சரியானைவையும், உண்மையானவையுமாகும். அவன் தன்னைப் பற்றி கூறியிருக்கும் தன்மைகளுடன்தான் நாம் அவனை ஈமான் கொள்ள வேண்டும்.

அடுத்ததாக அவனது தூதர்கள் அனைவரையும் உண்மையாளர்கள் என்றும் அல்லாஹ்வால் மெய்ப்பிக்கப்பட்டவர்கள் என்றும் நம்பிக்கைக் கொள்ளவேண்டும். ஆகவே இறைத்தூதர்கள் அல்லாஹ்வைப் பற்றி கூறியுள்ள அழகிய தன்மைகள் அனைத்தும் அவனுக்கு உரியனவே என ஈமான் கொள்ள வேண்டும். அல்லாஹ்வைப் பற்றி உறுதியான ஆதாரமும், தெளிவான அறிவுமின்றி பேசுபவர்களின் வழிமுறையை நாம் பின்பற்றக் கூடாது. இதைப் பற்றி அல்லாஹ் குர்ஆனில் கூறுகிறான்:

سُبْحَانَ رَبِّكَ رَبِّ الْعِزَّةِ عَمَّا يَصِفُونَ وَسَلَامٌ عَلَى الْمُرْسَلِينَ وَالْحَمْدُ لِلَّهِ رَبِّ الْعَالَمِينَ

அவர்கள் வர்ணிப்பதை விட்டும், கண்ணியத்தின் இறைவனான உம்முடைய இறைவன் தூயவன்.மேலும் முர்ஸல்(களான அவன் தூதர்)கள் மீது ஸலாம் உண்டாவதாக. இன்னும் புகழ் அனைத்தும் அகிலங்களின் இறைவனாகிய அல்லாஹ்வுக்கே உரித்தாகும்.

இவ்வசனங்களிலிருந்து நாம் விளங்க வேண்டியவை என்னவெனில்:
1. இறைத்தூதர்களுக்கு முரண்பட்டு அல்லாஹுவை பற்றி வர்ணிப்பவர்களின் வர்ணணைகளை விட்டும் அல்லாஹ் மிகத் தூய்மையானவன்.


2. இறைத்தூதர்கள் அல்லாஹுவை பற்றி கூறுவது அனைத்தும் எல்லாக் குறைகளை விட்டும் தவறுகளை விட்டும் பாதுகாக்கப்பட்டது. எனவேதான் அவர்களுக்கு அவனது அருளும் பாதுகாப்பும் உண்டு என வாக்களிக்கின்றான்.

3. அல்லாஹ் அவனுக்கு வைத்துக் கொண்ட பெயர்களிலும், அவன் வர்ணிக்கும் அவனது அழகிய பண்புகளிலும் அவன் கூறும் முறை என்னவெனில், அவன் தனக்கு தகுதியற்றதை தன்னிடம் இல்லையென்றும், தனக்கு தகுதியானதை தனக்கு இருக்கின்றது என்றும் கூறுகின்றான்.

எனவே, நபிவழியையும் நபித்தோழர்களையும் பின்பற்றும் நன்மக்கள் எந்நிலையிலும் அல்லாஹ்வின் தூதர்கள் கற்றுக் கொடுத்த இறைக் கொள்கையிலிருந்தும், ஈமானிய வழியிலிருந்தும் திரும்பிடக் கூடாது. நிச்சயமாக இதுவே மிக நேரான வழியாகும். இது அல்லாஹ் அருள்புரிந்த நபிமார்கள் .இறைத்தூதர்கள், “ஸித்தீக்’ என்ற உண்மையாளர்கள், “ஷஹீத்’ என்ற இறை பாதையில் உயிர்நீத்த தியாகிகள், “ஸôலிஹ்’ என்ற நல்லோர்கள் ஆகியோரின் வழியாகும்.அல்லாஹ் தன்னைப்பற்றி வர்ணித்துள்ள வசனங்களில் மிக முக்கியத்துவம் வாய்ந்த, திருக்குர்ஆனின் மூன்றில் ஒரு பகுதிக்கு சமமானது என்று கூறப்பட்ட சூரத்துல் இக்லாஸ் இக்கருத்தைத்தான் உறுதிப்படுத்துகிறது.

قُلْ هُوَ اللَّهُ   أَحَدٌ اللَّهُ   الصَّمَدُلَمْ يَلِدْ وَلَمْ يُولَدْ   وَلَمْ يَكُن لَّهُ كُفُوًا أَحَدٌ  

(நபியே!) நீர் கூறுவீராக: அல்லாஹ் அவன் ஒருவனே.   அல்லாஹ் (எவருடைய) தேவையற்றவன். அவன் (எவரையும்) பெறவுமில்லை (எவராலும்)   பெறப்படவுமில்லை.அன்றியும், அவனுக்கு நிகராகவும் ஒன்றுமில்லை. (ஸூரா அல்இக்லாஸ்   112:1-4)
மேற்கூறப்பட்ட திருவனங்களிலிருந்து நாம் விளங்கிக் கொள்ள வேண்டியவைகள்:

1) அல்லாஹ் என்ற வார்த்தை அகிலத்தைப் படைத்து பரிபாலித்து இரட்சித்து வரும் ஏக இறைவனுக்குரிய பெயராகும். இது “இலாஹ்’ என்ற பதத்திலிருந்து வந்ததாகும். இதன் பொருள் “உண்மையில் வணக்கத்திற்கு தகுதியானவன்’ என்பதாகும்.

2) அல்லாஹ் ஏகனே. அவனது உள்ளமை, அவனது பெயர்கள், அவனது தன்மைகள், அவனது செயல்கள் அனைத்திலும் அவனுக்கு இரண்டாமவர் இல்லை, அவனுக்கு நிகரானவர் இல்லை, அவனுக்கு ஒப்பானவர் இல்லை.

3) அஸ்ஸமது (தேவையற்றவன்) என்ற வார்த்தையின் பொருளாவது “தனது ஆட்சி, அறிவு, கண்ணியம், சிறப்பு அனைத்திலும் அவன் பூரணமானவன். அவன் யாருடைய தேவையுமற்றவன், அவனைத் தவிர யாவரும் அவன்பால் தேவையுடையவர்களே.

4) அவன் யாரையும் பெற்றெடுக்கவில்லை. அதாவது அவன் யாருடைய தகப்பனுமல்ல. அவன் எவருக்கும் பிறந்தவனுமல்ல. அதாவது அவன் எவரின் பிள்ளையுமல்ல. அவன் முற்றிலும் படைப்பினங்களுக்கு அப்பாற்பட்டவன். அவனே முந்தியவனும் முதலாமவனுமாவான். படைப்பினங்களை விட்டும் படைப்பினங்களின் தன்மையை விட்டும் முற்றிலும் தூய்மையானவன்.

5) ஆகவே, அவனுக்கு நிகராக எவருமில்லை. அவனைத் தவிர அனைத்தும் அவனால் படைக்கப்பட்டவையே. அந்த படைப்பினங்களில் எதுவும் அவனுக்கு சமமாகவோ நிகராகவோ ஒப்பானதாகவோ இல்லவே இல்லை. அல்லாஹ்தான் பூரணமானவன்.

இவ்வாறே திருக்குர்ஆனின் மிக மகத்தான வசனம் என்று வர்ணிக்கப்பட்ட “ஆயத்துல் குர்ஸி’ என்ற பின்வரும் வசனமும் இக்கருத்தை உறுதிப்படுத்துகிறது.

  ٱللَّهُ لَآ إِلَـٰهَ إِلَّا هُوَ ٱلۡحَىُّ ٱلۡقَيُّومُ‌ۚ   لَا تَأۡخُذُهُ ۥ سِنَةٌ۬ وَلَا نَوۡمٌ۬‌ۚ لَّهُ ۥ مَا فِى ٱلسَّمَـٰوَٲتِ وَمَا   فِى ٱلۡأَرۡضِ‌ۗ مَن ذَا ٱلَّذِى يَشۡفَعُ عِندَهُ ۥۤ إِلَّا بِإِذۡنِهِۦ‌ۚ   يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ‌ۖ وَلَا يُحِيطُونَ بِشَىۡءٍ۬   مِّنۡ عِلۡمِهِۦۤ إِلَّا بِمَا شَآءَ‌ۚ وَسِعَ كُرۡسِيُّهُ ٱلسَّمَـٰوَٲتِ   وَٱلۡأَرۡضَ‌ۖ وَلَا يَـُٔودُهُ ۥ حِفۡظُهُمَا‌ۚ وَهُوَ ٱلۡعَلِىُّ ٱلۡعَظِيمُ  

அல்லாஹ்-அவனைத்தவிர (வணக்கத்திற்குரிய) நாயன் வேறு   இல்லை. அவன் என்றென்றும் ஜீவித்திருப்பவன், என்றென்றும் நிலைத்திருப்பவன்;, அவனை   அரி துயிலே, உறக்கமோ பீடிக்காது, வானங்களிலுள்ளவையும், பூமியிலுள்ளவையும் அவனுக்கே   உரியன, அவன் அனுமதியின்றி அவனிடம் யார் பரிந்துரை செய்ய முடியும்? (படைப்பினங்களுக்கு)   முன்னருள்ளவற்றையும், அவற்றுக்குப் பின்னருள்ளவற்றையும் அவன் நன்கறிவான்;. அவன்   ஞானத்திலிருந்து எதனையும், அவன் நாட்டமின்றி, எவரும் அறிந்துகொள்ள முடியாது.   அவனுடைய அரியாசனம் (குர்ஸிய்யு) வானங்களிலும், பூமியிலும் பரந்து நிற்கின்றது.   அவ்விரண்டையும் காப்பது அவனுக்குச் சிரமத்தை உண்டாக்குவதில்லை – அவன் மிக   உயர்ந்தவன்; மகிமை மிக்கவன்.
மேற்கூறப்பட்ட திருவசனத்திலிருந்து நாம் விளங்கிக் கொள்ள வேண்டியவை:

1) அல்லாஹ்வைத் தவிர வேறு யாரும் வணக்கத்திற்குரியவன் இல்லை. எனவே அல்லாஹ்வைத் தவிர வேறு யாரையும் வணங்கக்கூடாது. அல்லாஹ்விற்கு செய்யும் வணக்க வழிபாடுகளை அவனைத் தவிர வேறு யாருக்கும் செய்யக்கூடாது.

2) அவனே என்றென்றும் உயிருள்ளவன்; நிலையானவன். அவனைத் தவிர இவ்வுலகத்தில் உள்ள அனைத்து வஸ்துக்களும் அழியக்கூடியவையே ஆகும். அவனுக்கு மரணமுமில்லை, சிறு தூக்கமுமில்லை. அவன் எந்நேரமும் படைப்பினங்கள் அனைத்தையும் கண்காணித்தவனாகவே இருக்கின்றான். வானங்களில் உள்ளவையும் பூமியிலுள்ளவையும் அவனுக்கே சொந்தமானவை. ஏனெனில் அவனே அவைகளை படைத்தான். அவைகளை படைக்கும் விஷயத்தில் அவனுக்கு வேறு எந்த உதவியாளரும் இல்லை. அவ்வாறே படைப்பினங்களை நிர்வகிப்பதிலும் அவனே முழு அதிகாரம் பெற்றவன்.

3) அவன் அனுமதி கொடுக்காமல் எவரும் எவருக்கும் சிபாரிசு செய்ய முடியாது. படைப்பினங்கள் எவ்வளவுதான் அந்தஸ்தில் உயர்ந்தாலும் அவைகள் அல்லாஹ்வின் அடிமைகளே. அல்லாஹ்வே அனைத்தையும் அடக்கி ஆளும் அகிலங்களின் அனைத்தின் அரசனாக இருக்கின்றான். அவனிடம் எவரும் துணிவு கொள்ளவோ அதிகாரம் செலுத்தவோ அவனை நிர்பந்திக்கவோ முடியாது. எவரும் அல்லாஹ்விடத்தில் தனக்குரிய அந்தஸ்தைக் கொண்டு தான் விரும்பியவர்களுக்கெல்லாம் அவனிடம் பரிந்துரை செய்யலாம் என்று துணிந்துவிட முடியாது. மாறாக, பரிந்துரை செய்வதற்கும், யாருக்காக பரிந்துரை செய்யலாம் என்றும் அல்லாஹ் அனுமதி வளங்க வேண்டும். அப்போதுதான் பரிந்துரையையும் அவன் ஏற்றுக் கொள்வான்.

4) அல்லாஹ்வின் அறிவே முழுமையானது. அல்லாஹ் எதையும் அவன் நாடிய அளவே படைப்பினங்கள் அறிந்து கொள்ள முடியும். படைப்பினங்களின் அறிவு முழுமையானதல்ல!.

5) அவன் தன் படைப்பினங்களை விட்டும் உயர்ந்தவன், மகத்தானவன். ஏழு வானங்களுக்கு மேல் அவன் அமைத்திருக்கும் “குர்ஸி” ஏழு வானங்களை விடவும் ஏழு பூமிகளை விடவும் மிக விசாலமானது என்று அவன் கூறியதிலிருந்து அவனது மகத்தான ஆற்றலையும் மாபெரும் வல்லமையையும் விளங்கிக் கொள்ளலாம்.

6) வானங்கள் பூமிகளை படைத்தது அவனுக்கு இலகுவானதே. அதில் எவ்வித சிரமமோ அவனுக்கு இல்லை. அவ்வாறே அதில் கோடானக் கோடி படைப்பினங்களை படைத்ததும் அவனுக்கு சிரமமானதல்ல. வானங்களையும் பூமிகளையும் அதிலுள்ள அனைத்து படைப்பினங்களையும் பாதுகாப்பதும் இரட்சிப்பதும் நிர்வகிப்பதும் அவனுக்கு மிக இலகுவானதே. அவன் அத்தகைய மாபெரும் ஆற்றலும் சக்தியும் படைத்தவன்.

“குர்ஸி என்பது அல்லாஹ்வுடைய பாதத்தின் ஸ்தலமாகும்” என்று ஆதாரப்பூர்வமான ஹதீஸ்களில் கூறப்பட்டுள்ளது. (முஸ்தத்ரகுல் ஹாகிம், முஸன்னஃப் இப்னு அபீ ஷைபா, தாரகுத்னி, முஃஜமுத் தப்ரானி, ஸஹீஹ் இப்னு குஜைமா.)

நபி (ஸல்) அவர்கள் கூறினார்கள்: யார் ஒருவர் இரவில் இவ்வசனத்தை ஓதுகிறாரோ அவருக்கு அல்லாஹ்வின் புறத்திலிருந்து ஒரு பாதுகாவலர் இருப்பார். காலை வரை ஷைத்தான் அவரை அணுகமாட்டான். (ஸஹீஹுல் புகாரி)

நபி (ஸல்) அவர்கள் கூறினார்கள்: யார் ஒருவர் ஒவ்வொரு பர்ளான தொழுகைக்குப் பின்பும் ஆயத்துல் குர்ஸியை ஓதுவாரோ அவர் சுவனம் நுழைய மரணத்தைத் தவிர வேறெந்த தடையும் இல்லை. (ஸூனனுன் நஸôயீ, அஸ்ஸில்ஸலத்துல் ஸஸீஹா)

அல்லாஹ்வின் தூதர் முஹம்மது (ஸல்) அவர்கள் அல்லாஹ்வை பற்றி வர்ணித்து இருக்கும் அனைத்து தன்மைகளையும் நாம் நம்பிக்கை கொள்ள வேண்டும். நபி (ஸல்) அவர்களின் ஹதீஸ்கள் திருக்குர்ஆனின் விளக்கவுரை களாகும். ஆகவே நபி (ஸல்) அவர்கள் கூறியதாக அறிஞர்களால் ஏற்று கொள்ளப்பட்ட உறுதிமிக்க, சரியான (ஸஹீஹ்) ஹதீஸ்களில் வந்துள்ள அல்லாஹ்வின் தன்மைகள், செயல்கள், பண்புகள் அனைத்தும் அவனுக்கு உண்டு என நாம் ஈமான் கொள்ள வேண்டும்.

அல்லாஹ்வின் தூதருக்கு கட்டுப்பட வேண்டும் என்று வலியுறுத்தும் வசனங்கள் குர்ஆனில் ஏராளம் உள்ளன. பார்க்க 4:13, 4:80, 4:59, 33:36.

இதையும் பார்க்க::-
                       * ஃபித்ரா எனும் நோன்பு பெருநாள் தர்மம்...!!
                 * பெண்கள் -அறிய வேண்டிய சில விடயங்கள்..!
                 * குர்ஆனை நம்புகின்றவர்களுக்கு அது ஓர் அருமருந்து
                 * ஒளுவின்றி ஸஜ்தா செய்யலாமா..?
                 * மன அமைதிக்கு மனைவி அவசியம்



                                          தூய வழியில் பயணிப்போம் வாருங்கள்...!



உடலையும் உடலின் கண் ,கிட்னி போன்ற உறுப்புக்களையும் தானம் செய்ய இஸ்லாத்தில் அனுமதி உண்டா கண் கிட்னி போன்ற சில மனித உறுப்புக்களை பிற மனிதர்களுக்கு பொருத்தி மருத்துவம் செய்யும் முறை தற்காலத்தில் தான் கண்டுபிடிக்கப்பட்டது. இந்த நவீன முறைகள் நபிகள் நாயகம் (ஸல்) அவர்கள் காலத்தில் இருக்கவில்லை. எனவே உலக விஷயத்தில் இது போன்ற முன்னேற்றங்கள் ஏற்பட்டால் நபிகள் நாயகம் (ஸல்) அவர்கள் காலத்தில் இந்த முறை இருந்ததா? என்று கேட்கக் கூடாது. 

மாறாக இஸ்லாத்தின் சட்ட திட்டங்களுக்கு இவை எதிராக இருக்கின்றதா? என்று மட்டும் பார்க்க வேண்டும். நவீன முறைகள் இஸ்லாமியச் சட்ட விதிமுறைகளுக்கு எதிராக இல்லாவிட்டால் அவை அனுமதிக்கப்பட்டதாகி விடும். கண், கிட்னி, இரத்தம் போன்றவற்றை தானமாகக் கொடுத்து பிறரை வாழவைப்பதை தடை செய்யும் விதமாக குர்ஆன் ஹதீஸில் எந்தச் சான்றும் இடம் பெறவில்லை. மாறாக மனித உயிரை வாழச் செய்வது என்ற அடிப்படையில் இது ஒரு நல்லறமாகும். சிலர் சரியான மார்க்க அறிவு இல்லாமல் மனித உயிரைக் காக்கும் இது போன்ற உறுப்பு தானங்களை எதிர்த்து வருகின்றனர்.

 இவர்களுக்கோ இவர்களின் உறவினர்களுக்கோ பிறருடைய உறுப்பைப் பொறுத்தினால் தான் வாழ முடியும் என்ற நிலை இருந்தால் அப்போது இவர்கள் உறுப்பு தானத்தை எதிர்க்க மாட்டார்கள். இந்தச் சூழ்நிலையில் அனைத்து மனிதனும் மன உறுத்தலின்றி இதை ஏற்றுக் கொள்வான்.  அதே நேரத்தில் உடல் முழுவதையும் தானம் செய்வதற்கு மார்க்கத்தில் அனுமதி இல்லை.  ஏனெனில் உடல் தானம் என்பது கண் தானத்தைப் போன்றதல்ல.  உடல் தானம் செய்யும் மனிதனின் உடலிலுள்ள பாகங்களை எடுத்து பிற மனிதர்களுக்குப் பொருத்துவதில்லை. 

 மாறாக உடலின் ஒவ்வொரு பாகத்தையும் எடுத்து மருத்துவக் கல்வியின் பாடத்திற்காகவும் ஆய்வுக்காகவுமே பயன்படுத்தப்படுகின்றன.  கண் தானத்தின் போது கண்ணோ மற்ற உறுப்புகளோ சிதைக்கப்படுவதில்லை. இறந்தவரின் கண்ணை எடுத்து அடுத்தவருக்குப் பொருத்தப்படுகின்றது. ஆனால் உடல் தானம் செய்தவரின் உறுப்புகள் ஒவ்வொன்றும் தனித்தனியாக சிதைக்கப்படுகின்றன. இதற்கு மார்க்கத்தில் அனுமதி இல்லை. கொள்ளையடிப்பதையும் ஒருவரின் அங்கங்களை (உயிருடன் இருக்கும் போதோ அல்லது இறந்த பிறகோ) சிதைப்பதையும் நபி (ஸல்) அவர்கள் தடை செய்தார்கள். அறிவிப்பவர் : அப்துல்லாஹ் பின் யஸீத் (ரலி), நூல் : புகாரி 2474, 5516 உடலைக் குளிப்பாட்டும் போது அவ்வுடலில் பல குறைபாடுகள் இருக்கலாம். 

உலகில் வாழும் போது அந்தக் குறைபாடுகளை அவர் மறைத்து வாழ்ந்திருக்கலாம். உடலைக் குளிப்பாட்டுபவர் அதைக் காண வேண்டிய நிலை ஏற்படும். இவ்வாறு காண்பவர் அந்தக் குறைபாடுகளை வெளியில் சொல்லாமல் மறைப்பது அவசியமாகும். 'ஒரு முஸ்லிமைக் குளிப்பாட்டுபவர் அவரிடம் உள்ள குறைகளை மறைத்தால் அவரை அல்லாஹ் நாற்பது தடவை மன்னிக்கிறான் என்று நபிகள் நாயகம் (ஸல்) அவர்கள் கூறினார்கள். அறிவிப்பவர்: அபூ ராஃபிவு (ரலி) நூல்கள்: பைஹகீ 3/395, ஹாகிம் 1/505, 1/516 தப்ரானி 1/315 இறந்த பின்னரும் ஒரு மனிதரின் வெட்கத்தலம் மறைத்து பாதுக்காக்கப்பட வேண்டும். 

ஆனால் உடல் தானம் செய்தால் அந்த உடலை மற்றவர்கள் அன்றாடம் நிர்வாணமாகக் காணும் நிலை ஏற்படும். மருத்துவப் படிப்புக்கு உடல் தேவைப்படும் என்ற காரணத்தால் இதை இஸ்லாம் அனுமதிக்காது. மனித உடல் போன்ற மாதிரிகளை வைத்து மருத்துவப் படிப்புக்கு பயன்படுத்த முடியும். இவ்வாறு நாம் முன்னரே தெளிவுபடுத்தியுள்ளோம். ஒருவர் தனது உடலை தானம் செய்வதாக எழுதிக் கொடுத்தாரா? குடும்பத்தினருக்கு சொல்லிச் சென்றாரா என்பது நமக்குத் தெரியவில்லை. அப்படி சொல்லிச் சென்று இருந்தாலும் எழுதியே கொடுத்தாலும் குடும்பத்தினர் உடலைக் கொடுக்க விரும்பாவிட்டால் கட்டாயமாக உடலைப் பெற முடியாது.

 எழுதிக் கொடுத்து இருந்தால் கூட நான் முஸ்லிமாக மாறிவிட்டேன். எனது உடலை இஸ்லாமிய முறைப்படி நல்லடக்கம் செய்வேன் என்று மாற்றி எழுதிக் கொடுக்கலாம். தனது உடலை தானம் செய்ய வேண்டும் என்று அவர் தனது குடும்பத்தினருக்குச் சொல்லிச் சென்றிருக்கக் கூடாது. இஸ்லாத்தில் நம்பிக்கை உள்ளவர்களால் அப்படிச் சொல்ல முடியாது என்பதையும் கூடுதலாக சொல்லிக் கொள்கிறோம்.


இதையும் பார்க்க::-
                       * ரமழான் இரவுத நேரத் தொழுகை...(தராவீஹ்)
                 * பன்றி இறைச்சி உண்பது தடை செய்யப்பட்டுள்ளது பற்றி க...
                 * குர்ஆனை நம்புகின்றவர்களுக்கு அது ஓர் அருமருந்து
                 * தொழுகையை ‘களா’வாக ஆக்க முடியுமா?
                 * பெண்களின் கண்ணியம்...!


                                       தூய வழியில் பயணிப்போம் வாருங்கள்...!

இஸ்லாம் மனித வாழ்வின் அனைத்துப் பகுதிகளையும் ஒழுங்குபடுத்தி, சீர்படுத்த வந்த மார்க்கமாகும். அந்த வகையில் மிகவும் சிக்கலானதும் பல குழப்பங்களை தோற்றுவிப்பதுமான பொருளாதார நடவடிக்கைகளையும் இஸ்லாம் செப்பனிட்டு வழிகாட்டியுள்ளது. அதிலும் மிகமுக்கியமாக ஒரு மனிதன் இவ்வுலகில் பொருளாதார வளத்துடன் வாழ்ந்து, மரணித்ததன் பின்னர் அவனுடைய அந்த சொத்துக்களும் செல்வமும் குடும்பத்தினர் மத்தியில் எவ்வாறு பகிர்ந்தளிக்கப்படல் வேண்டும் என்பதை இஸ்லாம் தெட்டத்தெளிவாக விளக்கியுள்ளது. குறிப்பாக பாகப்பிரிவினை தொடர்பான சட்டங்களுள் பெரும்பாலானவற்றை அல்லாஹ்தஆலாவே தெளிவாக விளக்கியிருப்பதை நாம் அவதானிக்கலாம். சூறா அந்நிஸாவின் 11,12ஆம் வசனங்கள் இதனை தெளிவாக விளக்கும் இறை வசனங்களாகும்.


4:11   يُوصِيكُمُ اللَّهُ فِي أَوْلَادِكُمْ ۖ لِلذَّكَرِ مِثْلُ حَظِّ الْأُنثَيَيْنِ ۚ فَإِن كُنَّ نِسَاءً فَوْقَ اثْنَتَيْنِ فَلَهُنَّ ثُلُثَا مَا تَرَكَ ۖ وَإِن كَانَتْ وَاحِدَةً فَلَهَا النِّصْفُ ۚ وَلِأَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ إِن كَانَ لَهُ وَلَدٌ ۚ فَإِن لَّمْ يَكُن لَّهُ وَلَدٌ وَوَرِثَهُ أَبَوَاهُ فَلِأُمِّهِ الثُّلُثُ ۚ فَإِن كَانَ لَهُ إِخْوَةٌ فَلِأُمِّهِ السُّدُسُ ۚ مِن بَعْدِ وَصِيَّةٍ يُوصِي بِهَا أَوْ دَيْنٍ ۗ آبَاؤُكُمْ وَأَبْنَاؤُكُمْ لَا تَدْرُونَ أَيُّهُمْ أَقْرَبُ لَكُمْ نَفْعًا ۚ فَرِيضَةً مِّنَ اللَّهِ ۗ إِنَّ اللَّهَ كَانَ عَلِيمًا حَكِيمًا

4:11. உங்கள் மக்களில் ஓர் ஆணுக்கு இரண்டு பெண்களுக்குக் கிடைக்கும் பங்குபோன்றது கிடைக்கும் என்று அல்லாஹ் உங்களுக்கு உபதேசிக்கின்றான்; பெண்கள் மட்டும் இருந்து அவர்கள் இரண்டு அல்லது அதற்கு மேற்பட்டிருந்தால் அவர்களுக்கு இறந்து போனவர்விட்டுச் சென்றதில் மூன்றில் இரண்டு பாகம் கிடைக்கும். ஆனால் ஒரே பெண்ணாக இருந்தால் அவள் பங்கு பாதியாகும்; இறந்தவருக்கு குழந்தை இருக்குமானால் இறந்தவர் விட்டுச் சென்றதில் ஆறில் ஒரு பாகம் (அவரது) பெற்றோர் ஒவ்வொருவருக்கும் உண்டு. ஆனால் இறந்தவருக்கு குழந்தை இல்லாதிருந்து பெற்றோர் மாத்திரமே வாரிசாக இருந்தால் அவர் தாய்க்கு மூன்றில் ஒரு பாகம் (மீதி தந்தைக்கு உரியதாகும்); 

இறந்தவருக்கு சகோதரர்கள் இருந்தால் அவர் தாய்க்கு ஆறில் ஒரு பாகம் தான் (மீதி தந்தைக்கு சேரும்). இவ்வாறு பிரித்துக் கொடுப்பது அவர் செய்துள்ள மரண சாஸனத்தையும், கடனையும் நிறைவேற்றிய பின்னர்தான்; உங்கள் பெற்றோர்களும், குழந்தைகளும் - இவர்களில் யார் நன்மை பயப்பதில் உங்களுக்கு நெருக்கமாக இருப்பவர்கள் என்று நீங்கள் அறிய மாட்டீர்கள்; ஆகையினால் (இந்த பாகப்பிரிவினை) அல்லாஹ்விடமிருந்து வந்த கட்டளையாகும்; நிச்சயமாக அல்லாஹ் (யாவற்றையும்) நன்கறிந்தவனாகவும் மிக்க ஞானமுடையவனாகவும் இருக்கின்றான்.

4:12   وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ ۚ فَإِن كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ ۚ مِن بَعْدِ وَصِيَّةٍ يُوصِينَ بِهَا أَوْ دَيْنٍ ۚ وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ ۚ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم ۚ مِّن بَعْدِ وَصِيَّةٍ تُوصُونَ بِهَا أَوْ دَيْنٍ ۗ وَإِن كَانَ رَجُلٌ يُورَثُ كَلَالَةً أَوِ امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ ۚ فَإِن كَانُوا أَكْثَرَ مِن ذَٰلِكَ فَهُمْ شُرَكَاءُ
فِي الثُّلُثِ ۚ مِن بَعْدِ وَصِيَّةٍ يُوصَىٰ بِهَا أَوْ دَيْنٍ غَيْرَ مُضَارٍّ ۚ وَصِيَّةً مِّنَ اللَّهِ ۗ وَاللَّهُ عَلِيمٌ حَلِيمٌ

4:12. இன்னும் உங்கள் மனைவியர் விட்டுச் சென்றதில் - அவர்களுக்குப் பிள்ளை இல்லாதிருந்தால் உங்களுக்குப் பாதி பாகம் உண்டு; அவர்களுக்குப் பிள்ளை இருந்தால் அவர்கள் விட்டுச் சென்றவற்றிலிருந்து உங்களுக்கு கால் பாகம்தான் - (இதுவும்) அவர்கள் செய்திருக்கிற மரண சாஸனத்தையும், கடனையும் நிறைவேற்றிய பின்னர்தான் - தவிர உங்களுக்குப் பிள்ளையில்லாதிருப்பின் நீங்கள் விட்டுச் சென்றதிலிருந்து அவர்களுக்குக் கால் பாகம்தான்; உங்களுக்குப் பிள்ளை இருந்தால், அப்போது அவர்களுக்கு நீங்கள் விட்டுச் சென்றதில் எட்டில் ஒரு பாகம்தான்; (இதுவும்) நீங்கள் செய்திருக்கும் மரண சாஸனத்தையும் கடனையும் நிறைவேற்றிய பின்னரேதான்; தந்தை, 

பாட்டன் போன்ற முன் வாரிசுகளோ அல்லது பிள்ளை, பேரன் போன்ற பின் வாரிசுகளோ இல்லாத ஓர் ஆணோ அல்லது பெண்ணோ - இவர்களுக்கு ஒரு சகோதரனோ அல்லது சகோதரியோ இருந்தால் - அவர்கள் ஒவ்வொருவருக்கும் ஆறில் ஒரு பாகம் உண்டு; ஆனால் இதற்கு அதிகமாக இருந்தால் அவர்கள் மூன்றில் ஒரு பாகத்தில் சமமாகப் பங்கிட்டுக் கொள்ளவேண்டும் - (இதுவும்) அவர்களின் மரண சாஸனமும் கடனும் நிறைவேற்றிய பின்னர்தான்; ஆனால் (மரண சாஸனத்தைக் கொண்டு வாரிசுகள்) எவருக்கும் நஷ்டம் ஏற்படக் கூடாது (இது) அல்லாஹ்வினால் விதிக்கப்பட்டதாகும்; இன்னும் அல்லாஹ் (யாவற்றையும்) நன்கறிந்தவனாகவும், மிக்க பொறுமையுடையோனுமாகவும் இருக்கின்றான்.


   இஸ்லாம் முன்வைக்கும் வாரிசுரிமைச் சட்டங்களுள் ஆண் பெறும் பங்கில் அரைப் பங்கைப் பெண் பெறுகின்றாள் என்பது பொதுவான ஒர் அம்சமாகும் (சொத்துப் பங்கீட்டில், ஓர்  ஆணுக்கு இரு பெண்களுக்குரியது போன்ற பாகம் உண்டென்று அல்லாஹ் உங்களுக்குக் கட்டளையிடுகின்றான்' (சூறா அந்நிஸா-11) என்ற மறைவாக்கியம் இதனை விளக்குகின்றது. இதனடிப்படையில் பெண் பெறுகின்ற பாகத்தின் இரு மடங்கை ஆண் பெறுகின்றான்.

  இந்தக் குறிப்பிட்ட விடயம் தொடர்பாக இன்று பல கேள்விக்கணைகள் தொடுக்கப்படுகின்றன. ஆண் - பெண் சமத்துவம் தொடர்பாக பெரிதும் உரையாற்றப்படுகின்ற இக் காலப்பகுதியில் இந்தப் பங்கீட்டின் ஊடாக முஸ்லிம் பெண் அநீதியிழைக்கப் பட்டிருக்கின்றாள் எனவும் இந்தச் சட்டங்கள் இன்றைய காலத்திற்குப் பொருத்தமற்றவை எனவும் இது ஆணாதிக்க சிந்தனையினூடாக உருவானது எனவும் சொத்துக்கள் ஆணுக்கும் பெண்ணுக்கும் சமமாகவே பகிர்ந்தளிக்கப்படல் வேண்டும் எனவும் கோஷங்களும் கூக்குரல்களும் எழுந்த வண்ணமுள்ளன. மேற்கத்தைய நாட்டவர்களால் முன்வைக்கப்பட்ட இந்த விமர்சனங்களை தற்காலத்தில் நம் நாட்டவர்களும் முஸ்லிம் பெண்ணிலைவாதிகளும் முன் வைக்கத் தலைப்பட்டுள்ளனர்.

  எனவே, இந்த விமர்சனங்களும் கருத்துக்களும் சரியானவையா? என ஆராய்ந்து, விளக்குவதே இக் கட்டுரையின் நோக்கமாகும்.

  இஸ்லாம் குடும்ப வாழ்வை இரு பெரும் பிரிவுகளாக பிரித்துள்ளது. குடும்பத்தின் முழுச் செலவினங்களையும் உள்ளடக்கிய பொருளாதாரப் பொறுப்பை இஸ்லாம் ஆணுக்கு வழங்கியுள்ளது. குழந்தை உருவாக்கம், பிள்ளை வளர்ப்பு, வீட்டு நிர்வாகம் போன்றவற்றை உள்ளடக்கிய வீடு சார்ந்த பொறுப்புக்களை இஸ்லாம் பெண்ணுக்கு வழங்கியுள்ளது. இந்தப் பிரிவினை ஒருவர் மற்றவரின் பொறுப்புக்களில் உதவக் கூடாது என்ற வகையிலான நிரந்தரப் பிரிவன்று. இது ஒருவரை ஒருவர் புரிந்து கொண்டு, விட்டுக் கொடுத்து ஒத்துழைப்பு வழங்கும் வகையிலான ஒரு பொறுப்பாகும். ஆண் - பெண்ணுடைய உடலமைப்பு, பலம், பலவீனம், இயல்பூக்கம், உளப்பாங்கு போன்றவற்றை கருத்திற்கொண்டே இவ்வாறு பொறுப்புக்கள் பிரிக்கப்பட்டுள்ளன.

  மேற்குறிப்பிடப்பட்டவாறு குடும்பத்தின் முழுமையான பொருளாதாரச் சுமைகளையும் ஆண் எவ்வாறு சுமக்கின்றான் என்பதைக் கீழ்வரும் அம்சங்கள் விளக்குகின்றன.

 ஆண் அவன் எந்த நிலையில் இருந்தாலும் பிறருக்குச் செலவழிக்கக் கடமைப் பட்டுள்ளான். அவன் தந்தை, கணவன், சகோதரன், மகன் என்ற நிலைமைகளின் போது அவனது குடும்பத்திற்கு செலவழிக்கும் பொறுப்பை ஏற்றுள்ளான்.
 ஆண் தனது மனைவி, பிள்ளைகள், பெற்றோர் சிலபோது தமக்குத் தாமே செல வழித்துக் கொள்ள முடியாத வேறு உறவினர்கள் ஆகியோருக்கு உணவு, உடை, உரையுள் (நபகா) போன்ற அத்தியவசியச் செலவினங்களைச் செய் வது கடமையாகும்.

 தனது பிள்ளைகளுக்குரிய கல்விக்கான செலவுகள், மனைவி, பிள்ளைகள், பெற்றோருக்கான வைத்தியச் செலவினங்களும் ஆணையேசாரும்.

 திருமணத்தின் போது பெண்ணுக்குரிய மஹர், வீடு, உடை, ஆபரணச் செலவினங் களையும் ஆணே ஏற்க வேண்டும்.

 சுருங்கக் கூறின் தனிமனித, திருமண, குடும்பச் செலவினங்களை முழுமையாக ஆண்தான் சுமக்கக் கடமைப்பட்டுள்ளான்.

  இதே வேளை பொருளாதாரரீதியாக பெண் எந்த வகையான பொறுப்பையும் ஏற்க வேண்டியதில்லை என்பதை பின்வரும் அம்சங்கள் தெளிவுபடுத்துகின்றன.

 பெண் அவளுக்கான செலவினங்களை அவள் எந்த நிலையிலிருப்பினும் ஓர் ஆணிடமிருந்து பெற்றுக்கொள்கின்ற உரிமை கொண்டவள். மகளாயின் தந்தையிடமிருந்தும் மனைவியாயின் கணவனிடமிருந்தும் சகோதரியாயின் சகோதரனிடமிருந்தும் தாயாயின் மகனிட மிருந்தும் அவளுக்கான முழுச் செலவினங் களையும் (நபகா) பெற்றுக் கொள்வாள்.

 பெண் குடும்பத்தில் யார் மீதும் செலவு செய்யக் கடமைப்பட்டவளள்ளள். தனக்கோ தனது கணவன், பிள்ளைகளுக்கோ அவள் செலவு செய்யத் தேவையில்லை. சில அறிஞர்களின் கருத்துப்படி, ஒரு பெண் வசதியானவளாக இருக்கும் சந்தர்ப்பத்தில் அவளது கணவன் ஏழையாக இருந்து, அவள் தனக்கும் தனது கணவன், பிள்ளைகளுக்கும் செலவழித்தால், அவளது கணவன் வசதியுள்ளவனாக மாறிய பின்னர் செலவழித்த தொகையை அவள் மீள வசூல் செய்து கொள்ள முடியும். அது ஒரு கடன் போன்று கருதப்படும்.

 அவள் திருமணம் செய்யும் போது அவளுக்கு எந்தப் பொருளாதாரப் பொறுப்பும் கிடையாது. அவளுக்குரிய வீடு, உடை ,ஆபரணம் என்பவையும் திருமண விருந்தும் (வலீமா) கணவன் மீதுள்ள பொறுப்புக்களாகும். அத்தோடு அவளுக்கு மஹர் என்ற வருமானமும் அதன் போது கிடைக்கும். இம் மஹர்த் தொகை சிலபோது பெருந்தொகைப் பணமாகவும் அமைந்து விடுவதும் உண்டு.


  எனவே மேலே சுட்டிக்காட்டிய விடயங்களின் படி, இஸ்லாமிய குடும்பச் சட்டங்களின் அடிப்படையில் ஆணுக்குரிய செலவினங்கள் மிகஅதிகம். பொருளாதாரப் பொறுப்புக்களும் மிகப்பாரியது. அதனால் செல்வமும் சொத்துக்களும் அவனுக்கே கூடுதலாக வழங்கப்படுதல் வேண்டும். பொறுப்புக்களின் அடிப்படையில் இவ்வாறு ஏற்றத்தாழ்வோடு வழங்குவதே மிகவும் நியாயமானதாகும்.

  உண்மையில்  பெண்ணுக்கு வழங்கப்படுகின்ற அரைப்பாகம் கூட அவளுக்கு மேலதிகமாகக் கிடைக்கின்ற தொகையாகும். அவள் செலவுப் பொறுப்புக்கள் எதுவுமின்றி, அதனைக் கையாளலாம். இதனைக் கீழ்வரும் உதாரணம் மூலம் விளங்கிக் கொள்ள முடியும்.

  ஒரு தந்தை தனது ஒரு மகனையும் ஒரு மகளையும் மாத்திரம் வாரிசுதாரராகவும் 30 இலட்சம் ரூபா பெறுமதியான சொத்தையும் விட்டுச் செல்கின்றார் என வைத்துக்கொள்வோம். இப்போது வாரிசுரிமைச் சட்டப்படி, மகனுக்கு இருபது இலட்சம் ரூபாயும் மகளுக்கு 10 இலட்சம் ரூபாயும் வாரிசுத் சொத்தாக கிடைக்கும். இவர்கள் இருவரும் திருமணம் முடிக்கும் நிலை வந்தால் அவர்களுடைய வரவு - செலவுகளை கீழ்வரும் அட்டவணை காட்டுகின்றது.


  இந்த அட்டவணையின் படி மகனின் மீதி 1,50,000.00 ரூபாவும் தொடர்ந்து கையிருப் பாக இருக்க முடியாது. வேறு வருமானங்கள் எதுவுமில்லாவிட்டால் அவன் அதனை தனது மனைவி, குடும்பத்தின் செலவினங்களுக்காகச் செலவிடுவான்.

  மகள் தனது உடை, அணிகலன்களுக் காகச் செலவிட்ட 100,000.00 ரூபாவும் அவள் கட்டாயமாகச் செலவழிக்க வேண்டிய தொகையன்று. அவ்வாறு செலவழித்ததாக எடுத்துக் கொண்டு பார்த்தாலும் அவளுக்கு மீதமாக 950,000.00 ரூபா காணப்படுகின்றது. அத்தோடு அவளுக்கு உடை, அணிகலன்கள் அவனது கணவனிடமிருந்தும் கிடைக்கும். இத்தொகையும் காலப்போக்கில் ஆணைப்போன்று கரைந்துவிடாது. அதனை அவள் தனது நிரந்தரமான சொத்தாக வைத்திருக்கவோ முதலீடுகளில் ஈடுபடுத்தி அதனைப் பெருக்கவோ முடியும். வேறு பொறுப்பான செலவினங்கள் அவளுக்குக் கிடையாது.

  இந்த வகையில் அவதானிக்கும் போது பெண் ஆணின் பங்கைவிட அரைப்பாகம் பெறுவதானது அவளுக்கு மேலதிகமாக வழங்கப்படுகின்ற ஒரு சொத்தாகும். அந்தக் கோணத்தில் இருந்து பார்க்கும் போது பெண் அநீதியிழைக்கப்பட்டுள்ளாள் என்ற கதையை விடுத்து, அவள் ஆணை விட கௌரவப் படுத்தப்பட்டிருக்கின்றாள் என்ற முடிவுக்கு எம்மால் வர முடியும்.

  ஆணுக்கும், பெண்ணுக்கும் சமமான பொருளாதாரப் பொறுப்புக்களைச் சுமத்தி, சொத்துப் பங்கீட்டை ஏற்றத் தாழ்வாகப் பிரிக்கும் போது தான் அங்கு அநீதி என்ற விடயத்தைப் பயன்படுத்தலாம். இங்கு ஆணுக்கு முழுப்  பொருளாதாரச் சுமை களும் வழங்கப்பட்டு, பெண் முழுமையாகவே பொருளாதாரச் சுமைகளிலிருந்து விடுவிக்கப் பட்டு, வாரிசுச் சொத்துக்கள் இரு சாராருக்கு மிடையில் சமமாகப் பிரிக்கப்படுவது ஆணுக்குச் செய்யும் அநியாயமாகும்.. இதனால்தான் இஸ்லாம் இத்தகைய சொத்துப் பங்கீட்டை உருவாக்கியுள்ளது.

  இந்தப் பின்னணியில் பார்க்கும் போது, பொருளாதாரப் பொறுப்புக்கள் சுமத்தப்படாத பெண்ணுக்கு ஏன் அரைப்பாகம் வழங்கப்படுகின்றது? என்ற கேள்வியும் எழ முடியும். ஆணுக்கு பணம், சொத்து என்பவற்றினால் அதிகமான நன்மைகளைப் பெறக் கூடிய வாய்ப்பு இருக்கின்றது. ஸகாத், ஸதகா, வஸிய்யத், வக்ப் போன்ற நற்கருமங்களின் மூலம் அவன் கணிசமான நன்மைகளைச் சம்பாதித்துக்கொள்வான். நன்மைகளைப் பெற்றுக் கொள்வதென்பது பெண்ணுக்கும் தேவையான ஒன்றாகும். எனவே, அவளிடம் சொத்துக்களும் செல்வமும் சொந்தமாக இருக்கும் பட்சத்திலேயே மேலே குறிப்பிட்ட நற்கருமங்களில் ஈடுபட வாய்ப்பேற்படும்.

  அதேவேளை  விவாகரத்து, கணவனின் திடீர் மரணம் போன்ற விரும்பத்தகாத, நிர்க்கதியான நிலைமைகளின் போது பிறரிடம் கையேந்தாது, அவளுக்கு உறுதுணையாக இருப்பதற்கு இத்தகைய சொத்துக்கள் அவசியப்படுகின்றன.

  அத்தோடு,  இஸ்லாமிய  வாரிசுரிமைச் சட்டங்களை நுணுக்கமாக ஆராயும் போது ஏழு சந்தர்ப்பங்களில் பெண் ஆணுக்கு சமனான பங்கையும் பத்து சந்தர்ப்பங்களில் ஆணை விட அதிகமான பங்கையும் நான்கு சந்தர்ப்பங்களில் பெண் வாரிசுரிமை பெறும் அதேவேளை அவளுடைய தரத்திலுள்ள ஆண் வாரிசுரிமை பெறாதிருப்பதையும் கண்டு கொள்ளலாம். எனவே, இஸ்லாமிய வாரிசுரிமைச் சட்டத்தில் ஆணுக்கு வழங்கப்படுகின்ற பாகத்தில் அரைப்பாகம் பெண்ணுக்கு வழங்கப்படுவதால் அவள் அநீதியிழைக்கப்படவில்லை என்பதையும் அவளுக்கு வழங்கப்படும் பாகம் மேலதிகமான சொத்தாகும் என்பதையும் அவளை கண்ணியப்படுத்து முகமாகவே இத்தகைய பங்கீடு அவளுக்கு வழங்கப்பட்டுள்ளது என்பதையும் அவளுக்குரிய சொத்தும் செல்வமும் நன்மைகளின் பால் அவள் ஈடுபாடு காட்டுவதற்கு  அவளைத் தூண்டுகின்றது என்பதையும் மிகவும் பிரத்தியட்சமாக எம்மால் புரிந்து கொள்ள முடியும்.

இதையும் பார்க்க::-
                        * தர்ம ம் வழங்காதவர் அடையும் தண்டனைகள்
                  * ஷரீஆவின் கண்ணோட்டத்தில் மனைவியைத் தண்டித்தல்...!
                  * ரமழான் 1 முதல் 30 வரையிலுள்ள ஓதக்கூடிய 30 துஆக்கள்...
                  * ஃபித்ரா எனும் நோன்பு பெருநாள் தர்மம்...!!
                  * இறந்தவருக்காகச் செய்யும் துஆ இறந்தவரின் இல்லம் செ...
                  * ஹஜ்ஜு என்னும் அருள்மாதம்


                                     தூய வழியில் பயணிப்போம் வாருங்கள்...!
இமாம் புகாரீ(ரஹ்) அவர்கள் சட்டங்களை கூறும் பாங்கினைச்சிறிது அறிந்துகொள்வோம். அதன் வழியாக இமாம்களின் ஆய்வு முறையை அறிய முற்படுவோம், எடுத்துக்காட்டாக., கடல் வேட்டையும் அதன் உணவும் உங்களுக்கு ஆகுமாக்கப்பட்டுள்ளது என்ற அல்லாஹ்வின் சொல்லைப்பற்றி கூறுகின்ற பாடத்தலைப்பை எடுத்துக்கொள்வோம்.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget