July 2013

                                  தூய வழியில் பயணிப்போம் வாருங்கள்...!

பொது வாழ்வின் சந்தடிகளை விட்டு தூரமாகி, அல்லாஹ்வை நெருங்கும் நோக்கில் தூய்மையான எண்ணத்துடன் இறைவழிபாடுகளில் ஈடுபடுவதற்காக பள்ளிவாசலில் தனித்திருத்தலே இஃதிகாப் என்பதாகும். இது ஒரு சுன்னாத்தான அமலாகும்.







 இஃதிகாபின் சிறப்புகள்..
ரமளான் மாதத்தின் கடைசிப்பத்தில் நபி (ஸல்) அவர்கள் இஃதிகாஃப் இருப்பார்கள் என அப்துல்லாஹ் இப்னு உமர் (ரலி) அவர்கள் அறிவிக்கின்றார்கள். (ஆதாரம்: புகாரி)

நபி (ஸல்) அவர்கள் மரணிக்கும் வரை ரமளான் மாதத்தின் கடைசிப் பத்தில் இஃதிகாஃப் இருக்கக் கூடியவர்களாக இருந்தார்கள். அவர்கள் மரணித்த பிறகு அவர்களின் மனைவிமார்கள் இஃதிகாஃப் இருந்தார்கள். (ஆதாரம்: புகாரி)

நபி (ஸல்) அவர்கள் ஒவ்வொரு ரமளான் மாதமும் பத்து நாட்கள் இஃதிகாஃப் இருப்பார்கள். மரணித்த வருடத்திலே இருபது நாட்கள் இஃதிகாஃப் இருந்தார்கள் என அபூஹுரைரா (ரலி) அவர்கள் அறிவிக்கின்றார்கள். (ஆதாரம்: புகாரி)

(நோன்பின்) கடைசிப்பத்து வந்துவிட்டால் நபி (ஸல்) அவர்கள் இரவெல்லாம் விழித்திருந்து அமல்செய்வார்கள். தன் குடும்பத்தையும் அமல் செய்வதற்காக எழுப்பிவிடுவார்கள். தன் மனைவிமார்களிலிருந்து தூரமாகி விடுவார்கள் என ஆயிஷா (ரலி) அவர்கள் அறிவிக்கின்றார்கள். (ஆதாரம்: புகாரி, முஸ்லிம்)

இஃதிகாபின் வகைகள்..
இஃதிகாப் இரண்டு வகைப்படும்.
1) வாஜிப்: யார் இஃதிகாப் இருப்பதாக நேர்சை வைக்கின்றாரோ அவர் மீது இஃதிகாப் வாஜிபாகும். உமர் (றழி) அவர்கள் மஸ்ஜிதுல் ஹராமில் ஒரு நாள் இரவு முழுவதும் இஃதிகாப் இருப்பதாக நேர்ச்சை வைத்தது பற்றி நபி (ஸல்) அவர்களிடம் வினவிய போது “உனது நேர்ச்சையை நிறைவேற்று” என்று கூறினார்கள். (ஆதாரம் புகாரி.)

2) சுன்னதான இஃதிகாப்: ஒருவர் நன்மையை நாடியும், இறை திருப்தியை வேண்டியும் இஃதிகாப் இருப்பது இந்த வகையைச் சேர்ந்ததாகும். “ நபி (ஸல்) அவர்கள் ஒவ்வொரு ரமழான் மாதத்திலும் பத்து நாட்கள் இஃதிகாப் இருப்பார்கள். அவர்கள் மரணித்த வருடத்திலே இருபது நாட்கள் இஃதிகாப் இருந்தார்கள்.” என அபூ ஹ{ரைரா (றழி) அவர்கள் அறிவிக்கின்றார்கள். (ஆதாரம் – புகாரி)

இஃதிகாப் இருப்பதற்கான காலம்..
இஃதிகாப் இருப்பதற்கென்று குறிப்பிட்ட காலம் கிடையாது. எப்போதும் இருக்கலாம். எவ்வளவு நேரமும் இருக்கலாம். ஆனால் இஃதிகாப் இருப்பதை நேர்ச்சை மூலம் தனக்கு கடமையாக்கிக் கொண்டவர் குறிப்பிட்ட அந்தக் காலப் பகுதியில் இஃதிகாப் இருப்பது கட்டாயமாகும்.
சுன்னத்தான இஃதிகாப் இருப்பவர்களுக்கு கால வரையரை கிடையாது. இஃதிகாப் இருக்கும் நிய்யத்தோடு கொஞ்சம் நேரம் பள்ளிவாசலில் தங்கியிருந்தாலும் அது நிறைவேறும். அவ்வாறே ஒரு நாள் இஃதிகாப் இருப்பதாக நிய்யத் வைத்த நிலையில் இடையில் முறித்துக் கொள்ளவும் முடியும்.

எப்போது ஆரம்பிப்பது..
இஃதிகாப் இருப்பதற்கு நேரம் காலம் கிடையாது என ஏற்கனவே பார்த்தோம். ஒருவர் ஒரு நாள் இஃதிகாப் இருப்பதாக நிய்யத் வைத்தால் அவர்; மஃரிப் நேரத்துடன் ஆரம்பித்து மறுநாள் மஃரிப் நேரம் வரை இருக்கவேண்டும் என பல அறிஞர்கள் அபிப்பிராயம் தெரிவித்துள்ளார்கள்.
பஜ்ர் நேரம் உதயமாக முன்னர் அவர் பள்ளிக்குள் நுழைந்து விட்டால் அதுவும் ஒரு நாளாக கணிக்கப்பட முடியும் என வேறுசில அறிஞர்கள் கருதுகின்றனர். “ நபி (ஸல்) அவர்கள் இஃதிகாப் இருப்பதற்கு நாடினால் பஜ்ர் தொழுகையை முடித்தவுடன் தனக்குரிய பிரத்தியேகமான இடத்தில் ஒதுங்கிவிடுவார்கள்” என்ற ஹதீஸ் இஃதிகாப் இருப்பவர்கள் பஜ்ருக்கு பின்; தனியான இடமொன்றை ஒதுக்கி அதில் தரிப்பதும் நபி வழி என்பதையே காட்டுகின்றது.

இஃதிகாபின் றுகூன்கள் (கடமைகள் )
1) நிய்யத: எல்லா செயல்களும் எண்ணங்களைப் பொறுத்தே அமைகின்றன என்ற ஹதீஸ் நிய்யத் கட்டாயம் என்பதை வலியுறுத்துகின்றுது.
2) பள்ளிவாசலில் தரித்திருத்தல்: குறிப்பிட்ட பள்ளியொன்றில் தரிக்கும் போது அல்லாஹ்வுக்காக இஃதிகாப் இருக்கின்றேன் என்ற எண்ணத்தை வரவழைப்பது கட்டாயமாகும்.

இஃதிகாப் இருக்கும் பள்ளிவாசல்கள்..
இஃதிகாப் இருப்பதற்கு பொருத்தமான இடம் பள்ளிவாசலே என்பதை பின்வரும் அல்குர்ஆன் வசனம் குறிப்பிடுகிறது. “ இன்னும் நீங்கள் பள்ளிவாசலில் தனித்து இஃதிகாபில் இருக்கும் போது உங்கள் மனைவியருடன் கூடாதீர்கள்” (ஸூறா பகரா: 187)

இமாம் அபூ ஹனீபா, இமாம் அஹ்மத் போன்றோரின் கருத்துப் படி ஐவேளை தொழுகை நடைபெறுகின்ற எந்த பள்ளிவாசலிலும் இஃதிகாப் இருக்கலாம். இமாம் ஷாபிஈ, இமாம் மாலிகி போன்றோரின் கருத்துப்படி “எந்த பள்ளிவாசலிலும் இஃதிகாப் இருக்கலாம். ஐவேளையும் தொழுகை நடைபெற வேண்டும்; என்ற நிபந்தனை கிடையாது. ஆனால்; ஜும்மா தொழுகை நிறைவேற்றப்படும் பள்ளிவாசலில் இருப்பது சிறந்ததாகும் எனக் கூறியுள்ளனர்.

நோன்பும் இஃதிகாபும்..
நோன்பு காலத்திலும் நோன்பு அல்லாத காலத்திலும் இஃதிகாப் இருக்கலாம். நோன்பு காலத்தில் இஃதிகாப் இருப்பது மிகச் சிறந்தது. ரமழான் இறுதிப் பத்தில் இஃதிகாப் இருப்பதில் நபி (ஸல்) அவர்கள் கூடிய கரிசனை காட்டியுள்ளதோடு அதனை தூண்டியுமுள்ளார்கள்.
நபி (ஸல்) அவர்கள் நோன்பின்றி இஃதிகாப் இருந்ததில்லை என ஆயிஷா (றழி) அவர்கள் அறிவித்துள்ள ஹதீஸ் ரமழான அல்லாத ஏனைய மாதங்களிலும் நோன்புடன் இஃதிகாப் இருப்பது விரும்பத்தக்கது என்பதயே உணர்த்துகிறது. எனவே ரமழான் அல்லாத மாதங்களில் இஃதிகாப் இருப்பவர் விரும்பினால் நோன்பு பிடிக்கலாம் விரும்பினால் நோன்பின்றி இஃதிகாப் இருக்கலாம்.

இஃதிகாப் ஏன்..
• லைலதுல் கத்ர் இரவை அடைந்து கொள்ளுதல்
• மக்களை விட்டும் ஒதுங்கி தனித்திருந்து அல்லாஹ்வை நெருங்குதல்
• உள்ளத்தை சீர் செய்து கொள்ளல்
• வணக்க வழிபாடுகளில் மாத்திரம் முற்றுமுழுதாக ஈடுபடல்
• இச்சையின் தூண்டுதல்களை விட்டு தூரமாகி நோன்பைப் பாதுகாத்தல்
• உலக விவகாரங்களில் ஈடுபடுவதை குறைத்துக் கொண்டு பற்றற்று வாழ பழுகுதல்

இஃதிகாப் இருக்கும் போது..
இஃதிகாப் இருப்பதிலிருந்து பூரண பயன் அடைந்து கொள்ள விரும்பும் ஒருவர் வீணான பேச்சுக்களை விட்டும் தவிர்ந்து கொண்டு தொழுகை. குர்ஆன் ஓதுதல், திக்ர் செய்தல் போன்ற இபாதத்களிலேயே கழிக்கவேண்டும். தனியாக இஃதிகாப் இருப்பது போலவே கூட்டாகவும் பலர் சேர்ந்து இஃதிகாப் இருக்கலாம். ஆனால் கூடிக்கதைத்து அதன் பலனை இழந்து விடாமல் பார்த்துக் கொள்ள வேண்டும். குழுக்களாக இருந்து குர்ஆன் விளக்கங்களை, சன்மார்க்க சட்டங்களை, ஸீராவை மற்றும் பயனுள்ள புத்தகங்களையும் படிக்க முடியும்.

இஃதிகாப் இருப்பவரை பாதிக்காத செயற்பாடுகள்
1) மனைவியை வழியனுப்புவதற்காக வெளியேறுதல். நபி (ஸல்) அவர்கள் இஃதிகாப் இருக்கும் சமயத்தில் தேவையின் நிமித்தம் நபியவர்களிடம் வந்த அவர்களது மனைவி ஸபிய்யா (றழி) அவர்களை வீடுவரை சென்று வழியனுப்பினார்கள்.
2) முடி களைதல், நகம் வெட்டுதல், தலை வாறுதல்: இது போன்ற சுத்தம் பேணும் விடயங்களில் ஈடுபடலாம்.
3) மலம் ஜலம் போன்ற அவசியத் தேவைக்காக பள்ளியை விட்டும் வெளியேறலாம்.
4) உண்ணுதல், பருகுதல், தூங்குதல் போன்ற செயற்பாடுகளை மேற்கொள்ளலாம்.
5) ஜும்மா தொழுகைக்காக, நோயாளியை தரிசிப்பதற்காக, ஜனாஸாவில் கலந்து கொள்வதற்காக வெளியேறுவதை அலி (றழி) அவர்கள் விரும்பத்தக்கதாக கருதியுள்ளார்கள். இன்னும் சில ஸஹாபாக்கள் சமூகப் பணிகளில் கூட ஈடுபட்டுள்ளார்கள். உண்மையில் இஸ்லாத்தில் துறவரம் என்பது கிடையாது. இஃதிகாப் என்ற பெயரில் சமூக உறவை முற்று முழுதாக அறுத்துவிடக் கூடாது என்பதையே இது காட்டுகின்றது.

இஃதிகாபின் விளைவு..
இஃதிகாப் தேவையற்ற சகவாசம், அதிகமாக தூங்குதல், நாவினால் ஏற்படும் பாவங்களிலிருந்து பாதுகாப்பு வழங்குவதுடன் இறை நினைவோடு வாழ்வதற்கும் அல்குஆன் ஓதுவதற்கும் அல்லாஹ்வை பற்றி சிந்திப்பதற்கும் அதிகமாக தொழுவதற்கும் இன்னும் பல வணக்கவழிபாடுகளில் ஈடுபடுவதற்கும் துணை செய்கின்றது.

இஃதிகாபை முறிக்கும் கருமங்கள்..
1) எந்தத் தேவையுமின்றி வேண்டுமென்றே பள்ளியில் இருந்து வெளியேறுதல்.
2) மதம் மாறுதல்.
3) மயக்கம் அல்லது மனநோய் காரணமாக புத்தி நீங்குதல்.
4) ஹைழ், நிபாஸ் ஏற்படுதல்
5) உடலுறவு கொள்ளுதல்

இஃதிகாப் விட்டுச் செல்லும் தடயங்கள்..
1) மஸ்ஜிதை விரும்புதல். உள்ளம் அதனோடு தெடர்புபடுதல்
2) தொழுகைக்காக காத்திருத்தல். அந்த வகையில் மலக்குகளின் பிராத்தனைக்கு உட்படுதல்.
3) உலக இன்பங்களை விட்டு தூரமாகுதல்.
4) தீங்கிழைக்கும் பழக்க வழக்கங்களை களைதல்
5) மனக்கட்டுப்பாட்டிற்கும் பொறுமைக்கும் பழகுதல்
6) பாவங்களை விட்டும் தூரமாகி தௌபா செய்யும் பழக்கம் எற்படுதல்
7) உளச் சீர்திருத்தமும் மன அமைதியும் கிடைக்கும்
8) குர்ஆனுடனான நெருங்கிய தொடர்பு

கவனிக்க..
முறையாக விடுமுறை எடுக்காமல் தொழிலை விட்டு விட்டு அல்லது பெண்கள் தமக்குள்ள கடமையான பணிகளை கவனிக்காமல் பள்ளியில் இஃதிகாப் இருப்பது அங்கீகரிக்க முடியாத செயலாகும். ஒரு சுன்னத்தான அமலை செய்வதற்காக அதைவிட முற்படுத்த வேண்டிய கடமைகளை விட்டுவிடுவது தவறாகும்.
எனவே இந்த விடயத்தில் கவனமாக நடந்து கொள்ள வேண்டும்.

 இதையும் பார்க்க:-


             

                                     தூய வழியில் பயணிப்போம் வாருங்கள்...!

ஆயிரம் மாதங்கள் செய்த நன்மை ஓரே இரவில்…
மகத்துவமிக்க இரவில் இதை நாம் அருளினோம். மகத்துவமிக்க இரவு என்றால் என்னவென உமக்கு எப்படித் தெரியும்? மகத்துவமிக்க இரவு ஆயிரம் மாதங்களை விடச் சிறந்தது. வானவர்களும், ரூஹும் அதில் தமது இறைவனின் கட்டளைப்படி ஒவ்வொரு காரியத்துடனும் இறங்குகின்றனர். ஸலாம்! இது வைகறைவரை இருக்கும். (அல்குர்ஆன் 97:1-5)

முந்தைய பாவங்கள் மன்னிக்கப்படுகின்றன அல்லாஹ்வின் தூதர் (ஸல்) அவர்கள் கூறினார்கள்: எவர் நம்பிக்கையுடனும் நன்மையை எதிர்பாத்தவராகவும் லைலத் துல் கத்ரு இரவில் நின்று வணங்குகிறாரோ அவரது முந்திய பாவங்கள் மன்னிக்கப்படும். அறிவிப்பவர்: அபூஹுரைரா (ரலி),  நூல்: புகாரி (35)

லைலத்துல் கத்ரு எந்த நாள்?
லைலத்துல் கத்ரு இரவில் இவ்வளவு சிறப்பை இறைவன் வைத்திருந் தாலும் அது எந்த இரவு என்பது நபி (ஸல்) அவர்கள் உட்பட யாருக்கும் தெரியாது. நபி (ஸல்) அவர்களுக்கு எடுத்து சொல்லப்பட்ட அந்த இரவை அல்லாஹ் ஏதோ ஒரு காரணத்திற்காக மறக்கடித்துள்ளான். நபி (ஸல்) அவர்கள் லைலதுல் கத்ரு இரவைப் பற்றி அறிவிப்பதற்காக தமது வீட்டிலிருந்து வெளியே வந்தார்கள். அப்போது முஸ்லிம்களில் இருவர் சச்சரவு செய்து கொண்டிருந்தார்கள். லைலதுல் கத்ரு இரவு பற்றி நான் உங்களுக்கு அறிவிப்பதற்காக வந்தேன். அப்போது இன்னின்ன மனிதர்கள் தமக்குள் சண்டை செய்து கொண்டிருந்தார்கள். உடனே அது (என் நினைவிலிருந்து) அகற்றப்பட்டு விட்டது. அதுவும் உங்களுக்கு நன்மையாக இருக்கலாம் ரமலான் மாதத்தின் இருபத்து ஏழு, இருபத்தி ஒன்பது, இருபத்தி ஐந்து ஆகிய இரவுகளில் அதனைப் பெறமுயற்சி செய்யுங்கள்” என்றார்கள்.
அறிவிப்பவர்: உபாதா பின் ஸாமித் (ரலி), நூல்கள்: புகாரி (49), முஅத்தா (615)

நபி (ஸல்) அவர்களுக்கே தெரியாது என்று இந்த ஹதீஸ் தெளிவாகக் கூறுவதால் அது குறிப்பிட்ட இந்த இரவுதான் என்று இவ்வுலகத்தில் எந்த மனிதனும் கூற முடியாது. எனினும் லைலதுல் கத்ர் ரமலான் மாதத்தின் கடைசிப் பத்தின் ஒற்றைப் படை இரவான 21, 23, 25, 27, 29 ஆகியவற்றில் ஏதாவது ஒன்றாக இருக்கலாம் என்று நபி (ஸல்) அவர்கள் கூறிய ஆதாரப்பூர்மான செய்திகள் உள்ளன. ரமலானில் கடைசிப் பத்து நாட்களில் உள்ள ஒற்றைப்படை இரவுகளில் லைலதுல் கத்ரைத் தேடுங்கள் என்று அல்லாஹ்வின் தூதர் (ஸல்) அவர்கள் கூறினார்கள்.
அறிவிப்பவர்: ஆயிஷா (ரலி), நூல்கள்: புகாரி 2017, முஸ்லிம் 1997

நபிகள் நாயகம் (ஸல்) அவர்கள் எங்களுக்கு லைலதுல் கத்ரு இரவைப் பற்றிச் சொல்லும் போது, அது ரமலான் மாதத்தில் தான் இருக்கிறது. எனவே அதை ரமலானில் கடைசிப் பத்தில் தேடுங்கள். அது ஒற்றைப்படை இரவான இருபத்தி ஒன்று அல்லது இருபத்தி மூன்று அல்லது இருபத்தி ஐந்து அல்லது இருபத்தி ஏழு அல்லது ரமலானின் கடைசி இரவில் (29) இருக்கும்” என்று சொல்லி விட்டு, யார் அதில் ஈமானோடும் நன்மையை எதிர்பார்த்த வராகவும் நின்று வணங்குகிறாரோ அவருடைய முந்திய பாவங்கள் மன்னிக்கப்படும்” என்று கூறினார்கள். அறிவிப்பவர்: உபாதா பின் ஸாமித் (ரலி)                                      நூல்: அஹ்மத் (20700)

மேற்கூறிய ஹதீஸ்கள் ஐயத்திற்கு இடமின்றி லைலதுல் கத்ர், ரமலான் மாதத்தில் கடைசிப் பத்து இரவுகளில் 21, 23, 25, 27, 29 ஆகியவற்றில் ஏதாவது ஒன்றில் தான் இருக்கும் என்பதைத் தெளிவாகக் காட்டுகிறது.

லைலதுல் கத்ர் 27வது இரவா..?
லைலதுல் கத்ர் இரவு ரமலானின் கடைசிப் பத்தில் ஒற்றைப்படை இரவுகளில் ஒன்றாகத்தான் இருக்கும் என்பதற்கு ஆதாரப்பூர்வமான ஹதீஸ்களை நாம் பார்த்தோம். ஆனால் ஹதீஸ்களைக் காணாத பொதுமக்கள் லைலதுல் கத்ர் இரவு, ரமலான் 27வது இரவுதான் என்று முடிவு செய்து பெரிய விழாவாகக் கொண்டாகிறார்கள். இதற்கு ஹதீஸ்களில் ஆதாரம் உள்ளதா? என்பதை நாம் பார்ப்போம். லைலதுல் கத்ரு இரவானது, இருபத்தேழாவது இரவாகும் என்று நபி (ஸல்) அவர்கள் கூறினார்கள்.
அறிவிப்பவர் : முஆவியா (ரலி), நூல்: அபூதாவூத் (1178)

இது போன்ற சில செய்திகளை அடிப்படையாக வைத்து சிலர் லைலத்துல் கத்ர் இரவு 27வது இரவு தான் என்று கூறுகின்றனர். இந்த ஹதீஸ் மட்டும் வந்திருந்தால் நாம் 27வது இரவு தான் என்று முடிவு செய்யலாம். ஆனால் இதற்கு மாற்றமாக நாம் முன்னர் குறிப்பிட்ட ஹதீஸில் லைலத்துல் கத்ர் இரவு என்பது நபி (ஸல்) அவர்களுக்கே மறக்கடிக்கப் பட்டுள்ளது என்று தெளிவாகக் குறிப்பிட்டு விட்டு, கடைசிப் பத்தின் ஒற்றை நாட்களில் அதை தேடிக் கொள்ளுங்கள் என்று நபி (ஸல்) அவர்கள் கட்டளை யிட்டுள்ளார்கள். மேலும் 27 என்று குறிப்பிட்டுள்ளதுபோல் 23 என்றும் வந்துள்ளது. அவற்றைப் பாருங்கள்.ரமலான் மாதத்தில் தேடக் கூடிய இரவான லைலத்துல் கத்ரைப் பற்றி நபித் தோழர்கள் நபி (ஸல்) அவர்களிடம் கேட்டார்கள். அதற்கு நபி (ஸல்) அவர்கள் 23வது இரவு என்று பதிலளித்தார்கள்.
அறிவிப்பவர்: அப்துல்லாஹ் பின் உனைஸ் (ரலி), நூல்: அஹ்மத் (15466)

இதைப் போன்று 21, 23, 25 என்று மூன்று இரவுகளை மட்டும் குறிப்பிட்டும் வந்துள்ளது. ரமலானின் கடைசிப் பத்து நாட்களில் லைலதுல் கத்ரை தேடுங்கள். லைலதுல் கத்ரை இருபத்தி ஒன்றாவது இரவில், இருபத்தி மூன்றாவது இரவில், இருபத்தி ஐந்தாவது இரவில் தேடுங்கள்” என்று நபி (ஸல்) அவர்கள் கூறினார்கள்.                                                                                அறிவிப்பவர்: இப்னு அப்பாஸ் (ரலி),நூல்: புகாரி 2021

இதைப் போன்று 23, 29 இரவு என்று இரண்டு இரவுகளை மட்டும் குறிப்பிட்டும் வந்துள்ளது. லைலதுல் கத்ரு இரவு கடைசிப் பத்து நாட்களில் உள்ளது. அதை இருபத்தொன்பதாவது இரவிலோ இருபத்து மூன்றாவது இரவிலோ தேடுங் கள்” என்று நபி (ஸல்) அவர்கள் கூறினார்கள்.
அறிவிப்பவர்: இப்னு அப்பாஸ் (ரலி) நூல்: புகாரி 2022

இப்படிப் பல்வேறு அறிவிப்புகள் வருவதன் சரியான கருத்து என்ன? என்பதற்கு இமாம் ஷாஃபீ அவர்கள் தெளிவான விடையை கூறியுள்ளார்கள்.
இப்படிப் பலவாறாக நபி (ஸல்) அவர்கள் கூறியதற்கு விளக்கம் அளித்த இமாம் ஷாஃபி அவர்கள், நபியவர்கள் கேட்கப்படும் கேள்விகளுக்கு ஏற்ப பதில் கூறும் வழக்கம் உள்ளவர்கள். இந்த இரவில் நாங்கள் லைலத்துல் கத்ரைத் தேடலாமா?’ என்று கேட்கும்போது அந்த இரவில் தேடுங்கள். என்று பதிலளித்திருப்பார்கள்” என்று கூறுகிறார்கள். திர்மிதீ : 722
 
அதாவது ஒரு நபித்தோழர் 21வது இரவில் லைலத்துல் கத்ரை தேடலாமா? என்று கேட்டிருப்பார். அப்போது நபி (ஸல்) அவர்கள் ஆம், 21 வது இரவில் தேடுங்கள்’ என்று கூறியிருப்பார்கள். இன்னொரு நபித்தோழர் 23வது இரவில் கத்ரை தேடலாமா? என்று கேட்டிருப்பார். அப்போது நபி (ஸல்) அவர்கள் ஆம், 23வது இரவில் தேடுங்கள்’ என்று கூறியிருப்பார்கள். இவ்வாறு ஐந்து ஒற்றைப்படை இரவுகளைப் பற்றியும் கேட்டிருப்பார்கள். அதற்கு ஏற்றவாறு நபி (ஸல்) அவர்கள் பதிலளித்திருப்பார்கள். எனவே ஐந்து ஒற்றைப்படை இரவுகள் பற்றியும் ஹதீஸ்களில் இடம் பெற்று இருக்கிறது. இந்தக் கருத்தே மாறுபட்ட ஹதீஸ்கள் வந்திருப்பதன் சரியான விளக்கமாகத் தெரிகிறது.

இஃதிகாஃபின் சட்டங்கள்
இஃதிகாப் என்ற அரபி வார்த்தைக்கு தங்குதல்’ என்ற பொருளாகும். இஸ்லாமிய வழக்கில் பள்ளியில் நன்மையை எதிர்பார்த்துத் தங்குவதற்கு இஃதிகாஃப் என்று சொல்லப்படும். நபி (ஸல்) அவர்கள் ரமலான் மாதத்தின் கடைசி 10 நாட்கள் இஃதிகாஃப் இருந்துள்ளார்கள். நபித்தோழர்களும் இருந்துள்ளனர். 

ரமலானில் இஃதிகாப் எதற்காக?
ஆயிரம் மாதங்களை விடச் சிறந்த இரவாக இருக்கும் லைத்துல் கத்ரை அடைந்து அதில் அதிகமதிகம் நன்மைகளைச் செய்ய வேண்டும், வேறு எண் ணங்களுக்கு இடம் கொடுத்து வணக்கங்களைக் குறைத்து விடக் கூடாது என்பதற்காகத்தான் ரமளானின் கடைசி பத்து நாட்கள் நபி (ஸல்) அவர்களும் நபித் தோழர்களும் இஃதிகாப் இருந்துள்ளார்கள் என்பதற்குப் பின்வரும் ஹதீஸ் சான்றாக அமைந்துள்ளது.

நபி (ஸல்) அவர்கள் ரமலான் முதல் பத்து நாட்கள் இஃதிகாப் இருந்தார்கள். நாங்களும் அவர்களுடன் இஃதிகாஃப் இருந்தோம். அவர்களிடம் ஜிப்ரீல் (அலை) வந்து நீங்கள் தேடக் கூடியது (லைத்துல் கத்ரு) உங்களுக்கு இனி வரும் (நாட்களில் உள்ளது)’ என்றார்கள். உடனே நபி (ஸல்) அவர்கள் நடுப் பத்து நாட்கள் இஃதிகாஃப் இருந்தார்கள். நாங்களும் அவர்களுடன் இஃதிகாப் இருந்தோம். அவர்களிடம் ஜிப்ரீல் (அலை) வந்து, நீங்கள் தேடக் கூடியது உங்களுக்கு இனி வரும் (நாட்களில் உள்ளது)’ என்றார்கள். ரமளான் இருபதாம் நாள் காலையில் நபி (ஸல்) அவர்கள் சொற்பொழிவு செய்ய எழுந்தார்கள். யார் நபியுடன் இஃதிகாப் இருந்தார்களோ அவர்கள் திரும்பிச் செல்லட்டும்! லைலத்துல் கத்ரு இரவு பற்றி எனக்குக் காட்டப் பட்டது. நான் மறக்கடிக்கப்பட்டு விட்டேன். நிச்சயமாக அது கடைசிப் பத்து நாட்களில் ஒற்றையான நாளில் உள்ளது. நான் களிமண் மீதும் தண்ணீர் மீதும் ஸஜ்தாச் செய்வது போல் கண்டேன்” என்று நபி (ஸல்) அவர்கள் கூறினார்கள்.
அறிவிப்பவர்: அபூஸயீத் (ரலி), நூல்கள்: புகாரி (813), முஸ்லிம் (2168)

இஃதிகாபின் ஆரம்பம்
இஃதிகாஃப் இருக்க நாடுபவர், 20ஆம் நாள் காலை சுப்ஹுத் தொழுது விட்டு இஃதிகாஃப் இருக்கும் இடத்திற்குச் சென்று விட வேண்டும்.
நபி (ஸல்) அவர்கள் இஃதிகாப் இருக்க நாடினால் பஜ்ரு தொழுகையை முடித்து விட்டு இஃதிகாப் இருக்கும் இடத்திற்குச் செல்வார்கள். நூல்: முஸ்லிம் 2007 

ஒற்றை இரவுகளில் லைலதுல் கத்ரைத் தேடுமாறு நபி (ஸல்) அவர்கள் கூறியுள்ளதை நாம் முன்பே அறிந்துள்ளோம். எனவே பஜ்ரு தொழுதவுடன் இஃதிகாப் இருக்கத் துவங்குவார்கள் என்பது 21ஆம் நாள் பஜ்ராக இருக்க முடியாது. அப்படி இருந்தால் அந்த இரவு அவர்களுக்குத் தவறிப் போயிருக்கும். 20 ஆம் நாள் தொழுது விட்டு இஃதிகாஃப் இருப்பார்கள் என்று விளங்குவதே பொருத்தமாக இருக்கும். 

இஃதிகாபின் முடிவு நேரம்
இஃதிகாப் இருப்பவர் ரமலான் மாதம் 29ல் முடிந்தால் அன்றைய மஃக்ரி பில் (அதாவது ஷவ்வால் பிறை தென்பட்ட இரவில்) இல்லம் திரும்பலாம். ரமலான் மாதம் 30 பூர்த்தியடைந்தால் அன்றைய மஃரிப் தொழுக்குப் பிறகு தன் இல்லம் திரும்பலாம்.
அபூஸயீத் (ரலி) கூறியதாவது: நபி (ஸல்) அவர்கள் ரமலான் மாதத்தின் நடுப்பகுதியில் உள்ள பத்து நாட்களில் இஃதிகாப் இருப்பார்கள். இருபதாம் இரவு கழிந்து மாலையாகி இருபத்தொன்றாம் இரவு துவங்கியதும் தமது இல்லம் திரும்புவார்கள். (சுருக்கம்) நூல்: புகாரி 2018 

நபி (ஸல்) அவர்கள் நடுப் பத்தில் இஃதிகாப் இருக்கும்போது இருபதாம் இரவு கழிந்து மாலையாகி இருபத்தொன்றாம் இரவு துவங்கியதும் போவார்கள் என்ற செய்தியிலிருந்து, கடைசிப் பத்தில் இஃதிகாப் இருப்பவர்கள் 29 இரவு கழிந்து அல்லது 30 இரவு கழிந்து மாலையாகி ஷவ்வால் மாதம் துவங்கும் இரவில் வீடு திரும்பலாம் என்பதை அறியலாம்.
பெருநாள் தொழுகை முடித்து விட்டுத்தான் வீடு திரும்ப வேண்டுமென சிலர் கூறினாலும் அதற்கு நபிமொழிகளில் ஆதாரம் இல்லை.

பள்ளியில் கூடாரம் அமைக்கலாமா?
ஆயிஷா ரலி கூறியதாவது: நபி (ஸல்) அவர்கள் ரமலானில் கடைசி பத்தில் இஃதிகாப் இருப்பார்கள் நான் அவர்களுக்காக ஒரு கூடாரத்தை அமைப்பேன். (சுருக்கம்) நூல்: புகாரி 2033

இந்த ஹதீஸின் அடிப்படையில் சிலர் கூடாரம் அமைக்கலாம் என்று கூறுகின்றனர். ஆனால் வேறு சில ஹதீஸ்களை நாம் கவனிக்கும் போது இது நபி (ஸல்) அவர்களுக்கு மட்டும் குறிப்பானது என்பதை விளங்கலாம்.
நபி (ஸல்) அவர்கள் இஃதிகாப் இருக்க நாடினார்கள். அவர்கள் இஃதிகாப் இருக்கும் இடத்திற்குச் சென்றபோது ஆயிஷா (ரலி)யின் கூடாரம், ஹஃப் ஸாவின் கூடாரம், ஸைனபின் கூடாரம் எனப் பல கூடாரங்களைக் கண் டார்கள். இதன் மூலம் நீங்கள் நன்மையைத் தான் நாடுகிறீர்களா?” என்று கேட்டு விட்டு இஃதிகாஃப் இருக்காமல் திரும்பி விட்டார்கள். ஷவ்வால் மாதம் பத்து நாட்கள் இஃதிகாப் இருந்தார்கள். அறிவிப்பவர்: ஆயிஷா (ரலி),             நூல்: புகாரி (2034)

நீங்கள் நன்மைத்தான் நாடுகிறீர்களா?” என்ற கேள்வியும், நபி (ஸல்) அவர்கள் தமது கூடாரத்தையே பிரித்து இஃதிகாபை விட்டதும் இவ்வாறு கூடாரங்கள் அமைப்பதில் அவர்களுக்கு இருந்த அதிருப்தியைக் காட்டு கின்றது.
மேலும் பின்வரும் ஹதீஸை பார்த்தாலும் மற்றவர்கள் கூடாரம் அமைக்கக் கூடாது என்பதை விளங்கலாம். நபி (ஸல்) அவர்கள் காலைத் தொழுகையை முடித்து விட்டுத் திரும்பியபோது நான்கு கூடாரங்களைக் கண்டு இவை என்ன? கேட்டார் கள். அவர்களுக்கு விவரம் கூறப்பட்டது…
நூல் :புகாரி – 2041

நபி (ஸல்) அவர்களுடன் நபித்தோழர்களும் இஃதிகாப் இருந்துள்ளனர். இதை கவனத்தில் வைத்து மேற்கூறிய ஹதீஸை கவனியுங்கள். காலைத் தொழுகையை தொழுது விட்டு நபி (ஸல்) அவர்கள் பள்ளியில் பார்த்த கூடா ரங்களின் எண்ணிக்கை மொத்தம் நான்கு. ஒன்று நபி (ஸல்) அவர்களுக் குரியது, இரண்டாவது அன்னை ஆயிஷா (ரலி) அவர்களுக்குரியது. மூன்றா வது அன்னை ஹஃப்ஸா (ரலி) அவர்களுக்குரியது. நான்காவது அன்னை ஸைனப் (ரலி) அவர்களுக்குரியது.
இஃதிகாப் இருப்பதற்குக் கூடாரங்கள் அவசியம் என்றிருந்தால் நபித் தோழர்களும் கூடராங்களை அமைத்திருக்க வேண்டும். அவ்வாறு அமைத்தி ருந்தால் நான்கிற்கும் மேற்பட்ட கூடாரங்கள் இருந்திருக்க வேண்டும். ஆனால் இருந்ததோ மொத்தம் நான்கு கூடாரங்கள் மட்டுமே! எனவே நபித் தோழர்கள் கூடாரங்களை அமைக்கவில்லை என்பதையும் நபி (ஸல்) அவர்கள் நபித்தோழர்களுக்கு கட்டளையிடவில்லை என்பதையும் நாம் அறியலாம். எனவே இஃதிகாபிற்கு கூடாரங்கள் தேவையில்லை.

இஃதிகாபில் பேண வேண்டிய ஒழுங்குகள்
பள்ளிவாசலில் இருக்கும்போது மனைவியுடன் இல்லறத்தில் ஈடுபடக் கூடாது.
பள்ளிவாசல்களில் இஃதிகாஃப் இருக்கும் போது மனைவியருடன் கூடாதீர்கள்! இது அல்லாஹ்வின் வரம்புகள். எனவே அதை நெருங்கா தீர்கள்! (தன்னை) அஞ்சுவதற்காக அல்லாஹ் தனது வசனங்களை மக்களுக்கு இவ்வாறு தெளிவுபடுத்துகிறான். (அல்குர்ஆன் 2:187) 

தேவையில்லாமல் பள்ளியை விட்டு வெளியே செல்லக்கூடாது
ஆயிஷா ரலி கூறியதாவது: நபி (ஸல்) அவர்கள் பள்ளியில் இஃதிகாப் இருக்கும்போது தமது தலையை வீட்டிலிருக்கும் என் பக்கம் நீட்டுவார்கள் அதை நான் வாருவேன். இஃதிகாப் இருக்கும் போது தேவைப்பட்டால் தவிர வீட்டி ற்குள் வர மாட்டார்கள். நூல்: புகாரி 2029

இதிலிருந்து தேவையில்லாமல் வெளியில் செல்லக் கூடாது என்பதையும் அவசியத் தேவைக்காக வெளியே செல்லாம் என்பதை அறியலாம். தேவை ஏற்படும் போது பள்ளிவாசலில் அவசியமான பேச்சுக்களைப் பேசலாம்.
ஸபிய்யா (ரலி) கூறியதாவது: நபி (ஸல்) அவர்கள் ரமலானில் கடைசி பத்து நாட்களில் இஃதிகாப் இருக்கும்போது அவர்களிடம் நான் செல்வேன் சற்று நேரம் அவர்களு டன் பேசிவிட்டு எழுவேன். அப்போது நபி (ஸல்) அவர்களும் என்னுடன் எழுந்து பள்ளியின் வாசல் வரை வருவார்கள்.
(ஹதீஸின் சுருக்கம்) நூல்: புகாரீ 2035 

இஃதிகாஃப் இருப்பவர் நோயாளியை விசாரிக்காமலிருப்பதும் ஜனாஸாவில் பங்கெடுக்காமல் இருப்பதும் மனைவியுடன் உடலுறவு கொள்ளாமல் இருப்பதும், அணைக்காமல் இருப்பதும் அவசியத் தேவையை முன்னிட்டே தவிர வெளியே செல்லாமலிருப்பதும் சுன்னதாகும். மேலும் நோன்பு இல்லாமல் இஃதிகாஃப் இல்லை. ஜுமுஆ நடக்கும் பள்ளியில் தவிர இஃதிகாப் கூடாது” அறிவிப்பவர்: ஆயிஷா (ரலி)  நூல்: அபூதாவூத் (2115)

இந்த ஹதீஸில் இடம் பெறும் சுன்னத்தாகும்” என்ற வாசகம் யாருக்குரியது என்பதிலும், இந்த வாசகத்தை அன்னை ஆயிஷா (ரலி) கூறினார்களா? என்பதிலும் கருத்து வேறுபாடுகள் உள்ளன. இஃதிகாஃப் இருப்பவர் நோயாளியை விசாரிக்காமலிருப்பதும் ஜனாஸாவில் பங்கெடுக்காமல் இருப்பதும் மனைவியைத் தீண்டாமல் இருப்பதும் அவசியத் தேவையை முன்னிட்டே தவிர வெளியே செல்லாமலிருப்பதும் சுன்னதாகும். ஜுமுஆ நடக்கும் பள்ளியில் தவிர இஃதிகாப் கூடாது” என்ற வாசகம் இந்தச் செய்தியில் இடம் பெறும் ஸுஹ்ரி என்ற அறிவிப்பாளருக்கு உரியது. இதை ஹதீஸின் வாசகமாக குறிப்பிட்டவர் யூகமாகக் குறிப்பிட்டு உள்ளார் என்று இமாம் தாரகுத்னீ அவர்கள் குறிப்பிட்டுள்ளார்கள்.
(நூல்: ஸுனன் தாரகுத்னீ, பாகம்: 2, பக்கம்: 201)

இதே செய்தியை பதிவு செய்த இமாம் பைஹகீ அவர்கள் பின்வருமாறு குறிப்பிட்டுள்ளார்கள். இந்த வாசகத்தை நம்பகத் தன்மையுள்ள பெரும்பாலானவர்கள் ஆயிஷா (ரலி) அவர்களுக்கு அடுத்து வருபவர்களின் சொல்லாகவே குறிப்பிட்டுள்ளார்கள். யார் இதை ஹதீஸின் வாசகமாகக் குறிப்பிட்டு உள்ளார்களோ அவர்கள் யூகமாகவே கூறியுள்ளார்கள்.                நூல் : பைஹகீ 8377 

இமாம் ஸுஹ்ரீ அவர்கள் ஹதீஸ்களை அறிவிக்கும் போது தனது கருத் தையும் ஹதீஸ் வாசகங்களுடன் (இது என் கருத்து என்று) தெளிவு படுத் தாமல் இணைக்கும் வழக்கம் உள்ளவர். எனவே இந்தச் செய்தியை அடிப்ப டையாகக் கொள்ள முடியாது. (அல்லாஹ் மிக அறிந்தவன்) இதைப் போன்று நபி (ஸல்) அவர்கள் இஃதிகாஃப் இருக்கும்போது நோயாளியை சந்திப்பார்கள், ஜனாஸாவில் கலந்து கொள்வார்கள் என்றும் சில ஹதீஸ்களில் இடம் பெற்றுள்ளது. அவையும் பலவீனமானவையே! புகாரியின் (2029) ஹதீஸின் அடிப்படையில் இஃதிகாஃப் இருப்பவர் அவசியமான தேவைகளைத் தவிர மற்ற எவைகளுக்கும் வெளியில் செல்லா மல் இருப்பது சிறந்தது. 

பெண்கள் இஃதிகாப் இருக்கலாமா?
பெண்கள் பள்ளிவாசலில் இஃதிகாஃப் இருக்கலாம் என்பதற்குப் பின்வரும் செய்தி ஆதாரமாக உள்ளது. நபி (ஸல்) அவர்கள் இஃதிகாஃப் இருக்கும்போது அவர்களின் மனைவியரில் ஒருவரும் இஃதிகாஃப் இருந்துள்ளார்கள்.
அறிவிப்பவர்: ஆயிஷா (ரலி), நூல்: புகாரீ (309)

நபி (ஸல்) அவர்கள் காலத்தில் நபிகளாரின் மனைவியைத் தவிர வேறு எந்த பெண்களும் இஃதிகாஃப் இருந்ததாக நாம் அறிந்தவரை ஹதீஸ்களில் இடம் பெறவில்லை. நபிகளாரின் மனைவிகள் இஃதிகாஃப் இருந்ததிலிருந்து கூடுதல் பட்சமாக பின்வரும் சட்டத்தை நாம் எடுக்கலாம். பள்ளிவாசலில் பெண்கள் இஃதிகாஃப் இருக்க வசதிகள் இருக்குமானால் கணவனுடன் அவர்கள் இஃதிகாஃப் இருக்கலாம். ஏனெனில் நபி (ஸல்) அவர்கள் காலத்தில் நபியவர்களுடன்தான் அவர்களது மனைவிமார்கள் இஃதிகாஃப் இருந்துள்ளார்கள்.

பெண்கள் இஃதிகாஃப் தொடர்பாக அறிஞர்களிடையே உள்ள கருத்துக்களில் மேலே நாம் சொன்ன கருத்தே ஹதீஸுக்குப் பொருத்தமாக அமைந் துள்ளது. பெண்கள் வீட்டில் இஃதிகாஃப் இருக்கலாம் என்று சிலர் கூறுகின்றனர். ஆனால் அதற்கு ஹதீஸ்களில் ஆதாரம் கிடையாது.பெண்கள் வீட்டில் இஃதிகாஃப் இருப்பது பித்அத் (நூதன பழக்கம்)” என்று இப்னு அப்பாஸ் (ரலி) அவர்களும் கூறியுள்ளார்கள். நூல்: பைஹகீ 8356

இஃதிகாப் சம்பந்தமான சிறப்புகளை பற்றி பல்வேறு ஹதீஸ்கள் வருகிறது ஆனால் அவை அனைத்தும் பலவீனமாக இருக்கிறது.
இன்னும் சில அறிஞர்களிடத்தில் ஒரு தவறான கருத்தும் நிலவுகின்றது அதாவது மக்கா மதினா பைத்துல் முகத்தஸ் ஆகிய மூன்று பள்ளிகளயில்தான் இஃதிகாப் இருக்க வேண்டும் என்று இதற்கு சில ஹதீஸ்களையும் ஆதாரமாக காட்டுகின்றனர் ஆனால் அவை அனைத்தும் பலவீனமாகவே இருக்கின்றன. மேலும் இந்த ஹதீஸின் கருத்துக்கு மாற்றமாக மற்ற நபித்தோழர்கள், அலீ (ரலி) அவர்களும் ஆயிஷா (ரலி) அவர்களும் இப்னு அப்பாஸ் (ரலி) அவர்களும் கருத்துச் சொல்லியிருப்பது இந்த ஹதீஸை மேலும் பலவீனமடையச் செய்கிறது. மேலும் இந்த ஹதீஸ், திருக்குர்ஆன் வசனமான நீங்கள் பள்ளிவாசல்களில் இஃதிகாப் இருக்கும் போது மனைவியுடன் சேராதீர்கள்” (அல் குர்ஆன் 2:187) என்பதற்கு முரணாகவும் இருக்கிறது.


 இதையும் பார்க்க:-


                                   தூய வழியில் பயணிப்போம் வாருங்கள்...!

 உள்ளத்திற்கும் உடலுக்கும் ஆரோக்கியத்தை அள்ளி வழங்கும் ஓர் அற்புத மாதம். அல்ஹம்துலில்லாஹ். எனவே இப்புனித ரமழான் மாதத்தில் நோன்பு நோற்பதற்கு சக்தியுள்ள அனைத்து முஸ்லிம்களும் நோன்பு நோற்று அம்மாதத்தினை சிறப்பிக்க வேண்டியது கட்டாயக் கடமையாகும். உடலுக்கும் உள்ளத்திற்கும் வசந்தகாலம் நோன்பு மாதமாகும்.

இஸ்லாமிய மார்க்கம் நமது நாயகம் முஹம்மத் முஸ்தபா ஸல்லல்லாஹு அலைஹி வஆலிஹிவசல்லம் அவர்களின் பிறப்பின் பின்னர் தோன்றியதொரு நவீன மதமல்ல. அது உலகம் படைக்கப்பட்ட நாளிலிருந்து அதனைப் படைத்தவனால் பிரகடனப்படுத்தப்பட்டதொரு மார்க்கம் என்பதற்கு நோன்பையும் ஓர் உதாரணமாகக் கூறலாம். காரணம் அனைத்து மத கோட்பாடுகளிலும் நோன்பு பற்றிய அறிவுரை சொல்லப்பட்டிருக்கிறது. இதனையே அல்லாஹ் தனது திருமறையில், விசுவாசிகளே! உங்களுக்கு முன் இருந்தவர்கள் மீது நோன்பு விதியாக்கப்பட்டிருந்தது போல் உங்கள் மீதும் விதியாக்கப்பட்டுள்ளது. அதன் மூலம்) நீங்கள் உள்ளச்சமுடையோர் ஆகலாம் என அல்லாஹ் கூறுகின்றான். 2:183 எனவே நோன்பு சமீபகாலமாக தோன்றியது அல்ல. அது அல்லாஹ்வால் பிரபஞ்சம் படைக்கப்பட்ட நாளிலிருந்து தொன்றுதொட்டு வரக்கூடிய மனிதர்களினால் அனுஷ்டிக்கப்பட்டு வருகின்றதொரு கிரியையாக இருந்துள்ளது. உலகிலுள்ள சகல மதத்தினர்களும் ஏதாவதொரு அமைப்பில் காலாகாலமாக நோன்பு நோற்று வருவது இங்கு குறிப்பிடத்தக்கதொரு விடயமாகும்.

நோன்பு நோற்கும் ஒருவர், சுபஹ் தொழுகைக்கான அதானொலி கேட்கும் வரை உண்டு, பருகலாம். அதானொலி கேட்டுவிட்டால் உண்பதைக் கட்டாயம் நிறுத்திக் கொள்ள வேண்டும். பேணுதலுக்காக ஸஹர் முடிவு நேரத்துடன் உண்டு, பருகுவதை நிறுத்திக் கொள்ள வேண்டும். நீங்கள் ஸஹர் செய்து கொள்ளுங்கள். அதில் பரகத் இருக்கிறதெனக் கூறிடும் அண்ணல் நபி முஸ்தபா ஸல்லல்லாஹு அலைஹி  அவர்கள், ஸஹரை முடியுமானவரை பிற்படுத்திக் கொள்ளுமாறு அறிவுரை பகர்ந்துள்ளார்கள். யூதர்கள் தங்களது ஸஹர் உணவை நேரகாலத்தோடு முடித்துக்கொள்ளும் பழக்கமுடையவர்களாக இருந்துள்ளதே இதற்கான காரணமாகும்.
அவ்வாறே நோன்பு திறப்பதற்கான நேரத்தை அடைந்து விட்டால் உடனே நோன்பைத் திறந்து விட வேண்டும். யூதர்கள்தான் நோன்பு திறப்பதை தாமதிப்பார்கள் என்று நபி மொழி கூறிக் கொண்டிருக்கிறது. சூரியன் முழுமையாக மறைந்து இரவின் இருள் படர ஆரம்பமாவதுதான் நோன்பு திறக்கும் நேரமாகும்.

ஸஹர் உணவு...:
ஸஹர் நேரத்தில் உணவு உட்கொள்வது ஸுன்னத்தான அமலாகும். காலை மதியம், இரவு என வழக்கமாக சாப்பிட்டுப் பழகிப்போன நமது வயிறு, மண்ணீரல், கல்லீரல், சிறுகுடல், பெருங்குடல் போன்றவை ஒரு மாத காலம் நேரம் மாறி ஸஹர் நேரத்தில் நாம் சாப்பிடுவதன் மூலம் இந்த உறுப்புக்களின் வழக்கமான இயற்கை முறையில் ஓய்வு கிடைத்து புத்துணர்ச்சி பெற்று இயங்க ஆரம்பிக்கிறது. இதன் மூலம் இந்த உறுப்புக்கள் சம்பந்தப்பட்ட நோய்கள் நலமாகின்றன. குறிப்பாக நுரையீரல் அதிகப்படியாக இயங்கும் நேரம் காலை 3-5 வரை உள்ள 2 மணி நேரங்களாகும். ஸஹர் நேரத்தில் நோன்பு நோற்பதற்காக விழித்திருப்பதால் நமது நுரையீரல் மிகுந்த புத்துணர்வு பெற்று சிறப்பாக செயல்படுவதாக மருத்துவ அறிக்கைகள் கூறுகின்றன. இது ஸஹர் நேரத்தில் உணவு உட்கொள்வதனால் நோன்பாளியின் தேகம் பெற்றுக்கொள்கின்ற பலனாகும். மேலும் இரவின் விரும்பிய நேரத்தில் அடுத்த நாள் நோன்பு நோற்பதற்கான நிய்யத்தினை அவசியம் வைத்துக்கொள்ள வேண்டும். ஸஹர் உணவு உண்ட பின்னர்தான் நிய்யத் வைக்க வேண்டும் என்பதல்ல.

இஃப்தார்: நோன்பு திறப்பதற்கான நேரம் வந்ததும் நோற்றிருந்த நோன்பு செயலற்றுப்போய்விடும். ஆகாரம் இதற்குப் பிரதானம் அல்ல. எனினும் உங்களில் ஒருவர் நோன்பு திறக்கும் பொழுது பேரீத்தம் பழத்தால் நோன்பு திறக்கட்டும். அதில் பரகத் இருக்கிறது. அது கிடைக்காவிட்டால் தண்ணீரால் நோன்பு திறக்கட்டும். ஏனெனில் அது தூய்மையானதாகும் என்ற அண்ணலார் ஸல்லல்லாஹ அலைஹி வஆலிஹி வசல்லம் அவர்களின் பொன் மொழி திர்மிதி, இப்னு மாஜாவில் பதிவாகியுள்ளது.
நோன்பாளி தனது நோன்பைத் திறக்கும் போது கேட்கப்படும் பிரார்த்தனை நிராகரிக்கப்படுவதில்லை என அண்ணலெம் பெருமானார் முஸ்தபா ஸல்லல்லாஹு அலைஹி வஆலிஹி வசல்லம் அவர்கள் நவின்றுள்ளார்கள். (திர்மிதி) எனவே இந்நேரத்தை நாம் வீணடித்துவிடக்கூடாது.

பேரீத்தம் பழத்தின் மகிமை..
நோன்பாளியின் உடலில் பகல் பொழுதுகளில் ஏற்படுகின்ற சோர்வு, களைப்பு சாப்பாடு குறைந்ததனால் ஏற்பட்டதல்ல. சராசரியாக ஒருவரது உடலில் இருக்க வேண்டிய சர்க்கரை குறைவதுதான். அதற்கான காரணமாகும். உடலில் குறைந்துவிட்ட சர்க்கரையை மீண்டும் உடலுக்கு மிக வேகமாக வழங்கி உடலில் சுறுசுறுப்பை ஏற்படுத்தும் அபார சக்தி பேரீத்தம் பழத்துக்கு இருப்பதாக நவீன ஆய்வாளர்கள் கூறியிருக்கின்றார்கள். எனவே, நோன்பினை பேரீத்தம் பழத்தினையும் தண்ணீரையும் கொண்டு திறவுங்கள். பின்னர் மஃரிப் தொழுகையை நிறைவேற்றிவிட்டு போதுமானளவு உண்டு, பருகிக் கொள்ளுங்கள்.

அதிகாலையிலிருந்து மாலை வரை பொறுமையாக இருந்து ஐம்புலன்களையும் அடக்கி வைத்தவர்கள் நோன்பு திறக்கும் போது பொறுமையிழந்து கட்டுப்பாடு இல்லாமல் கண்ட கண்ட உணவுகளை உண்பது நோன்பின் நோக்கத்தைப் பாழாக்கிவிடும். நோன்பு திறக்கும் நேரத்தில் பல அமிலங்கள் வயிற்றில் சுரந்திருக்கும். குடலிலும் வயிற்றிலும் இன்னும் தேவையற்ற கழிவுகளும் தங்கியிருக்கும் இவைகளை நீக்கிச் சுத்தப்படுத்தும் சக்தி பேரீத்தம் பழத்திற்கு அல்லாஹ் வழங்கியுள்ளான்.
ஐஸ் கிரீம், குளிர்பானங்கள், சோடா, கோலா போன்ற வாயு நிறைந்த பானங்கள், செயற்கைப் பானங்கள், எண்ணெய்யில் மூழ்கி எடுக்கப்பட்ட உணவுப் பண்டங்களின் மூலமாக நோன்பு திறப்பதைத் தவிர்க்க வேண்டும். இது உடல் நலத்தை பாதித்துவிடும். இவ்வாறு முறையாக நோன்பு திறந்த பின்னர் ஒரு மணி நேரத்திற்கு உணவு உண்ணாமல் இருப்பது உடல் நலத்திற்கு மிகவும் சிறந்தது. பேரீத்தம் பழத்தின் வித்தை பொடி செய்து கோபி, பால், சர்கரை கலந்து சாப்பிட்டால் உடலுக்கு உரமளிக்கும் என்றும் ஆய்வுகள் கூறுகின்றது.

பேரீத்தம் பழத்தினை உட்கொண்டு நோன்பு திறக்குமாறு அண்ணலெம் பெருமானார் முஸ்தபா ஸல்லல்லாஹு அலைஹி வஆலிஹி வசல்லம் அவர்கள் கூறிய அற்புத வாக்கின் யதார்த்தம் என்ன என்பதை அறிஞர் பெருமக்களான ஹஜர் அல் அஸ்கலானீ, இப்னுல் கையிம், புஜைரிமி, தஹாவீ, இப்னுல் அரபி போன்ற பெருமக்கள், சுமார் 700 வருடங்களுக்கு முன்னரே தெளிவுபடுத்திவிட்டார்கள். அண்ணலார் ஸல்லல்லாஹு அலைஹி வஆலிஹி வசல்லம் அவர்களின் வார்த்தைகள் வெறும் சாதாரண வார்த்தைகள் அல்ல. அது தெய்வீக வார்த்தைகள்தான் என்பதை நவீன ஆய்வாளர்கள் இப்பொழுதுதான் கண்டு பிடித்திருக்கிறார்கள்.
அமெரிக்க நோய்த் தடுப்பு இயக்குநரான மருத்துவர் எல்ஸன் எம். ஹாஸ் என்பவர் நோன்பு பற்றி பின்வருமாறு விளக்குகிறார். நோன்பு மிகச் சிறந்த இயற்கை மருத்துவம். அது மிகத் தொண்மையான உலகளாவிய நோய் நிவாரணி. 15 வருடங்களுக்கு முன்பு நான் நோயுற்ற பொழுது உணவைத் தவிர்த்திருந்ததே என் உடல் நலம் தேற உதவியது எனக் கண்டுபிடித்தேன்.

புதிய சக்தி உடலில் பாய்வதை உணர்ந்தேன். உடலியக்கத்தில் உட்சாகம் பளிச்சிடுவதை உணர்ந்து கொண்டேன். எனவே நோன்பு நலம் தரும் பல நோய்களைத் தடுக்கிறது என்று குறிப்பிட்டதுடன், அமெரிக்கர்களின் பெரும்பாலான நோய்களுக்கு காரணம் உணவுக் கட்டுப்பாடு இல்லாததேயாகும். நோன்பு என்றால் என்னவென்பது அவர்களுக்குத் தெரியாதிருக்கிறது. உயர் இரத்த அழுத்தம், மாரடைப்பு, சர்க்கரை நோய் முதலிய வியாதிகள் தோன்றுவதற்கு உணவுக் கட்டுப்பாடின்மையே காரணமாகும். நோன்பு இவற்றைத் தடுக்கும் கருவியாக உள்ளது என்று குறிப்பிட்டுள்ளார்.

நோயுற்றவரிடமிருந்து உணவை நீக்கி விடுங்கள். இப்பொழுது பட்டினி கிடப்பது நோயுற்றவர் அல்ல. அவருடைய நோயே என மற்றுமொரு அமெரிக்க வைத்தியர் டியூவே என்பவர் குறிப்பிடுகிறார். இவ்வாறு மனித உடலுக்கு அழகான ஆரோக்கியத்தினை அள்ளி வழங்கும் சிறப்பான நோன்பினை நோற்று, உள ஆரோக்கியத்தினைப் பெற்றிடவும் முயற்சிக்க வல்ல அல்லாஹ் அனைவருக்கும் தெளபீக் செய்வானாக!

 இதையும் பார்க்க:-
                   * நோன்பு நோற்றிருக்கும் ஒருவர் தெரிந்து கொள்ள வேண்ட... 
                   *  நகம், முடி, இவற்றை மண்ணில் புதைக்க வேண்டும் என்று ...
                  *  சேவல் அல்லாஹ்வை அதிஹம் (திக்ர்) செய்கிறது
                  *  யாரும் குர்ஆனைத் தொடலாம், படிக்கலாம் தடையில்லை.
                  *  "எந்த மனிதரும் எந்த மனிதரின் காலிலும் விழக் கூடாது...
                  *  வரதட்சணை வன்கொடுமைக்கு யார் காரணம்?

                                 தூய வழியில் பயணிப்போம் வாருங்கள்...!

ரமழான் மாதம் வந்துவிட்டது. மாதங்களின் தலைவன், அனைத்து விதமான சிறப்புக்களுக்குமுரிய மாதம். எனவே, அந்த மாதத்தின் சில சிறப்புக்களைப் பட்டியல்படுத்துவது, இந்தத் தடவை பொருத்த மான ஒரு செயல் எனக் கருதுகிறோம். இந்தக் கட்டுரை அனைத்தையும் உள்ளடக்கி விட்டது என்று சொல்லமாட்டோம். எமது பார்வைக்குட்பட்ட  சிலவற்றையே                      வார்த்தைகளாக்கியிருக்கிறோம்.

1.ரமழான் மாதத்தில் நன்மையை எதிர்பார்த்து ஈமானுடன், நோன்பு நோற் பவனுக்கும் இரவில் நின்று வணங்குகின்ற வனுக்கும் பாவமன்னிப்பு இருப்பதாக நபியவர்கள் வாக்குறுதி அளித்திருக்கிறார்கள். ~~யார் ரமழானில், நன்மையை எதிர்பார்த்து, ஈமானுடன் நோன்பு நோற்கின்றானோ அவன் முன்னர் செய்துள்ள அனைத்துப் பாவங்களும் மன்னிக்கப்பட்டு விடும்|| என நபியவர்கள் கூறியுள்ளார்கள். (புஹாரி, முஸ்லிம்)

இதேபோல் மற்றொரு தடவை இரவு வணக்கத்தைப் பற்றி கூறுகிற பொழுது: ~~யார் ரமழானில், நன்மையை எதிர்பார்த்து, ஈமானுடன் இரவுத் தொழுகையில் ஈடுபடுகின்றானோ அவன் முன்னர் செய்த அனைத்துப் பாவங்களும் மன்னிக்கப்பட்டு விடும்|| (புஹாரி, முஸ்லிம்) என்றார்கள்.

2.நோன்பு அல்லாஹ்வுக்குரியது. எனவே அதற்குரிய கூலியும் வரையறை யற்றது. ஒரு செயலை அல்லது பொருளை அல்லாஹுத்தஆலா இது என்னுடையது என்று சொல்வது அந்த செயலின் அல்லது பொருளின் மகத்துவத்தை உணர்த்தப் போதுமான சான்றாகும். அல்குர்ஆ னில் அல்லாஹ் ~~பள்ளிவாயல்கள் அல்லாஹ்வுக்குரியன|| என்கிறான். அதேபோல் ஸமூத் கோத்திரத்திற்கு அனுப்பப்பட்ட ஒட்டகையைப் பற்றிக் கூறும்பொழுதும் ~~அல்லாஹ்வின் ஒட்டகம்|| என்று குறிப் பிட்டுள்ளான். அதேபோல்தான் அல்லாஹுத்தஆலா நோன்பைப் பற்றியும் கூறி யுள்ளான். அல்லாஹ் கூறியதாக நபியவர்கள் கூறுகிறார்கள்: ~~மனிதனுடைய அனைத்து செயல்களும் அவனுக்குரியது. நோன்பைத் தவிர, அது எனக்குரியது. அதற்குரிய கூலியை நானே கொடுக்கி றேன்.|| (புஹாரி, முஸ்லிம்)

நோன்பு அல்லாஹ்வுக்குரியது. எனவே அதனது சிறப்பு அளப்பரியது. எனவேதான் அவனே கூலி கொடுக்கிறான், ஏனைய செயல்களுக்கும் அல்லாஹ்தான் கூலி கொடுக்கிறான். ஆனால் இங்கு குறிப்பாகக் கூறக் காரணம் என்ன? அதனைப் பன்மடங்காய்க் கொடுக்கிறான் என்பது தான். அதாவது ஏனைய செயல்களின் கூலி இவ்வளவுதான் என எழுதி வைக் கப்பட்டுள்ளது. மனிதன் அதனை செய்கிற போது அந்த உரிய கூலி அவனுடைய ஏட்டில் பதிவாகிறது. 

ஆனால், நோன்பைப் பொறுத்தவரை அல்லாஹ் அதனை வழமையான முறைமைக்கு விடவிரும்ப வில்லை. நோன்புக்குரிய கூலியை நானே இறுதியில் தீர்மானித்து கொடுத்துக் கொள்கிறேன் என்கிறான். அல்லாஹ் கொடுக்கின்றான் என்றால் குறைவாகவா கொடுக்கப் போகிறான்? நிச்சயமாக இல்லை. வாரி வழங்கப் போகிறான். இது தான் நோன்பின் சிறப்பு.

3. நோன்பாளியின் துஆ மறுதலிக்கப்பட மாட்டாது. நபியவர்கள் கூறினார் கள்: மூன்று மனிதர்களுடைய துஆ மறுதலிக்கப்பட மாட்டாது. முதலாமவர் நீதியான ஆட்சியாளர். இரண்டாமவர் நோன்பாளி, நோன்பு திறக்கும் வரை. மூன்றாமவர் அநியாயம் இழைக்கப்பட்டவன், அவனது துஆவை அல்லாஹ் மேகங்களின் மேலால் உயர்த்துவான். அதற்காக வானத்தின் கதவுகள் திறந்து கொள்ளும். பின்னர் அல்லாஹ் கூறுவான்: ~~எனது கண்ணியத்தின் மீது சத்தியமாக, சிறிது காலத்தின் பின்னரேனும் நான் உனக்கு உதவி செய்வேன்|| என்பான்|| (அஹ்மத், திர்மிதி)

4.நோன்பு மறுமைநாளில் நோன்பாளிக்காய் ஷபாஅத் செய்யும். நபியவர்கள் கூறினார்கள்: அல் குர்ஆனும் நோன்பும் மறுமைநாளில் அடியானுக்காய் பரிந்துரை செய்யும். நோன்பு அல்லாஹ்வைப் பார்த்து, எனது இரட்சகனே நான் அவனை உண விலிருந்தும் இச்சைகளில் இருந்தும் தடுத்து விட்டேன். எனவே அவனுக்காக ஷபாஅத் செய்யும் உரிமையைக் கொடு|| என்று சொல்லும். அல்குர்ஆன் அல்லாஹ்விடம் அவனை நான் இரவில் தூங்கவிடாமல் தடுத்தேன். எனவே அவனுக்காய் ஷபா அத் செய்யும் உரிமையைக் கொடு|| என்று சொல்லும். (அஹ்மத், தபரானி)

5.ஒரு நோன்பாளியை நோன்புதிறக்க வைப்பதனூடாக இரட்டிப்பு நன்மை களைப் பெற்றுக் கொள்ள முடிகிறது. நபியவர்கள் கூறினார்கள்: யார் ஒரு நோன்பாளி நோன்புதிறக்க உதவி செய்கிறாரோ அவருக்கு, அந்த நோன்பாளிக்குரிய அதே அளவு நன்மைகள் கிடைக்கும். அந்த நோன்பாளியின் நன்மைகளில் இருந்து எதுவும் குறைக்கப்படமாட்டாது.|| (அஹ்மத், திர்மிதி) 

அதாவது அந்த நாளில் அந்த நோன்பாளி செய்துள்ள நன்மைகள் அனைத்தும் இவனுக்கும் கிடைக்கும். குறைந்தபட்சம் இரண்டு நோன்புகள் நோற்ற நன்மையாவது கிடைக்கும்.

6. சுவர்க்கத்திற்கு ரய்யான் எனும் வாயிலினூடாக நுழையும் பாக்கியம் நோன் பாளிகளுக்கு மாத்திரமே உயரிது. நபியவர்கள் கூறியுள்ளார்கள்: சுவர்க்கத்தில் ஒரு வாயில் காணப்படுகிறது. அது ரய்யான் என அழைக்கப்படுகிறது. மறுமை நாளில் நோன்பாளிகள் மாத்திரம் அந்த வாயிலினூடாக நுழைவார்கள். அவர்களைத் தவிர வேறு யாருக்கும் அனுமதி வழங்கப்பட மாட்டாது. நோன்பாளிகள் எங்கே என அழைப்பு விடுக்கப்படும். அப்போது அவர்கள் எழுந்து சென்று அவ்வாயிலினூடாக நுழைவார்கள். அவர்கள் நுழைந்ததும் அவ்வாயில் மூடப்பட்டுவிடும். பின்னர் ஒருவரும் நுழைய மாட்டார்கள்.|| (புஹாரி, முஸ்லிம்)

7.ரமழானில் சுவர்க்கத்தின் கதவுகள் திறக்கப்படுகின்றன. நரகத்தின் வாயில்கள் மூடப்படுகின்றன. ஷைத்தான் விலங்கிடப்படுகிறான். இதனை நபியவர்கள் இப்படிக் கூறினார்கள்: ரமழான் வந்துவிட்டால் சுவர்க்கத்தின் வாயில்கள் திறக்கப்படுகின்றன. நரகத்தின் வாயில்கள் மூடப்படுகின்றன. ஷைத்தான் விலங்கி டப்படுகிறான்|| (புஹாரி, முஸ்லிம்)

மற்றொரு அறிவிப்பில்: ரமழானில் ஒரு மலக்கு தோன்றி இவ்வாறு அழைப்பு விடுப்பார்: நன்மைகளைக் கொள்ளையடிப்பவனே முந்திக்கொள், தீமைகளைக் கொள்ளையடிப்பவனே சுருக்கிக் கொள்| இந்த அழைப்பு ரமழான் முடியும் வரையில் காணப்படும்|| என நபியவர்கள் கூறினார் கள். (அஹ்மத்)

இந்த ஹதீஸ்களின் பொருள் என்ன? சுருக்கமா கக்கூறினால் இப்படிக் கூறலாம்: நன்மையான உணர்வுகளே எழுந்து கொள்ளுங்கள். தீமையான உணர்வுகளே அடங்கி விடுங்கள்|| என்பதுதான். தீமைகளின் முதல் தூண்டுதல் ஷைத்தான். அவன் சிறை வைக்கப்படுகிறான். ஷைத்தான் மனிதனுள்ளே வர முடியுமான மிக முக்கிய வழி, அதிகரித்த உணவும் பானமும். இவை அனைத்தும் கட்டுப்படுத்தப் படுகிறபோது, அங்கு தீமைக்கு வழியேதும் இல்லாது போய்விடுகிறது. சுவர்க்கம் செல்வதற்கான வாய்ப்புக்கள்தான் அதிகரித்துக் காணப்படும். நரகம் செல்வதற்கான வாய்ப்புகள் இல்லாமலாக்கப்படும். எப்பொழுதும் நன்மைக்கான அழைப்பு இருக்கும். மனிதனில் நன்மை உணர்வுகள் தூண்டப்பட்டும் தீமை உணர்வுகள் அடக்கப்பட்டு இருக்கும் அந்தளவு சிறப்பு மிக்க ஒரு மாதம். மனிதனை சுவர்க்கத்திற்கு அழைத்துச் செல்லவென்றே வருகின்ற மாதம். அந்த மாதத்தைப் பயன்படுத்தத் தவறிவிடாதீர் கள்.

8.முன்னைய சமூகங்களுக்கு வழங்கப்படாத சில விஷேடங்களை அல்லாஹ் ரமழானில் நபியவர்களுடைய உம்மத்திற்கு வழங்கியுள்ளான். நபியவர்கள் கூறியுள்ளார்கள்: எனது உம்மத்திற்க்கு ரமழானில் ஐந்து சிறப்பம்சங்கள் வழங்கப்பட்டுள்ளன. இதற்கு முன்னர் ஒரு சமூகத்திற்கும் அவை வழங் கப்படவில்லை.

(1)நோன்பாளியின் வாயில் வரும் வாடை அல்லாஹ்விடத்தில் கஸ்தூரி வாசனையை விடவும் சிறந்தது.

(2)நோன்பு திறக்கும் வரை மலக்குமார்கள் அவர்களுக்காக இஸ்திஃபார் செய்கிறார்கள்.

(3)அல்லாஹுத்தஆலா தினமும் சுவர்க்கத்தை அலங்கரித்து விட்டு, அத னைப் பார்த்துக் கூறுவான்: எனது நல்லடியார்கள் சில சமயம் தமது வாழ்க்கை கஷ்டத்தில் இருந்து விடுபட்டு உன்னிடம் வந்து சேர முடியும்|| என்பான்.

(4)ஷைத்தான் விலங்கிடப்படுவான். எனவே ஏனைய மாதங்களில் அவன் செய் யும் வேலைகளைச் செய்ய முடியாதிருக் கும்.

(5) ரமழானின் கடைசி இரவில் அனைவருக்கும் பாவமன்னிப்பு வழங்கப் படும்.
அப்போது நபியவர்களிடம் அது லைலதுல்கத்ர் எனும் இரவா? என வினவப் பட்டது. அதற்கு நபியவர்கள்: இல்லை ஒரு உழைப்பாளிக்கான கூலி அவனது வேலை நிறைவுற்றதன் பின்னர்தான் வழங்கப் படும்|| என்றார்கள். (அஹ்மத்)

9.இந்த மாதத்தில் அல்லாஹுத்தஆலா வானமும் பூமியும் சந்திக்கின்ற ஒரு வாய்ப்பை ஏற்படுத்தி பூமியில் உள்ளவர்களை கௌரவப்படுத்தினான். அது தான் அல்குர்ஆன் இறங்கியமை. இதனைத்தான் அல்குர்ஆன் இப்படிக் கூறி யது. அது மக்களுக்கான நேர்வழியாகவும் நேர்வழிக்கான ஆதாரமாகவும் சத்தியத்தையும் அசத்தியத்தையும் பிரித்துக்காட்டு வதாகவும் காணப்படுகிறது.|| (பகரா:185)

10.இந்த மாதம் ஆயிரம் மாதங்களை விடவும் சிறந்த ஒரு இரவை தன்ன கத்தே கொண்டிருக்கிறது. இது இந்த மாதத்திற்கான சிறப்பு மாத்திரமின்றி, இந்த உம்மத்திற்கு வழங்கப்பட்ட மிகப் பெரிய கண்ணியமாகும். நபியவர்கள் கூறினார்கள்: உங்களை வந்தடைந்துள்ள இந்த மாதத்தில் ஆயிரம் மாதங்களை விடவும் சிறந்த ஒரு இரவு இருக்கிறது. அதன் நன்மைகள் யாருக்கு கிடைக்காமல் போகின்றனவோ அவன் அனைத்து நன்மைகளையும் இழந்தவனாவான். (இப்னுமாஜா)

11.ரமழானில் அனைத்து அமல்களுக்கும் நன்மைகள் பன்மடங்காக வழங் கப்படும். இது பற்றி நபியவர்கள் கூறியுள்ள நீண்ட வார்த்தைகளைப் பாருங்கள்.மனிதர்களே உங்களிடத்தில் பரகத் பொருந்திய ஒரு மகத்தான மாதம் வந்திருக்கிறது. இந்த மாதத்தில் ஆயிரம் மாதங்களை விட சிறந்த ஒரு இரவு காணப்படுகிறது. இந்த மாதத்தில் அல்லாஹ் நோன்பை வாஜிபாக்கினான். இரவுத் தொழுகையை சுன்னத்தாக்கினான். இதில் யார் ஒரு நன்மையான செயலை செய் கிறாரோ அவர் ஏனைய மாதங்களில் ஒரு வாஜிபை நிறைவேற்றிய நன்மையைப் பெற்றுக் கொள்வார். இதில் யார் ஒரு வாஜிபை நிறைவேற்றுகிறாரோ அவர் ஏனைய மாதங்களில் எழுபது வாஜிபுகளை நிறைவேற்றிய நன்மைகளைப் பெற்றுக் கொள்வார். 

இது பொறுமையின் மாதமாகும். பொறுமைக்குரிய கூலி சுவர்க்கமாகும். இது சமத்துவத்தின் மாதம். இது ஒரு முஃமினின் ரிஸ்க் அதிகரிக்கின்ற மாதம். இதில் ஒரு நோன்பாளியை நோன்பு திறக்க வைத்தால் அது அவனது பாவங்கள் மன்னிக்கப் படவும், நரகில் இருந்து விடுதலை பெறவும் காரணமாக அமைந்து விடும். அதே வேளை அவனுக்கு அந்த நோன்பாளிக்குரிய அதே அளவு நன்மைகளும் கிட்டும். அந்த நோன்பாளியின் நன்மைகளில் இருந்து எதுவும் குறைக்கப்பட மாட்டாது.

அப்போது சிலர்: அல்லாஹ்வின் தூதரே! ஒருவரை நோன்புதிறக்க வைக்க எங்கள் எல்லோராலும் இயலாதே எனக்கூற, அதற்கு நபியவர்கள்: அல்லாஹ் அந்த நன்மையை ஒருவன் ஒரு நோன்பாளியை ஒரு பேரீத்தம் பழத்தினூடாகவோ, ஒரு மிடல் தண்ணீரின் ஊடாகவோ அல்லது ஒரு சொட்டு பாலினூடாகவோ நோன்பு திறக்க வைத்தாலும் தருவான் என்றார் கள்.

இந்த மாதத்தின் ஆரம்பம் அருளுக்குரியது. மத்திய பகுதி பாவ மன்னிப்புக்குரி யது. இறுதி நரக விடுதலைக்குரியது. இதில் யார் தனது அடிமைகளின் வேலைப் பளுவைக் குறைக்கின்றாரோ அல்லாஹ் அவரது பாவங்களை மன்னித்து விடுகின் றான். நரகிலிருந்து விடுதலை அளிக்கின் றான். இந்த மாதத்தில் நான்கு விடயங் களை அதிகம் செய்யுங்கள். அவற்றில் இரண்டு விடயங்களினூடாக உங்களுக்கு அல்லாஹ்வின் திருப்தி கிடைக்கும்.
மற்றைய இரண்டு விடயங்களும் உங் களுக்கு இன்றியமையாதவையாகக் காணப்படும். முதல் இரு விடயங்கள்: லாஇலாஹ இல்லல்லாஹ் என்ற கலிமாவும், இஸ்திஃபாருமாகும். இரண்டாவது இரு விடயங்கள்: அல்லாஹ்விடம் சுவர்க்கத்தைக் கேட்டலும் நரகிலிருந்து பாதுகாப்புத் தேடுதலுமாகும்.

யார் ஒரு நோன்பாளிக்கு நீர் கொடுக்கின்றானோ, அவனுக்கு அல்லாஹ், எனக் குரிய பிரத்தியேகமான தடாகத்திலிருந்து நீர் கொடுப்பான். அதன் பிறகு அவன் சுவர்க்கம் நுழையும் வரை அவனுக்குத் தாகமே தோன்றாது.||               (இப்னுகுஸைமா)

12.ரமழானில் செய்யும் உம்ரா, நபியவர்களுடன் ஹஜ் செய்த நன்மையைப் பெற்றுத்தரும். இது பற்றிக் கூற வந்த நபியவர்கள்: ரமழானில் செய்யும் உம்ரா, என்னுடன் ஹஜ் செய்ததற்கு சமமானது|| என்றார்கள். (புஹாரி, முஸ்லிம்)

இவை ரமழானின் சில சிறப்புகள். இன்னும் இந்தப் பட்டியலை நீட்டிக் கொண்டே போக முடியும். ஆனால் சிறப்புப் பட்டியல் எவ்வளவு நீளமாக இருக்கிறது என்பதை விடவும், அந்த சிறப்புக்களை அறிந்து அதன்படி செயற்படுகிறோமா என்பதுதான் முக்கியம். செயற்படுவதற்கு ஒரு பட்டியல் சிறப்புகள் தேவையில்லை. ஒரு சிறப்பு மாத்திரமே போதுமானது.

சகோதரர்களே, எத்தனை சிறப்புகளை நபியவர்கள் கூறியுள்ளார்கள். அவற்றில் ஒன்றேனும் எம்மை செயற்படத் தூண்ட வேண்டும். ரமழானின் செயல் என்பது, நோன்பும் தொழுகையும் குர்ஆனும், இஸ்திஃபாரும், ஸதகாவும் என அனைத்து நன்மையான செயல்களும் அடங்கும் முழுமையாக பயன் படுத்த அல்லாஹ் உங்களுக்கும் எங்களுக்கும் தௌபீக் செய்தருள வேண்டும். ஆமீன்.

 இதையும் பார்க்க:-


                                       தூய வழியில் பயணிப்போம் வாருங்கள்...!
நோன்பை முறிக்கும் காரியங்களை ஒருவர், தான் நோன்பு நோற்றுள்ள நினைவு இல்லாமல் செய்து விடலாம். பதினோரு மாதப் பழக்கத்தின் காரணமாக, தாகம் எடுத்தவுடன் தண்ணீரைக் குடித்து விடுவது உண்டு. குடித்தவுடன் அல்லது பாதி குடித்தும் குடிக்காமலும் உள்ள நிலையில் நோன்பு நோற்ற நினைவு வரும். இந்த நோன்பின் கதி என்ன? மறதியாகச் சாப்பிட்டால் அல்லது குடித்தால் எப்போது நினைவு வருகிறதோ உடனே அதை நிறுத்திக் கொண்டு விட்டால் அவரது நோன்புக்கு எள்ளளவும் குறைவு ஏற்படாது. நோன்பாளியாகவே அவர் தனது நிலையைத் தொடரலாம்.

o நோன்பை முறிக்கும் செயல்களை மறதியாகச் செய்தல்

o மனைவியுடன் நோன்பாளி நெருக்கமாக இருப்பது

o நோன்பு வைத்துக் கொண்டு குளித்தல்

o நோன்பாளி உணவை ருசி பார்த்தல், நறுமணம் பூசிக் கொள்ளுதல்

o நோன்பு களாவாகவுள்ள நிலையில் ஒருவர் மரணித்து விட்டால் அவருக்காக அவரது பொறுப்பாளர் நோன்பு நோற்றல்

o சிறுவர்கள் நோன்பு நோற்பது


 நோன்பை முறிக்கும் செயல்களை மறதியாகச் செய்தல்

ஒருவர் நோன்பு நோற்றிருக்கும் போது மறதியாகச் சாப்பிட்டாலோ பருகினாலோ அவர் தனது நோன்பை முழுமையாக்கட்டும். ஏனெனில் அவருக்கு அல்லாஹ்வே உண்ணவும், பருகவும் அளித்துள்ளான் என்று நபிகள் நாயகம் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூ ஹுரைரா ரளியல்லாஹு அன்ஹு, நூல்: புகாரி 1933, 6669)

அவர் களாச் செய்ய வேண்டியதில்லை என தாரகுத்னீயில் இடம் பெற்ற ஹதீஸில் இடம் பெற்றுள்ளது. எனவே மறதியாகச் சாப்பிட்டவர்கள், பருகியவர்கள், நினைவு வந்ததும் உண்ணுவதையும், பருகுவதையும் நிறுத்தி விட்டு நோன்பாளிகளாக இருந்து கொள்ள வேண்டும். அது முழுமையான நோன்பாக அமையும். நோன்பு நோற்றவர் மறதியாக உடலுறவு கொள்வது சாத்தியக் குறைவானதாகும். இது இருவர் சம்பந்தப்பட்டதாக இருப்பதால் ஒருவருக்கு மறதி வந்தால் மற்றவர் நினைவு படுத்திவிட முடியும். ஆனாலும் உண்மையிலேயே இருவருக்கும் மறதி ஏற்பட்டு விட்டால் இருவருக்கும் இது பொருந்தக் கூடியது தான்.

மனைவியுடன் நோன்பாளி நெருக்கமாக இருப்பது

நோன்பு நோற்பவர் பகல் காலங்களில் உடலுறவு கொள்ளாமல் விலகியிருப்பதுடன் உடலுறவுக்கு இழுத்துச் செல்லும் நடவடிக்கைகளையும் தவிர்த்துக் கொள்வது சிறந்ததாகும்.

நபிகள் நாயகம் ஸல்லல்லாஹு அலைஹி வஸல்லம் அவர்கள் நோன்பு நோற்றிருக்கும் போது தமது மனைவியரை முத்தமிடுவார்கள்; கட்டியணைப்பார்கள். அவர்கள் தம் உணர்வுகளை அதிகம் கட்டுப்படுத்திக் கொள்பவர்களாக இருந்தனர். (அறிவிப்பவர்: ஆயிஷா ரளியல்லாஹு அன்ஹா, நூல்: புகாரி 1927)

நோன்பாளி கட்டியணைப்பது பற்றி ஒரு மனிதர் நபிகள் நாயகம் ஸல்லல்லாஹு அலைஹி வஸல்லம் அவர்களிடம் கேட்டார். அவருக்கு நபிகள் நாயகம் ஸல்லல்லாஹு அலைஹி வஸல்லம் அவர்கள் அனுமதி அளித்தார்கள். மற்றொருவர் வந்து கேட்ட போது அவருக்கு அனுமதி மறுத்தார்கள். அனுமதி வழங்கப்பட்டவர் முதியவராகவும், அனுமதி மறுக்கப்பட்டவர் இளைஞராகவும் இருந்தனர். (அறிவிப்பவர்: அபூஹுரைரா ரளியல்லாஹு அன்ஹு, நூல்: அபூதாவூத் 2039)

இதில் உணர்வுகளைக் கட்டுப்படுத்திக் கொள்வது தான் முக்கியமான அளவுகோலாகும். முத்தமிடுவதில் ஆரம்பித்து உடலுறவில் போய் முடிந்து விடும் என்று யார் தன்னைப் பற்றி அஞ்சுகிறாரோ அத்தகையவர்கள் பகல் காலங்களில் அதைத் தவிர்த்துக் கொள்வது அவசியம்.

குளிப்புக் கடமையான நிலையில் நோன்பு நோற்பது இல்லறத்தில் ஈடுபட்டு, குளிப்புக் கடமையான நிலையில் ஸஹர் செய்வதற்காக எழக்கூடியவர்கள் குளித்து விட்டுத் தான் ஸஹர் செய்ய வேண்டுமா?

 இது குறித்து நபிகள் நாயகம் ஸல்லல்லாஹு அலைஹி வஸல்லம் அவர்கள் காட்டிய வழிமுறை என்ன? நபிகள் நாயகம் ஸல்லல்லாஹு அலைஹி வஸல்லம் அவர்கள் இல்லறத்தில் ஈடுபட்டு விட்டுக் குளிக்காமல் நோன்பு நோற்பார்கள். சுபுஹ் வேளை வந்ததும் தொழுகைக்காகக் குளிப்பார்கள் என்று கூறும் ஆதாரப்பூர்வமான ஹதீஸ்கள் பல உள்ளன. ரமளான் மாதத்தில் நபிகள் நாயகம் ஸல்லல்லாஹு அலைஹி வஸல்லம் அவர்கள் குளிப்புக் கடமையானவர்களாக சுப்ஹு நேரத்தை அடைவார்கள். (அந்த நிலையில்) நோன்பும் நோற்பார்கள். (அறிவிப்பவர்கள்: ஆயிஷா ரளியல்லாஹு அன்ஹா, உம்மு ஸலமா ரளியல்லாஹு அன்ஹா, நூல்: புகாரி 1926, 1930, 1932)

தொழுகையை நிறைவேற்றத் தான் குளிப்பது அவசியமே தவிர நோன்புக்காகக் குளிக்க வேண்டியதில்லை. குளிப்புக் கடமையான நிலையில் நோன்பு நோற்று விட்டு சுப்ஹு தொழுகைக்காகக் குளிக்கலாம்.

நோன்பாளி உணவை ருசி பார்த்தல், குளித்தல், நறுமணம் பூசிக் கொள்ளுதல்

நோன்பு வைத்துக் கொண்டு குளித்தல்

நோன்பு நோற்றவர் நோன்பு துறக்கும் முன் குளிக்கக் கூடாது என்று சிலர் எண்ணுகின்றனர். இதற்கு எந்த ஆதாரமும் இல்லை. நபிகள் நாயகம் ஸல்லல்லாஹு அலைஹி வஸல்லம் அவர்கள் நோன்பு நோற்றிருக்கும் போது வெப்பத்தின் காரணமாகத் தமது தலையில் தண்ணீர் ஊற்றிக் கொண்டிருந்ததை நான் பார்த்துள்ளேன் என்று நபித்தோழர் ஒருவர் அறிவிக்கிறார். (நூல்கள்: அஹ்மத் 22107, அபூதாவூத் 2018)

நோன்பாளி உச்சி வெயில் நேரத்து வறட்சியைக் குறைத்துக் கொள்வதற்காகக் குளிப்பதும், தலையில் தண்ணீர் ஊற்றிக் கொள்வதும் கூடும் என்பதை இதிலிருந்து அறியலாம். சில பகுதிகளில் ஆறு, குளம், ஏரிகளில் குளிக்கும் வழக்கம் உள்ளது. அவ்வாறு குளிக்கும் போது காதுகளையும், மூக்கையும் விரல்களால் அடைத்துக் கொண்டு குளிக்க வேண்டுமென்று நினைக்கின்றனர். காதுகள் வழியாகவோ, மூக்கின் வழியாகவோ தண்ணீர் உள்ளே செல்லக் கூடாது என்பதற்காக இவ்வாறு செய்கின்றனர். இதற்கும் ஆதாரம் இல்லை. காதுகளுக்குள்ளேயும் மூக்குக்கு உள்ளேயும் தண்ணீர் செல்வது நோன்பை முறிக்கும் என்று அல்லாஹ்வோ, அவனது தூதரோ கூறவில்லை.

காதுகளையும், மூக்கையும் அடைக்காமலே தண்ணீரில் மூழ்கிக் குளிக்கலாம். நறுமணம் பயன்படுத்துதல் நோன்பு நோற்றவர்கள் குளிக்கும் போது வாசனை சோப்புகள் போடக் கூடாது என்றும், உடம்பிலோ ஆடையிலோ நறுமணம் பூசிக் கொள்ளக் கூடாது என்றும் பலர் நினைக்கின்றனர். ஹஜ்ஜுக்காக இஹ்ராம் அணிந்தவர்கள் நறுமணம் பூசுவதைத் தடை செய்த நபிகள் நாயகம் ஸல்லல்லாஹு அலைஹி வஸல்லம் அவர்கள் நோன்பாளிக்கு இத்தகைய தடை எதனையும் பிறப்பிக்கவில்லை. நோன்பாளி நறுமணம் பூசக் கூடாது என்றிருந்தால் அல்லாஹ்வோ அவனது தூதரோ சொல்லாமல் விட்டிருக்க மாட்டார்கள். எனவே சோப், பவுடர், இதர நறுமணப் பொருட்களை நோன்பாளிகள் தாராளமாகப் பயன்படுத்தலாம். இதனால் நோன்புக்கு எந்தப் பாதகமும் ஏற்படாது.

நோன்பு நோற்றவர் பல் துலக்குதல் நோன்பு நோற்றவர் நோன்பு துறந்த பிறகு தான் பல் துலக்க வேண்டும். அதற்கு முன் பல் துலக்கக் கூடாது என்று சில அறிஞர்கள் கருதுகின்றனர். நோன்பாளியின் வாயிலிருந்து வெளிவரும் வாடை அல்லாஹ்வுக்கு கஸ்தூரியை விட விருப்பமானது என்று நபிகள் நாயகம் ஸல்லல்லாஹு அலைஹி வஸல்லம் அவர்கள் கூறியிருப்பதை இதற்கு ஆதாரமாகக் காட்டுகின்றனர். இதைத் தவிர இவர்களுக்கு வேறு ஆதாரம் இல்லை. இந்த வாதம் ஏற்க முடியாத வாதமாகும். நோன்பாளியின் வாயிலிருந்து வெளியாகும் வாடை வாயில் உற்பத்தியாவதில்லை. காலியான வயிற்றிலிருந்து தான் அந்த வாடை உற்பத்தியாகின்றது. பல் துலக்குவதால் நோன்பாளியின் வாயிலிருந்து வெளிவரும் வாடை நீங்கிவிடப் போவதில்லை. எனவே இவர்களின் கருத்தை நாம் ஏற்க வேண்டியதில்லை.

ஒவ்வொரு உளூவின் போதும் பல் துலக்குவதை வலியுறுத்தி நபிகள் நாயகம் ஸல்லல்லாஹு அலைஹி வஸல்லம் அவர்கள் கூறியுள்ளதால் நோன்பாளி பல் துலக்கலாம்.

நோன்பாளி பல் துலக்கலாம் என்பதை ஒப்புக் கொள்ளும் சிலர் கை விரலாலோ, பல் துலக்கும் குச்சியாலோ தான் பல் துலக்க வேண்டும் என்றும் பல்பொடி, பற்பசை பயன்படுத்தக் கூடாது என்றும் கூறுகின்றனர். இவற்றுக்கு சுவை இருக்கிறது என்று காரணம் கூறுகின்றனர். பற்பசைக்குரிய சுவை பற்பசையில் உள்ளது போலவே சாதாரண குச்சியிலும் அதற்குரிய சுவை இருக்கத் தான் செய்கிறது. எனவே சுவையைக் காரணம் காட்டி இதைத் தடுக்க முகாந்திரம் இல்லை.

தண்ணீரில் வாய் கொப்பளிக்கும் போது கூட தண்ணீரின் சுவையை நாக்கு உணரத் தான் செய்யும். இவ்வாறு உணர்வதற்குத் தடையேதும் இல்லை. உண்பதும், பருகுவதும் தான் தடுக்கப்பட்டுள்ளது. பல் துலக்கியவர் பல் துலக்கிவிட்டு விழுங்க மாட்டார். எனவே இதைத் தடை செய்ய சரியான காரணம் இருப்பதாக நமக்குத் தெரியவில்லை. உணவுகளை ருசி பார்த்தல் உணவு சமைக்கும் போது, போதுமான அளவு உப்பு மற்றும் காரம் உள்ளதா என்பதை அறிய நாக்கில் வைத்துப் பார்ப்பது பெண்களின் வழக்கமாக உள்ளது. நோன்பு நோற்றவர் இவ்வாறு ருசி பார்ப்பதில் தவறேதும் இல்லை. உள்ளே விழுங்கி விடாமல் ருசி பார்க்கலாம்.

மேலே நாம் சொன்ன அதே காரணங்களால் இதையும் தடுக்க முடியாது. எச்சிலை விழுங்குதல் நோன்பு நோற்றவர்கள் வாயிலிருந்து ஊறும் எச்சிலை அடிக்கடி உமிழ்ந்து கொண்டே இருப்பதை வழக்கமாகக் கொண்டுள்ளனர். நோன்பினால் ஏற்பட்ட வறட்சியை இதன் மூலம் இவர்கள் மேலும் அதிகமாக்கிக் கொள்கின்றனர். எச்சிலை விழுங்கக் கூடாது என்றோ, அடிக்கடி காரி உமிழ்ந்து கொண்டே இருக்க வேண்டும் என்றோ அல்லாஹ்வும், அவனது தூதரும் நமக்குக் கட்டளையிடவில்லை.

நோன்பாளி உணவை ருசி பார்த்தல், குளித்தல், நறுமணம் பூசிக் கொள்ளுதல் போன்றவை நபித் தோழர்கள் காலத்தில் நோன்புக்கு எதிரானதாகக் கருதப்பட்டதில்லை. பிற்காலத்தில் வந்த அறிவீனர்கள் தான் இதை நோன்புடன் சம்பந்தப்படுத்தி விட்டனர். புகாரியில் நபித்தோழர்கள் மற்றும் தாபியீன்களின் நடவடிக்கைகள் பதிவு செய்யப்பட்டுள்ளன.

o இப்னு உமர் ரளியல்லாஹு அன்ஹு அவர்கள் நோன்பு நோற்றிருக்கும் போது துணியைத் தண்ணீரில் நனைத்து, தன் மீது போட்டுக் கொள்வார்கள்.

o சமைக்கப்பட்ட உணவை ருசி பார்ப்பது தவறில்லை என்று இப்னு அப்பாஸ் ரளியல்லாஹு அன்ஹு கூறினார்கள்.


o வாய் கொப்பளிப்பதும், உடலைக் குளிர்ச்சியாக வைத்துக் கொள்வதும் தவறில்லை என்று ஹஸன் பஸரி கூறினார்.
o உங்களில் ஒருவர் நோன்பு நோற்றிருந்தால்


காலையில் தலைக்கு எண்ணெய் தேய்த்து தலை வாரிக் கொண்டு வெளியே வரட்டும் என்று இப்னு மஸ்வூத் ரளியல்லாஹு அன்ஹு கூறுகிறார்கள்.

o என்னிடம் கல்லால் ஆன தண்ணீர்த் தொட்டி உள்ளது. நோன்பு வைத்துக் கொண்டு அதில் மூழ்கிக் குளிப்பேன் என்று அனஸ் ரளியல்லாஹு அன்ஹு கூறினார்கள்.

o பச்சையான குச்சியால் பல் துலக்குவது குற்றமில்லை என்று இப்னு சீரீன் கூறினார். அதற்கு ருசி இருக்கிறதே என்று ஒருவர் கேட்டார். அதற்கவர்கள் தண்ணீருக்கும் தான் ருசி உள்ளது. ஏன் வாய் கொப்பளிக்கிறாய்? என்று திருப்பிக் கேட்டார்கள். இது புகாரி 1930வது ஹதீஸுக்கு முன்னால் உள்ள பாடத்தில் இடம் பெற்றுள்ளது.

இந்தக் காரியங்கள் நோன்புக்கு எதிரானது என்ற கருத்து பிற்காலத்தில் உருவானது என்பதற்கு, புகாரியில் இடம் பெற்ற இந்தச் செய்திகள் ஆதாரமாகவுள்ளன.

நோன்பு களாவாகவுள்ள நிலையில் ஒருவர் மரணித்து விட்டால் அவருக்காக அவரது பொறுப்பாளர் நோன்பு நோற்றல்

நோன்பு களாவாகவுள்ள நிலையில் ஒருவர் மரணித்து விட்டால் அவருக்காக அவரது பொறுப்பாளர் நோன்பு நோற்க வேண்டும் என்று நபிகள் நாயகம் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: ஆயிஷா ரளியல்லாஹு அன்ஹா, நூல்: புகாரி 1952)

ஒரு மனிதர் நபிகள் நாயகம் ஸல்லல்லாஹு அலைஹி வஸல்லம் அவர்களிடம் வந்தார். அல்லாஹ்வின் தூதரே! என் தாய் மீது ஒரு மாத நோன்பு (கடமையாக) உள்ள நிலையில் மரணித்து விட்டார். அவரது சார்பில் நான் அதை நிறைவேற்றலாமா?என்று கேட்டார். அதற்கு நபிகள் நாயகம் ஸல்லல்லாஹு அலைஹி வஸல்லம் அவர்கள், ஆம்! நிறைவேற்றலாம். அல்லாஹ்வின் கடன் நிறைவேற்றப்பட அதிகம் தகுதியானது என்று கூறினார்கள். (அறிவிப்பவர்: இப்னு அப்பாஸ் ரளியல்லாஹு அன்ஹு, நூல்: புகாரி 1953)

புகாரியின் மற்றொரு ஹதீஸில் ஒரு பெண் வந்து இவ்வாறு கேட்டதாகப் பதிவு செய்யப்பட்டுள்ளது. நோன்பு கடமையாகி களாவாகவுள்ள நிலையில் யாரேனும் மரணித்து விட்டால் அவரது வாரிசுகள் அவருக்காக நோன்பு நோற்கலாம் என்று கூறுவதை விட நோற்பது அவசியம் என்று தான் கூற வேண்டும். ஏனெனில் கடனுடன் நோன்பை நபிகள் நாயகம் ஸல்லல்லாஹு அலைஹி வஸல்லம் அவர்கள் ஒப்பிட்டுள்ளார்கள். மேலும் கடனை விட நிறைவேற்றுவதற்கு அதிகத் தகுதியுடையது எனவும் கூறுகிறார்கள். இறந்தவர்களுக்காக மார்க்கத்தில் இல்லாத கத்தம் பாத்திஹா ஓதுவதை விடுத்து இறந்தவர் மீது நோன்பு களாவாக இருந்தால் அதை நிறைவேற்றலாம். இறந்தவரின் சொத்துக்களுக்கு மட்டும் வாரிசாக ஆசைப்படுவோர் மார்க்கம் அவர்கள் மீது சுமத்திய இந்தக் கடமையைச் செய்வதில்லை.

நாமறிந்த வரை பெற்றோர்களுக்காக ஹஜ் செய்பவர்களைக் கூட காண்கிறோம். ஆனால் நோன்பு நோற்பவர்களைக் காண முடியவில்லை. பெற்றோர் மீது கடமையான நோன்புகள் களாவாக இருந்தால் தான் வாரிசுகள் நோற்க வேண்டும். உபரியான சுன்னத்தான நோன்புகளுக்கு ஆதாரம் இல்லை. ஏனெனில் இறந்தவர்களை அது குறித்து அல்லாஹ் விசாரிக்க மாட்டான். மேலும் இந்த ஹதீஸில் கடமையான நோன்பு பற்றியே கூறப்பட்டுள்ளது.

சிறுவர்கள் நோன்பு நோற்பது

சிறுவர்கள் நோன்பு நோற்பது இஸ்லாத்தின் எல்லாக் கடமைகளும் பருவ வயதை அடைந்தவர்களுக்கு மட்டுமே உரியதாகும். சிறுவர்களுக்கு நோன்போ, தொழுகையோ கடமையில்லை என்றாலும் தொழுகைக்கு ஏழு வயது முதலே பயிற்சியளிக்க வேண்டும். பத்து வயதில் தொழாவிட்டால் அடிக்க வேண்டும் என்றெல்லாம் ஹதீஸ்கள் உள்ளன. ஆனால் நோன்பைப் பொறுத்த வரை இத்தகைய கட்டளை ஏதும் நபிகள் நாயகத்தினால் பிறப்பிக்கப்படவில்லை. பருவமடைந்தவர்களுக்கே பயணத்தில் இருப்பதாலும், நோயாளியாக இருப்பதாலும், கர்ப்பிணியாக இருப்பதாலும் நோன்பிலிருந்து மார்க்கம் சலுகையளித்துள்ளது. எனவே சிறுவர்களை தொழுகையைப் போல் கட்டாயப்படுத்தி நோன்பு நோற்குமாறு வற்புறுத்தக் கூடாது.

தொழுகைக்குப் பலவிதமான நடைமுறைகள், ஓத வேண்டியவை உள்ளன. அவற்றையெல்லாம் சிறுவயது முதலே கற்றுப் பயிற்சி எடுக்கும் அவசியம் உள்ளது. ஆனால் நோன்பைப் பொறுத்த வரை பருவமடைந்தால் அடுத்த நாளே நோன்பைக் கடைப்பிடிக்க முடியும். அதே நேரத்தில் சிறுவர்களுக்குச் சக்தியிருந்தால் அவர்களையும் நோன்பு நோற்கச் செய்ய அனுமதி உள்ளது. அனுமதி தானே தவிர அவசியமில்லை. ரமளான் மாதத்தில் நோன்பு கடமையாக்கப்படுவதற்கு முன் ஆஷுரா நோன்பு தான் கடமையான நோன்பாக இருந்தது. இந்த நோன்பு குறித்துப் பின்வரும் செய்தி புகாரி, முஸ்லிமில் இடம் பெற்றுள்ளது.

ஆஷுரா தினத்தில் நாங்களும் நோன்பு நோற்போம். எங்கள் சிறுவர்களையும் நோன்பு நோற்கச் செய்வோம். அவர்களுக்குத் துணியால் விளையாட்டுப் பொருளையும் தயார் செய்து வைத்துக் கொள்வோம். அவர்கள் உணவு கேட்கும் போது அந்த விளையாட்டுப் பொருட்களைக் கொடுத்து நோன்பு துறக்கும் வரை கவனத்தைத் திருப்புவோம். (அறிவிப்பவர்: ருபைய்யி பின்த் முஅவித் ரளியல்லாஹு அன்ஹா, நூல்கள்: புகாரி 1960, முஸ்லிம் 2092)
இந்தச் செய்தியில் நபிகள் நாயகம் ஸல்லல்லாஹு அலைஹி வஸல்லம் அவர்கள் இதை அனுமதித்துள்ளார்கள் என்பது தான் தெரிகிறது. அவர்கள் தொழுகைக்குக் கட்டளையிட்டது போல் கட்டளை இடவில்லை என்பதைக் கவனிக்க வேண்டும். மேலும் ஆஷுரா நோன்பு என்பது ஒருநாள் மட்டுமே நோற்கும் நோன்பாகும். ஒரு நாள் என்பதால் சிறுவர்களுக்கு விளையாட்டுக் காட்டலாம். ரமளான் நோன்பு ஒரு மாதம் முழுவதும் உள்ள நோன்பாகும்.

இதையும் பார்க்க:-
                   * ரமழான் இரவுத நேரத் தொழுகை...(தராவீஹ்)
                  * இயேசு சிலுவையில் அறையப்படவில்லை..( அதிகமாக பகிருங்...
                  *  குர்ஆனை நம்புகின்றவர்களுக்கு அது ஓர் அருமருந்
                  * ஒன்றுபட்ட முஸ்லிம் சமுதாயமே இஸ்லாத்தின் இலட்சியம்
                  * இஸ்லாத்தில் குளிப்பும் அதன் சட்டங்களும்! – Part 2
                  * வரதட்சணை வன்கொடுமைக்கு யார் காரணம்?


MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget