May 2013

                                        தூய வழியில் பயணிப்போம் வாருங்கள்...!
 நீங்கள் மணம் முடிக்கும் பெண்களுக்கு மஹர் தொகையைக் கொடுத்து விடுங்கள் என்று இறைவன் கூறுகின்றான். ஆனால் 2:236 வசனத்தில், ''அவர்களுக்கென மஹர் தொகையை முடிவு செய்யாத நிலையில் விவாகரத்து செய்வது குற்றமில்லை'' என்று கூறுகின்றான். மேலும் விவாகரத்துச் செய்த பெண்களுக்கு பொருளும் கொடுக்கச் சொல்கிறது திருக்குர்ஆன். மஹர் தொகை முடிவு செய்யாமல் எப்படி திருமணம் செய்ய முடியும்? மேலும் தலாக் சொன்ன பெண்களுக்கு வாழ பொருள் கொடுக்க வேண்டுமா? விளக்கவும். 
ஒரு பெண்ணை மணம் முடிக்கும் ஒருவர் அவள் கேட்கும் மஹர் தொகையைக் கட்டாயம் கொடுத்தாக வேண்டும். இதில் எந்த மாற்றமும் இல்லை. அதே சமயம் மஹரைப் பொறுத்த வரை மார்க்கம் அந்த உரிமையை முழுக்க முழுக்க பெண்களிடம் விட்டுள்ளது. 

பெண்களுக்கு அவர்களின் மணக் கொடைகளைக் கட்டாயமாகக் கொடுத்து விடுங்கள்! அவர்களாக மனமுவந்து அதில் எதையேனும் விட்டுத் தந்தால் மனநிறைவுடனும், மகிழ்வுடனும் அதை உண்ணுங்கள்! (அல்குர்ஆன் 4:4)

அவர்களைத் தீண்டாத நிலையிலோ, அவர்களுக்கென மஹர் தொகையை முடிவு செய்யாத நிலையிலோ விவாக ரத்துச் செய்வது உங்களுக்குக் குற்றமில்லை. வசதி உள்ளவர் தமக்குத் தக்கவாறும், ஏழை தமக்குத் தக்கவாறும் சிறந்த முறையில் அவர்களுக்கு வசதிகள் அளியுங்கள்! இது நன்மை செய்வோர் மீது கடமை. (அல்குர்ஆன் 2:236)

அவர்களுக்கு மஹர் தொகையை முடிவு செய்து, தீண்டுவதற்கு முன் அவர்களை விவாக ரத்துச் செய்தால் முடிவு செய்ததில் பாதி(யைக் கொடுப்பது கடமை). அப்பெண்களோ அல்லது திருமண ஒப்பந்தத்தில் அதிகாரம் உள்ள(கண)வரோ பெருந்தன்மையாக நடந்து கொண்டால் தவிர. (ஆண்களாகிய) நீங்கள் விட்டுக் கொடுப்பதே இறையச்சத்திற்கு நெருக்கமானது. உங்களுக்கிடையே (சிலருக்கு) இருக்கும் உயர்வை மறந்து விடாதீர்கள்! நீங்கள் செய்பவற்றை அல்லாஹ் பார்ப்பவன். (அல்குர்ஆன் 2:237)

ஒரு பெண் எவ்வளவு மஹர் வாங்க வேண்டும்? அந்த மஹரை எப்போது வாங்க வேண்டும்? அதிலிருந்து கணவனுக்கு ஏதேனும் கொடுக்கலாமா? 

திருமணத்திற்கு முன்பே வாங்கலாமா? அல்லது மஹர் தொகையைத் தீர்மானித்து விட்டு அதைத் திருமணத்திற்குப் பின் வாங்கிக் கொள்ளலாமா? அல்லது மஹர் தொகை இவ்வளவு எனத் தீர்மானிக்காமல் இருக்கலாமா? 

இதில் எந்த ஒன்றை வேண்டுமானாலும் ஒரு பெண் தீர்மானித்துக் கொள்ளலாம். அந்த உரிமையைப் பெண்களிடம் மார்க்கம் வழங்கியுள்ளது என்பதை மேற்கண்ட வசனங்களிலிருந்து விளங்கலாம். 

பெண்ணுக்கு வழங்கப்பட்டிருக்கும் அந்த உரிமைகளில் ஒன்று தான், மஹர் தொகையைத் தீர்மானிக்காமல் திருமணம் முடித்த பின் முடிவு செய்து மஹரை வாங்கிக் கொள்வதாகும். இதைத் தான் அந்த வசனம் குறிப்பிடுகின்றது. 

இந்த வசனத்தின் அடிப்படையில் தலாக் சொல்லப்பட்ட பெண்களுக்கு வாழ்வாதாரம் கொடுக்க வேண்டுமா? என்று கேட்டுள்ளீர்கள். 

பெண்களுக்கு இரண்டு வகையான பாதுகாப்பை இஸ்லாம் ஏற்படுத்துகின்றது. ஒன்று திருமணத்தின் போது கணிசமான தொகையை மஹராகப் பெற்று அவள் தனது பொறுப்பில் வைத்துக் கொள்ள வேண்டும். 

இரண்டாவதாக விவாகரத்துச் செய்தவுடன் கணவனின் பொருளாதார வசதியைக் கவனித்து ஒரு பெருந்தொகையை, சொத்தை ஜமாஅத்தினர், அல்லது இஸ்லாமிய அரசு அவளுக்குப் பெற்றுத் தர வேண்டும். 

விவாக ரத்துச் செய்யப்பட்ட பெண்களுக்கு நல்ல முறையில் வசதிகள் அளிக்கப்பட வேண்டும். (இறைவனை) அஞ்சுவோருக்கு இது கடமை. (அல்குர்ஆன் 2:241)

இவ்வசனத்தின் ஒவ்வொரு சொல்லும் ஆழமாகக் கவனத்தில் கொள்ளப்பட வேண்டியதாகும். 

ஆயினும் முஸ்லிம்களில் பலர் இத்தா காலத்துக்கு, அதாவது, மூன்று மாத காலத்துக்கு அவளுக்கு ஜீவனாம்சம் வழங்குவதையே இந்த வசனம் குறிக்கிறது என்று நினைக்கின்றனர். 

இதை ''இத்தா காலத்தில்'' என்று எளிதாகச் சொல்லியிருக்கலாம். இறைவன் அவ்வாறு கூறாமல் ''அழகிய முறையில் லி நியாயமான முறையில்'' என்று கூறுகிறான். 

ஒரு பெண்ணுடன் வாழ்ந்து, அவளது இளமையை அனுபவித்து விட்டு மூன்று மாதம் செலவுக்குப் பணம் கொடுப்பது அழகிய முறையாகவோ, நியாயமான முறையாகவோ இருக்காது. 

தனது மகளுக்கு இப்படி நேர்ந்தால் எது நியாயமானதாகப்படுகிறதோ அது தான் நியாயமானது. 

வசதி உள்ளவர் தமக்குத் தக்கவாறும், ஏழை தமக்குத் தக்கவாறும் சிறந்த முறையில் அவர்களுக்கு வசதிகள் அளியுங்கள்! இது நன்மை செய்வோர் மீது கடமை. (அல்குர்ஆன் 2:236)

இந்த வசனம் கூறுவதை இதற்கு அளவு கோலாக எடுத்துக் கொள்ள வேண்டும். வசதியுள்ளவர் தனது வசதிக்கேற்பவும், ஏழை தனது வசதிக்கேற்பவும் தொகை கொடுக்க வேண்டும் என்பதே இவ்வசனத்தின் கருத்தாக இருக்க முடியும். 

விவாகரத்துச் செய்பவன் வசதியுள்ளவன் என்றால் அவனது வசதிக்கேற்ப, பெரும் தொகையைப் பெற்றுத் தரும் பொறுப்பு ஜமாஅத்துகளுக்கு உண்டு. சில ஆயிரங்கள் தான் அவனால் கொடுக்க இயலும் என்றால் அதைப் பெற்றுத் தர வேண்டும். இறைவனை அஞ்சுவோருக்கு இது கட்டாயக் கடமையாகும். 

விவாகரத்துக்குப் பின் பெண் வீட்டாரிடமிருந்து கணவன் வீட்டார் வாங்கிய வரதட்சணையை மட்டும் தான் ஜமாஅத்தினர் பெற்றுத் தருகிறார்கள். அது உண்மையில் அவளுக்குச் சேர வேண்டியது. விவாகரத்துக்காக எதையும் வாங்கிக் கொடுப்பதில்லை. 

முஸ்லிம் சமுதாயம் இந்த இறைக் கட்டளையை நடைமுறைப்படுத்தாத காரணத்தால் தான் பலவிதமான விமர்சனங்களைச் சந்திக்கின்றனர், இஸ்லாத்திற்கு எதிரான பிரச்சாரத்துக்கு இது பயன்படுத்தப்படுகிறது. போலி ஜீவனாம்சத்தை முஸ்லிம்கள் மீதும் திணிக்க முயற்சிக்கப்படுகிறது. 

எனவே ஜமாஅத்தினர் இவ்வசனத்தின் ஒவ்வொரு சொல்லையும் கவனித்து அல்லாஹ்வுக்கு அஞ்சி பெண்களுக்கு நியாயம் வழங்க வேண்டும். 

அவர்கள் கர்ப்பிணிகளாக இருந்தால் அவர்கள் பிரசவிக்கும் வரை அவர்களுக்காகச் செலவிடுங்கள்! உங்களுக்காக அவர்கள் பாலூட்டினால் அவர்களுக்குரிய கூலிகளை அவர்களுக்கு வழங்கி விடுங்கள்! (அல்குர்ஆன் 65:6)

இந்த வசனத்தில், கர்ப்பிணிகளாக இருந்தால் பிரசவிக்கும் வரை செலவு செய்யுமாறு கூறப்பட்டுள்ளது. இதனால் இத்தா காலம் வரை தான் ஏதும் கொடுக்க வேண்டும் என்று நினைக்கக் கூடாது. 

அவனது கருவை அவள் சுமந்திருப்பதால் அதற்காக மேலதிகமாக அவன் செய்ய வேண்டிய செலவைத் தான் அவ்வசனம் கூறுகிறது. அதைக் காரணம் காட்டி 2:241 வசனத்தில் கூறப்படும் கட்டளையைப் புறக்கணிக்க முடியாது. 

இதையும் பார்க்க:-
                     *  பெண்களின் இத்தா என்பது இருட்டறையா..?
                     * ஒளுவின்றி ஸஜ்தா செய்யலாமா..?
                     * பரட்டைத் தலையர்களாக, புழுதி படிந்தவர்களாக :
                     * இந்த உலக வாழ்கை பற்றி அல்லாஹ் கூறும் போது..!!
                     * குர்ஆனை நம்புகின்றவர்களுக்கு அது ஓர் அருமருந்து
                     * கரு வளர்ச்சியும் அல்குர்ஆனின் அற்புதமும்


                                         தூய வழியில் பயணிப்போம் வாருங்கள்...!
சுறுசுறுப்பின் எதிரிதான் சோம்பல்!
முன்னேறிச் சென்றிட தடை செய்யும் சோம்பல்!
முயற்சியை வீணாய்ச் சிதறடிக்கும் சோம்பல்!
சோம்பல் மிக்கவர்கள் படுக்கையைவிட்டு மட்டுமல்லாமல், உட்கார்ந்துவிட்டால் இருக்கையை விட்டும் எளிதாக எழுந்திருக்க மாட்டார்கள். சோம்பல் மிக்கவர்கள் தானும் சலித்துக்கொள்வார்கள்; மற்றவர்களையும் சலிப்பூட்டுவார்கள். இவ்வாறு இந்த சோம்பலைப் பற்றிக் கூறிக் கொண்டே போகலாம்.

இப்படிப்பட்ட சோம்பலைப்பற்றி, சோம்பேறிகளைப் பற்றி இஸ்லாத்தின் பார்வையில் சுருக்கமாகப் பார்ப்போம். அல்லாஹ் தன் திருமறையிலே பல இடங்களில் நயவஞ்சகர்களைப் பற்றி குறிப்பிடும் போது, இந்த சோம்பலைப்பற்றியும் குறிப்பிடுகின்றான். யார் ஒருவர் தொழுகையில் சோம்பலுடன் தொழுகிறாரோ அவரை அல்லாஹ் ‘நயவஞ்சகர்கள்’ என்று அல்லாஹ் அடையாளம் காட்டுகின்றான். அல்லாஹ் கூறுகின்றான்:

“நிச்சயமாக இந்நயவஞ்சகர்கள் அல்லாஹ்வை வஞ்சிக்க நினைக்கின்றனர்; ஆனால் அவன் அவர்களை வஞ்சித்துவிடுவான்; தொழுகைக்கு அவர்கள் தயாராகும் பொழுது சோம்பலுடையோராகவே நிற்கிறார்கள் – மனிதர்களுக்குத் (தங்களையும் தொழுகையாளியாக்கி) காண்பிப்பதற்காக (நிற்கிறார்கள்); இன்னும், மிகச் சொற்ப அளவேயன்றி அவர்கள் அல்லாஹ்வை நினைவு கூர்வதில்லை”  (அல்-குர்ஆன் 4:142)
எனவே, சோம்பல் என்பது நயவஞ்சகத்தின் அடையாளம் என்பதை உணர்ந்து அதிலிருந்து விடுபடவேண்டும்.

சோம்பலைத் தவிர்ப்பதற்கான வழிமுறைகள்:
1) அதிகாலையில் எழுந்து பஜருடைய தொழுகையை நிறைவேற்றுதல்: -
ஒருவர் சோம்பலில் இருந்து விடுபட்டு, அன்றைய காலைப்பொழுதை சுறுசுறுப்புடன் அடையவேண்டுமா? அதற்கு, நபி (ஸல்) அவர்கள் மிகச் சிறந்த வழியை நமக்கு காட்டியிருக்கிறார்கள். உண்மையிலேயே பரிதாபத்திற்குரிய விஷயம் என்னவென்றால், நம்மில் பலர் இந்த வழியைப் பின்பற்றி நடப்பதில்லை. இறைத்தூதர் (ஸல்) அவர்கள் கூறினார்கள்:

‘உங்களில் ஒருவர் உறங்கும் போது பிடரியில் ஷைத்தான் மூன்று முடிச்சுகளைப் போடுகிறான். ஒவ்வொரு முடிச்சின் போதும் இரவு இன்னும் இருக்கிறது; உறங்கு என்று கூறுகின்றான். அவர் அதிகாலையில் விழித்து அல்லாஹ்வை நினைவு கூர்ந்தால் ஒரு முடிச்சு அவிழ்கிறது. அவர் உளூச் செய்தால் இன்னொரு முடிச்சு அவிழ்கிறது. அவர் தொழுதால் மூன்றாவது முடிச்சும் அவிழ்கிறது. அவர் மகிழ்வுடனும் மன அமைதியுடனும் காலைப் பொழுதை அடைகிறார். இல்லையெனில் அமைதியற்றவராக, சோம்பல் நிறைந்தவராகக் காலைப் பொழுதை அடைகிறார்’ {அறிவிப்பவர் : அபூஹூரைரா (ரலி), ஆதாரம் : புகாரி}

பஜ்ர் தொழுகைக்கும் சுறுசுறுப்புக்கும் எவ்வளவு தொடர்பு இருக்கிறது என்பதை மேற்கண்ட ஹதீஸ் தெளிவாக விளக்குகின்றது. சுறுசுறுப்புடன் அன்றைய தினத்தைத் தொடங்குபவர் பஜ்ர்
தொழுதவராவார். சோம்பல் நிறைந்தவராக அன்றைய தினத்தை அடைந்தவர் ஷைத்தானோடு சேர்ந்து உறங்கி, பஜ்ர் தொழுகையை தொழாதவர் ஆவார். மேற்கண்ட இரண்டு பிரிவினரில் நாம்
எந்தப் பிரிவைச் சேர்ந்தவர் என்பதை நம்மை நாமே கேட்டுக் கொள்ள கடமைப்பட்டுள்ளோம்.

2) வயிறு புடைக்க சாப்பிடுவதை நிறுத்த வேண்டும்!
இந்த விஷயத்தில் நாம் நபி (ஸல்) அவர்களின் வழிமுறையைக் கடைபிடிக்காததால் சோம்பேறிகளாகக் காலத்தைக் கழித்துக் கொண்டிருக்கிறோம். அளவுக்கு மீறி உண்பது நம்மைச் சோம்பேறிகளாக்குகின்றது. ஒருவரைப் பார்த்து, ஏன் சோம்பலாக இருக்கிறாய் என்று கேட்கும் போது அவர், ‘உண்ட மயக்கம்; அது தான் காரணம்’ என்று கூறுவதை இன்று நாம் சர்வ சாதாரணமாக காண்கிறோம். நபி (ஸல்) அவர்கள், அரை வயிறு சாப்பிட்டு, கால் வயிறு தண்ணீர் குடித்து, கால் வயிறை காலியாக வைப்பார்கள். நாமும் நபி (ஸல்) அவர்களின் வழிமுறையைப் பின்பற்றினால் சோம்பலில் இருந்து தவிர்ந்துக் கொள்ளலாம்.

3) இரவில் தாமதமாக படுக்கைக்குச் செல்வதை தவிர்க்க வேண்டும்!
நம்மில் பலர் இரவில் தாமதமாக உறங்கி காலையில் மிகவும் தாமதமாக எழுந்திருக்கக் கூடியவர்களாக இருக்கிறோம். இதுவும் நபி (ஸல்) அவர்களின் வழக்கத்திற்கு மாறான செயலாகும். நபி (ஸல்) அவர்கள் இரவில் முன்னேரத்தில் உறங்கி, தஹஜ்ஜத் தொழுகைக்காக சீக்கிரம் எழுந்திருக்கக் கூடியவர்களாக இருந்தார்கள். ஆகையால் நாம் சீக்கிரமாக உறங்கி, அதிகாலையில் எழுந்திருக்கும் பழக்கத்தை மேற்கொண்டால் சோம்பலில் இருந்து தவிர்ந்துக் கொள்ளலாம்.

4) சோம்பலை விட்டும் நம்மை பாதுகாக்குமாறு அல்லாஹ்விடம் துஆச் செய்தல்!
நபி (ஸல்) அவர்கள் தொழுகையில், சோம்பலை விட்டும் பாதுகாவல் தேடுபவர்களாக இருந்தார்கள். ‘யா அல்லாஹ்! கவலை, துயரம், இயலாமை, சோம்பல், கஞ்சத்தனம், கோழைத்தனம், மனிதனின் ஆதிக்கம் மற்றும் கடனின் சுமை ஆகியவற்றைவிட்டும் உன்னிடம் பாதுகாவல் தேடுகிறேன்’ என்ற துஆவை தொழுகையில் ஓதக் கூடியவர்களாக இருந்தார்கள்.                (ஆதாரம் : புகாரி)

ஆகையால், ஈருலக வெற்றிக் கனியை நம்மிடமிருந்து பறித்துவிடுகின்ற அளவிற்கு மோசமான இந்த சோம்பலை நாம் மேற்கண்ட நபிவழிமுறைகளை பின்பற்றுவதன் மூலம் விரட்டுவதற்கு முயற்சி செய்ய செய்ய வேண்டும். ‘நாளையிலிருந்து நமது முயற்சியைத் துவங்கலாம்’ என்று சோம்பலின் காரணமாகத் தள்ளிபோடாமல் அதை இப்பொழுதிலிருந்தே கடைப்பிடிக்க வேண்டும்.

சோர்வு’ என்பதிலுள்ள முதல் எழுத்தை மாற்றினாலேயே நமக்கு பிறந்து விடும் ‘தீர்வு’. சோம்பல்மிக்கவர்கள் வாழ்க்கையில்  இழப்பது எத்தனையோ! சுறுசுறுப்பானவர்கள் பெறுவது எவ்வளவோ! எனவே சோம்பலை விரட்டி நாமும் மகிழ்ச்சியாக இருப்பதோடு மற்றவர்களையும் மகிழ்ச்சியாக வைத்திருக்க அல்லாஹ் நமக்கு அருள் புரிவானாகவும்.

இதையும் பார்க்க:-


                                        தூய வழியில் பயணிப்போம் வாருங்கள்...!
மனிதா ஏன் நீயும் உன் 
ஆண்மைக்கு விலை பேசுகிறாய்
ஒற்றைக் காலில் நிற்க இயலாத 
உனக்கு எதற்கடா திருமணம்!

சீ! தனம் என்ற பெருங்கல்லை ஏன்? 
அந்த அப்பாவி மாமா, மச்சான்...
என்ற பரம்பரையின் தலையில் போடுகிறாய்
சீதனம் எனும் பேரில் மார்க்கத்தை சீரழிக்காதே!

பாவம் அவர்கள் பாதம் தேயும் வரை 
பாதையில் அழைந்து களைந்து விட்டார்கள்
உன்னைப் போல வீர ஆண்களுக்காக 
வீடு, வாசல், வீதியில் செல்ல வாகனம் 
என்றல்லவா நீ கேட்கின்றாய்!

கல் நெஞ்சம் கொண்ட கணவனா?
அல்லது காசு கேட்கும் கயவனா நீ?
 உழைத்து வாழ முடியாத நீ 
எப்படி உன் மனைவி மக்களுக்கு உழைத்துப் போடுவாய்
பெண் என்ற புதையல் வேண்டுமா உனக்கு

மஹர் என்ற மாணிக்கத்தைக் கொடு.
சீதனத்துக்கு அடிமையாகி விடாதே!
சீராய் சிந்தித்துப் பார் சோதனைக்குள்ளாகி விடாதே!
பணம் எனும் கூறிய ஆயுதத்தால் பிணமாகி விடாதே!
சிந்தித்துப் பார். 

வானமே இடிந்து தலையில் வீழ்ந்தாலும்
பூமி அதிர்ந்து உன்னை உள் இழுத்தாலும்
மனிதா நிலையாய் நில்லடா
சீதனத்து சந்தையில் விலை போகாதே.

உன்னிடம் இருக்க வேண்டியது துணிவடா
மஹர் கொடுத்து மணப்பேன் மணப் பெண்ணை
மறை வழியில் நடத்துவேன் என் வாழ்வை
இன்ஷா அல்லாஹ்...

                                                           ♥'·.¸(`'·. ¸By : பாரிஸ்¸.·'´)¸.·'♥

எமது சமுதாயத்தில் புரையோடிக் கிடக்கின்றதும் எனது நெஞ்சினுள் நெருடல்களை ஏற்படுத்தியதுமான வரதட்சணை பற்றி இந்த முற்றத்திலே எனது முகமறியாத உறவுகளின் கருத்துக்களை அறிந்து கொள்ள ஆசைப்படுகிறேன்.

இதையும் பார்க்க:-
                   * வரதட்சணை வன்கொடுமைக்கு யார் காரணம்?
                   * வலீமா புறக்கணிப்பு சரியா...?
                   * இஸ்லாத்தில் குளிப்பும் அதன் சட்டங்களும்! – Part 1
                   * கொடுப்பதும், எடுப்பதும் (மஹர் மற்றும் வரதட்சணை அல...
                   * குர்ஆனை நம்புகின்றவர்களுக்கு அது ஓர் அருமருந்து
                   * கரு வளர்ச்சியும் அல்குர்ஆனின் அற்புதமும்


                                              தூய வழியில் பயணிப்போம் வாருங்கள்...!

இஸ்லாம் பெண்களுக்கு பொருளாதார ரீதியான உரிமைகளை வழங்கியது போலவே அவளுக்க பொருளாதார ரீதியிலான பொறுப்புக்களையும் கடமைகளையும் விதித்துள்ளதைக் காண்கிறோம். இந்த பொறுப்புக்களையும் கடமைகளையும் உரிய முறையில் நிறைவேற்றும்போது தான் இஸ்லாமிய சமூகம் அதன் மூலம் மகத்தான பயன்களை பெறுகிறது என்பதில் சந்தேகமில்லை. இதனையே நபி (ஸல்) அவர்கள் இவ்வாறு குறிப்பிட்டார்கள். ‘ஒரு பெண் தனது கணவனின் வீட்டு விவகாரங்களை கண்காணிப்பவளாகவும் அந்த வீட்டில் உள்ளவர்களைப் பற்றி வினவப்படுபவளாகவும் உள்ளாள்’.
இந்த அடிப்படையிலேயே பெண்கள் சிறுமிகளாக உள்ள காலம் தொட்டு பயிற்றுவிக்கப்பட வேண்டும். குழந்தைகளுக்கு கல்வி கற்பிக்கக் கூடிய அளவுக்கு கல்வியை இஸ்லாமிய ஒழுங்கிற்கு உட்பட்டுகற்றுக் கொள்ள வேண்டும் என்று இஸ்லாம் வலியுறுத்துகிறது . அதேவேளை பிள்ளை பராமரிப்பு, உணவு சமைத்தல், வீடு பராமரிப்பு, உடைகளை சுத்தம் செய்தல் போன்ற விடயங்களையும் அவர்கள் கற்றுக் கொள்ள வேண்டும். வானொலியில் நிகழ்ச்சிகளை நடத்தும் பயிற்சி அத்தியாவசியமானதா? பெண் பிள்ளைகளால் இவற்றைச் செய்ய முடியுமா? இதற்கான மார்க்கச் சட்டம் என்ன? போன்ற விடயங்களையும் சிந்தித்து சில முடிவுகளை எடுக்க வேண்டியுள்ளது.
இன்று சிலர் எந்தச் செயலை எடுத்தாலும் அதற்கு வழிகேடு என்ற பெயர் சூட்டி செய்தவனின் மானத்தை விமானத்தில் ஏற்றி விடுகின்றனர். ஒரு செயலால் ஏற்பட்ட பாவத்தை விட ஒருவனுடைய மானத்தை அடைமானம் வைப்பது மார்க்கத்தில் மிகவும் வெறுப்பான செயலாக காணப்படுவதுடன் இட்டுக்கட்டுபவன் இனைவைத்தலைப் போன்ற பாவத்தைச் செய்கின்றான் என்று இஸ்லாம் வரையறுக்கிறது. இஸ்லாத்தைப் பொறுத்தவரை எடுத்த எடுப்பில் பத்வா கொடுக்க சொல்லும் முட்டாள்களின் மார்க்கமல்ல. அல்லது அவ்வாறான முட்டாள்களை ஆதரிக்கும் அறைகுறைகளின் மார்க்கமும் அல்ல. பொதுவாக பெண்கள் சம்பந்தப்பட்ட விடயங்கள் மிகவும் கவனமாக கையாளப்பட வேண்டும். பெண்கள் மீது வீணான பழிகள் இட்டுக்கட்டள்கள் செய்வது அறவே கூடாது. எந்தளவுக்கெனில் ஒரு விடயம் உண்மையாயினும் நான்கு கண்ணால் கண்ட சாட்சிகள் இன்றி அதனை வெளிப்படுத்த முடியாது. இது தான் இஸ்லாம்.
மேலும் இஸ்லாம் ஒர் அழகிய மார்க்கம். பாவங்களைச் சுட்டிக் காட்டும் போதோ, தவறுகளைச் சுட்டிக் காட்டும் போதோ பொறுமையையும் நிதானத்தை கடைப்பிடிக்கும் படி இஸ்லாம் நமக்கு கற்றுத் தருகிறது. மேலும் பேச்சுக்களையும் எழுத்துக்களையும் அழகிய முறையில் அமைத்துக் கொள்ளுமாறு இஸ்லாம் எமக்கு கூறுகின்றது. இந்த அழகிய முறை தெறியாதவர்கள் எல்லாம் இன்று சமூகத்தில் காவலன் என்று வேடம் போடுகிறார்கள். ஸுன்னத்து தொழுகையை ஒருவன் தொழவில்லை என்று சைத்தான் ஒப்பாரி வைக்கும் செயலுக்கு ஒத்தது தான் சிலர் முன்வைக்கும் கருத்துக்கள் இருக்கின்றன. இவர்கள் என்ன தான் கூத்து போட்டாலும் இவர்களை சமூகம் ஒருக்காலும் ஏற்றுக் கொள்ளாது.
அவை ஒரு புறமிருக்கட்டும். இன்று பாடசாலை மாணவ மாணவிகள் பல்வேறு போட்டிகளிலும் பயிற்சிநெறிகளிலும் கலந்து கொள்கின்றனர். பாடசாலை மாணவர்களாக இருந்தாலும் பட்டப்படிப்பு மேற்கொள்ளும் பெண்களாக இருந்தாலும் மணமுடித்த பெண்ணாக இருந்தாலும் அல்லது கிழட்டுப்பருவத்தை அடைந்துவிட்ட பெண்ணாக இருந்தாலும் இஸ்லாத்தில் பெண்களுக்கென கூறப்பட்டுள்ள சட்டதிட்டங்களுக்கு அமைவானதாக தமது செயற்பாடுகளை அமைத்துக் கொள்ள வேண்டும். பெண்கள் பற்றி இஸ்லாம் கூறும் சட்டங்கள் என்ன என்பவற்றை தருகிறேன் இவற்றை மையமாக வைத்து தமது பெண் பிள்ளைகளின் விடயங்களை பெற்றோரும் அதிபர்களும் ஆசிரியர்களும் முடிவெடுத்துக் கொள்ள வேண்டும். குறைந்த பட்சம் இறையச்சமுள்ள , இஸ்லாத்தை சரியான வடிவில் விளங்கிக் கொண்டுள்ள இரண்டு உலமாக்களை அனுகி குறிப்பிட்ட நிகழ்ச்சிகளில் பெண்கள் கலந்து கொள்வது பற்றிய மார்க்கத் தீர்ப்புகள் பெறப்பட வேண்டும்.
பர்தாவின் பலன்கள்
ஒரு பெண் பிற ஆடவர்களின் பார்வையிலிருந்து தன் உடலை மறைத்துக் கொள்ளும் விதமாக அணியும் ஆடை பர்தா எனப்படும்.அல்லாஹ் கூறுகிறான்: தானாக வெளிப்படுவதைத் தவிர வேறு எதையும் அப்பெண்கள் தங்கள் அழகை வெளிப்படுத்த வேண்டாம். இன்னும் தங்கள் முன்றானைகளில் அவர்கள் தங்கள் மார்பகங்களை மறைக்க வேண்டும்.
அல்லாஹ் கூறுகிறான்: ”(இறைநம்பிக்கையுள்ள பெண்கள்) தம் கணவர்கள், அல்லது தம் தந்தையர்கள்ää அல்லது தம் கணவர்களின் தந்தையர்கள், அல்லது தம் புதல்வர்கள், அல்லது தன் கணவர்களின் புதல்வர்கள் அல்லது தம் சகோதரர்கள், அல்லது தம் சகோதரர்களின் புதல்வர்கள், அல்லது தம் சகோதரிகளின் புதல்வர்கள், அல்லது தம் பெண்கள்ää அல்லது தம் வலக் கரங்கள் சொந்தமாக்கிக் கொண்டவர்கள் (அடிமைகள்), அல்லது ஆடவர்களில் தம்மை அண்டிவாழும் (இச்சை யோடு பெண்களை விரும்ப முடியாத (அளவு வயதானவர்கள்) பெண்களின் மறைவான அங்கங்களைப்பற்றி அறிந்து கொள்ளாத சிறுவர்கள் ஆகிய இவர்களைத் தவிர வேறு ஆண்களுக்கு தங்களின் அழகலங்காரத்தை வெளிப்படுத்த வேண்டாம்.” (அல்குர்ஆன்: 24:31)
”அப்பெண்களிடம் ஏதாவது ஒருபொருளை நீங்கள் கேட்பதாக இருந்தால் திரைக்கு அப்பால் இருந்தே அவர்களிடம் கேளுங்கள்.” (அல்குர்ஆன்: 33:53)
இந்த வசனத்தில் திரைக்குப் பின்னால் எனச் சொல் வது ஒரு சுவர் அல்லது வாசல் அல்லது ஆடை போன்ற வற்றை திரையாக்கி தன் உடலை மறைப்பதைக் குறிக்கும். மேற்கண்ட வசனத்தில் நபி(ஸல்)அவர்களின் மனைவியருக்காகச் சொல்லப்பட்டாலும் இந்தச் சட்டம் எல்லா முஸ்லிம் பெண்களுக்கும் பொதுவானதாகும்.
ஏனெனில் அதற்கான ஆடை அணிவதற்குண்டான காரணத்தை அல்லாஹ் சொல்லும் போது ”அதுவே உங்களின் இதயங்களுக்கும் அவர்களின் இதயங்களுக்கும் தூய்மையானதாகும்.” (அல்குர்ஆன்:33:53)
என்று குறிப்பிடுகிறான். இன்னும்அல்லாஹ் கூறுகிறான்: ”நபியே! நீர் உம் மனைவிகளுக்கும், உம் பெண்மக்களுக்கும், இறைநம்பிக்கை யாளர்களின் மனைவியர்களுக்கும் அவர்கள் தங்கள் தலை முன்றானைகளைத் தாழ்த்திக் கொள்ளுமாறு கூறும்!” (அல்குர்ஆன்: 33:59)
”நாம் இன்று பெண்களிடத்தில் பார்ப்பவற்றை நபி(ஸல்)அவர்கள் பார்த்திருப்பார்களானால் இஸ்ரவேலர்கள் தங்களின் பெண்களை பள்ளிவாசலுக்குச் செல்வதை விட்டும் தடுத்தது போன்று முஸ்லிம் பெண்களையும் தடுத்திருப்பார்கள்” என ஆயிஷா(ரலி) அறிவிக்கிறார். (நூற்கள்: புகாரி,முஸ்லிம்)
இந்த நபிமொழிக்கு விளக்கம் அளிக்கும்போது இமாம் ஷவ்கானி அவர்கள் கூறுகின்றார்கள். ஆடை அலங்காரம், நறுமணம்,உடலை வெளியில் காட்டுதல் போன்ற செயல்களைத்தான் ஆயிஷா(ரழி) அவர்கள் இவ்வாறு குறிப்பிடுகிறார்கள். நபி(ஸல்) அவர்களின் காலத்தில் உடல் முழுவதும் மறைக்கின்ற ஆடைகளையும் கடினமான ஆடைகளையுமே அணிந்துதான் பெண்கள் வெளியில் செல்லக் கூடியவர்களாக இருந்தனர்.
பெண்களைப் பொறுத்தவரை அவளுடன் துணை யாகச் செல்லக்கூடிய திருமண உறவு தடை செய்யப்பட்ட ஆண் இருக்கவேண்டும். அதாவது கணவன்,தந்தை மகன்,சகோதரன் போன்றவர்கள், அல்லது பால்குடி சகோதரன்,தாயின் கணவன் அல்லது கணவனின் மகன் போன்றவர்கள் உடன் இருக்கவேண்டும்.
”நபி(ஸல்) அவர்கள் ஒருமுறை பிரசங்கம் செய்யும் போது, திருமணம் முடிக்கத் தடுக்கப்பட்ட ஆண் அவளுடன் இருந்தேயன்றி எந்த ஓர் ஆணும் ஒரு பெண்ணுடன் தனித்திருக்கக் கூடாது. தனக்குத் திருமண உறவு தடுக்கப்பட்டுள்ள ஆண் துணையின்றி எந்த ஒரு பெண்ணும் தனிமையில் பயணம் செய்யக்கூடாது.’ என்று கூறினார்கள். அப்போது ஒருவர் எழுந்து, ‘இறைத் தூதர் அவர்களே! என் மனைவி ஹஜ் செய்வதற்காகத் தனியாகச் சென்றிருக்கிறாள். நானோ இன்ன யுத்தத்தில் பங்கெடுப் பதற்காக உள்ளேன்.’ எனக் கேட்டார். அதற்கு ‘நீ சென்று உன் மனைவியுடன் ‘ஹஜ்’ செய்துகொள்!’ என்று நபி(ஸல்) அவர்கள் கூறினார்கள்” என இப்னு அப்பாஸ்(ரழி) அறிவிக்கிறார். (நூற்கள்: புகாரி, முஸ்லிம்)
ஒரு பெண், திருமணம் செய்வது தடுக்கப்பட்ட நபர் துணையின்றி மூன்று நாட்கள் பயணம் செய்யக்கூடாது. என்று நபி(ஸல்) அவர்கள் கூறினார்கள் என இப்னு உமர்(ரழி) அறிவிக்கிறார் (நூற்கள்: புகாரி, முஸ்லிம்)
பார்வையை தாழ்த்துதல்
தன்னுடைய பார்வையைத் தாழ்த்தி,கற்ப்பைப் பாதுகாத்துக் கொள்ளுமாறு இறைநம்பிக்கையுள்ள ஆண்களுக்கும், இறை நம்பிக்கையுள்ள பெண்களுக்கும் அல்லாஹ் கட்டளையிடுகிறான். கற்பபைப் பாதுகாப்பது என்பதில் விபச்சாரம், ஆண் ஓரினச் சேர்க்கை (ஹோமோ செக்ஸ்) பெண் ஓரினச் சேர்க்கை (லெஸ்பியன்),மனிதர்களிடத்தில் அருவெறுப்பாக நடப்பது, மர்மஸ் தலத்தை அவர்களிடத்தில் காட்டுவது ஆகியவை அடங்கும். இந்த வசனத்திற்கு கட்டுப்பட்டு நடக்கக்கூடிய ஆணுக்கும்,பெண்ணுக்கும் பாவமன்னிப் பையும், மகத்தான கூலியையும் கொடுப்பதாக அல்லாஹ் வாக்களித்துள்ளான். இதோடு அல் அஹ்ஸாப் என்ற அத்தியாயத்தில் பின்வரும் வசனத்தில் அல்லாஹ் குறிப்பிடும் பண்பு களையும் மனித இனம் செயல் படுத்துமாயின் மகத்தான நற்கூலி உண்டு.
”நிச்சயமாக முஸ்லிம்களான ஆண்களும் பெண்களும் இறைநம்பிக்கை கொண்ட ஆண்களும் பெண்களும் இறை வழிபாடுள்ள ஆண்களும், பெண்களும் உண்மையே பேசும் ஆண்களும் பெண்களும் பொறுமையுள்ள ஆண்களும் பெண்களும், அல்லாஹ்விடம் உள்ளச்சத்துடன் இருக்கும் ஆண்களும்,பெண்களும், தர்மம் செய்யும் ஆண்களும் பெண்களும் நோன்பு நோற்கும் ஆண்களும் பெண்களும் தங்கள் வெட்கத்தலங்களை காத்துக் கொள்ளும் ஆண்களும் பெண்களும், அல்லாஹ்வை அதிகம் தியானம் செய்யும் ஆண்களும் பெண்களும் ஆகிய இவர்களுக்கு அல்லாஹ் மன்னிப்பையும் மகத்தான நற்கூலியையும் தயார் படுத்தி யிருக்கிறான்.” (அல்குர்ஆன் 33:35)
பார்வைதான் இச்சையின் வழிகாட்டியாகவும் அதன் தூதாகவும் இருக்கிறது. பார்வையைப் பாதுகாப் பதுதான் கற்பைப் பாதுகாப்பதற்கு அடிப்படையாகும். யார் பார்வையைத் திறந்து விடுகிறாரோ அவர் தன்னை நாசத்தில் ஆழ்த்திவிடுகிறார்.
”அலீயே ஒரு பார்வையைத் தொடர்ந்து இன்னொரு முறை பார்க்காதே! உனக்கு முதல் பார்வை மட்டும் தான். (குற்றமற்றதாக இருக்கும்)” என்று நபி(ஸல்) அவர்கள் தம் மருமகன் அலீ(ரழி) அவர்களிடம் கூறினார்கள்.அதாவது திடீரென விழும் பார்வையினால் குற்ற மில்லைமேலும் அவர்களைத் தொட்டும் அறிவிக்கப் படுகிறது. பார்வை என்பது இப்லீஸின் அம்புகளில் விஷ மூட்டப்பட்ட அம்பாகும். என்று நபி(ஸல்) அவர்கள் கூறுகிறார்கள்.
மனிதனை வந்து சேருகின்ற எல்லாவிதமான பொதுவான சம்பவங்களும் பார்வையினால் தான். பார்வை உணர்வைத் தூண்டுகிறது. உணர்வு சிந்தனையைத் தூண்டுகிறது. சிந்தனை ஆசையைத் தூண்டுகிறது. ஆசை நாட்டத்தைத் தூண்டுகிறது. பின்னர் அது வலுவாகி உறுதியான எண்ணமாம் செயல் அளவில் நிகழக் கூடியதாக மாறி விடுகிறது. எனவே பார்வையைத் தாழ்த்திக் கொள்வதின் மீது பெறுமை செய்வதுபார்ப்பதினால் ஏற்படும் தீய விளைவுகளின் மீது பொறுமை செய்வதை விட இலேசானதாகும் என்று சொல்லப்படுகிறது.
இஸ்லாமியப் பெண்ணே! அன்னிய ஆண்களைப் பார்ப்பதை விட்டும் உன் பார்வையைத் தாழ்த்திக் கொள்ளுங்கள்! தொலைக் காட்சியிலும்ää பத்திரிக்கைகளிலும் காட்டப் படும் மோசமான படங்களைப் பார்க்காதீர்கள்! மோசமான முடிவை விட்டும் உங்களை நீங்கள் பாதுகாத்துக் கொள்ளுங்கள்! பார்வைகள் பல மனிதர்களை கைசேதத்தில் தள்ளியுள்ளது. ஏனெனில் பெரிய தீ சிறிய தீப்பொறியிலிருந்து ஏற்படுகிறது.
இசை மனிதர்களிடத்தில் பாவங்களை வளர்க்கும்
அறிவும் புத்தியும் குறைந்தவர்களை தன்வசம் இழுப்பதில் ஷைத்தானின் சூழ்ச்சியில் நின்றும் உள்ளதுதான் கைதட்டுதலும் சீட்டி அடித்தலு மாகும். குர்ஆனை விட்டும் திசை திருப்பும் இசைக் கருவிகள் மூலம் இசைக்கப்படும் பாடல்கள் இவை பாவத்தின் மீதும் தவறின் மீதும் படிய வைத்து விடுகிறது. இவை ஷைத்தானின் வாக்குகளாகவும் அல்லாஹ்வை விட்டும் தடுக்கக் கூடியதாகவும் உள்ளன. அவை ஓரினச் சேர்க்கை மற்றும் விபச்சாரத்திற்குரிய மந்திரமாகவும் உள்ளன. இதன் மூலம் கெட்ட காதலன் தன் காதலியிடம் தன் தேவையைப் ப10ர்த்தி செய்யும் நிலை ஏற்படுகிறது.
அதே நேரத்தில் இசை கருவிகளுடன் பாடல்களை பெண்களிடமிருந்தும், முடி முளைக்காத இளைஞர் களிடமிருந்தும் செவியுறுவது மிகப்பெரிய தவறானதாகவும் விலக்கப்பட்டதாகவும் இருக்கிறது. மார்க்கத்தைக் கெடுப்பதாகவும் உள்ளது. மார்க்கத்தின் மீது பற்றுள்ள வன் இசைக்கருவிகளைக் கேட்பதை விட்டும் தம் குடும்பத்தை தடுத்து நிறுத்தட்டும். அதற்குக் காரணமான வற்றை விட்டும் தடுக்கவேண்டும். சந்தேகத்திற்குரிய காரியங்களை விட்டும் அவர்களைத் தடுப்பது மார்க் கத்தின் மீது ரோஷம் கொண்ட ஒவ்வொருவரின் மீதும் கடமையாகும்..
ஒரு பெண்ணைத் தன் வசப்படுத்துவது ஆண் மீது சிரமமாகும்போது அந்தப் பெண்ணுக்கு இசைப்பாடல் களை கேட்கச் செய்யமுயற்சிப்பான். அப்போது அவளுடைய மனம் இளகும். ஏனெனில் பெண்களைப் பொறுத் தவரை இராகங்களுக்கு விரைவாக வசப்பட்டு விடுவார்கள். ராகம் இசையோடு இருக்கும் போது அவளுடைய உணர்வுகள் இரண்டு விதத்தில் அதிகரிக்கிறது. ஒன்று இசை சப்தத்தின் மூலமும், மற்றொன்று அதில் நிறைந் திருக்கும் பொருள் மூலமும் இதோடு கூட ஆடலும் பாடலும் சேரும்போது இன்னும் அதிகமான விபரீதங்கள் ஏற்படுகின்றன.
இஸ்லாமியப் பெண்ணே! நீங்கள் அல்லாஹ்வை அஞ்சிக் கொள்ளுங்கள்! மிகவும் விபரீதமான இந்த கெட்ட குண நோயி லிருந்து எச்சரிக்கையாக இருந்து கொள்ளுங்கள்! இது பல விதத்தில் முஸ்லிகளுக்கிடையில் பரப்பி விடப்பட்டுள்ளது. இஸ்லாத்தைப் பற்றிய அறிவு ஞானம் இல்லாத எத்தனையோ இளம் பெண்கள் அந்த பாடல்களை அது தயாரிக்கப்படும் இடங்களிலிருந்தே பெற்று அதை ஒருவருக்கொருவர் அன்பளிப்பும் செய்கின்றனர்.
கற்பிற்கு ஆபத்து ஏற்படும் காரணங்களில் ஒன்று அன்னிய ஆணும் அன்னிய பெண்ணும் தனிமையில் இருப்பதாகும். ”அல்லாஹ்வையும் மறுமை நாளையும் நம்பும் ஒருவர் அவளிடம் திருமணம் தடைசெய்யப்பட்ட நபர் இல்லாத நிலையில் எந்தப் பெண்ணுடனும் தனிமையில் இருக்க வேண்டாம். எந்த ஒரு பெண்ணும் ஓர் ஆணுடன் தக்க துணையின்றி தனிமையில் இருக்கவேண்டாம். ஏனெனில் அங்கு மூன்றாவது நபராக ஷைத்தான் புகுந்துவிடுவான்.’ என்று நபி(ஸல்) அவர்கள் கூறினார்கள்.” (நூல்: அஹ்மத்)
”எந்த ஓர் ஆணும் எந்த ஒரு அன்னியப் பெண்ணுடனும் தனிமையில் இருக்கவேண்டாம். ஏனெனில் ஷைத்தான் மூன்றாவது நபராக வந்து விடுகின்றான்’ என்று நபி(ஸல்) அவர்கள் கூறினார்கள்” என ஆமிர் இப்னு ரபீஆ(ரழி) அறிவிக்கிறார். (நூல்: அஹ்மத்)
எல்லாப்புகழும், அகிலங்களைப் படைத்து வளர்த்து இரட்சிக்கின்ற அல்லாஹ்வுக்கே! நம் நபி முஹம்மத்(ஸல்) அவர்கள் மீதும் அவர்களின் தோழர்களின் மீதும் ஸலவாத்தும் ஸலாமும் உண்டாவதாக!
இதையும் பார்க்க:-


                                          தூய வழியில் பயணிப்போம் வாருங்கள்...!

பள்ளியில் கடைப் பிடிக்க வேண்டிய ஒழுக்கங்கள் 
1. பாங்கு சப்தம் கேட்ட பின்னர் தக்க காரணமின்றி ஜமாஅத்துடன் கடமையான தொழுகையை தொழாமல் பள்ளியிலிருந்து வெளியேறுவது இஸ்லாமிய ஒழுக்கங்களைச் சார்ந்ததல்ல.

. 1521 – حَدَّثَنَا أَبُو بَكْرِ بْنُ أَبِى شَيْبَةَ حَدَّثَنَا أَبُو الأَحْوَصِ عَنْ إِبْرَاهِيمَ بْنِ الْمُهَاجِرِ عَنْ أَبِى الشَّعْثَاءِ قَالَ كُنَّا قُعُودًا فِى الْمَسْجِدِ مَعَ أَبِى هُرَيْرَةَ فَأَذَّنَ الْمُؤَذِّنُ فَقَامَ رَجُلٌ مِنَ الْمَسْجِدِ يَمْشِى فَأَتْبَعَهُ أَبُو هُرَيْرَةَ بَصَرَهُ حَتَّى خَرَجَ مِنَ الْمَسْجِدِ فَقَالَ أَبُو هُرَيْرَةَ أَمَّا هَذَا فَقَدْ عَصَى أَبَا الْقَاسِمِ -صلى الله عليه وسلم-..مسلم

நாங்கள் அபூஹுரைரா(ரலி)யுடன் பள்ளியில் அமர்ந்திருந்தோம் அப்போது முஅத் தின் பாங்கு கூறினார், ஒரு மனிதர் பள்ளியிலிருந்து எழுந்து நடந்து சென்றார், அபூ ஹுரைரா (ரலி) அவரின் பக்கமாக தனது பார்வை செலுத்தினார்கள், அவர் பள்ளியி லிருந்து வெளியேறி வெளியேறி விட்டார், அப்போது அபூஹுரைரா (ரலி) அவர்கள் இவர் அபுல் காசிம் (ஸல்) அவர்களுக்கு மாறுசெய்துவிட்டார் என்று கூறியதாக அபூ ஷஅதா(ரலி) கூறினார்கள். நூல்: முஸ்லிம், 1521
2. பள்ளியில் சப்தமிட்டு பேசாமலிருப்பது, அங்கு தர்க்கித்துக் கொள்ளாமலிருப்பது

470- حَدَّثَنَا عَلِيُّ بْنُ عَبْدِ اللهِ ، قَالَ : حَدَّثَنَا يَحْيَى بْنُ سَعِيدٍ قَالَ : حَدَّثَنَا الْجُعَيْدُ بْنُ عَبْدِ الرَّحْمَنِ ، قَالَ : حَدَّثَنِي يَزِيدُ بْنُ خُصَيْفَةَ ، عَنِ السَّائِبِ بْنِ يَزِيدَ قَالَ : كُنْتُ قَائِمًا فِي الْمَسْجِدِ فَحَصَبَنِي رَجُلٌ فَنَظَرْتُ فَإِذَا عُمَرُ بْنُ الْخَطَّابِ فَقَالَ اذْهَبْ فَأْتِنِي بِهَذَيْنِ فَجِئْتُهُ بِهِمَا قَالَ مَنْ أَنْتُمَا ، أَوْ مِنْ أَيْنَ أَنْتُمَا قَالاَ مِنْ أَهْلِ الطَّائِفِ قَالَ لَوْ كُنْتُمَا مِنْ أَهْلِ الْبَلَدِ لأَوْجَعْتُكُمَا تَرْفَعَانِ أَصْوَاتَكُمَا فِي مَسْجِدِ رَسُولِ اللهِ صلى الله عليه وسلم. بخاري

நான் பள்ளியில் நின்றுகொண்டிருந்தேன் அப்போது ஒருவர் என்னை கல்லால் அடித் தார், அப்போது உமர் பின் கத்தாப் அவர்களை அங்கு கண்டேன், நீ சென்று அந்த இருவரையும் என்னிடம் கொண்டு வா என்று என்னிடம் கூறினார்கள், அவர்கள் இரு வரையும் அவரிடம் கொண்டு வந்தேன், அவர், அவர்கள் அவ்விருவரிடமும் நீங்கள் இருவரும் யார்? அல்லது எங்கிருந்து வருகிறீர்கள் என்று கேட்டார், அவர்கள் இரு வரும் நாங்கள் தாயிபில் இருந்து வருகிறோம் என்று கூறினார், நீங்கள் இருவரும் இந்த ஊர்வாசிகளாக இருந்திருந்தால் உங்கள் இருவரையும் காயப்படுத்தியிருப்பேன், அல்லாஹ்வின் தூதருடைய பள்ளியில் உங்கள் இருவரின் சப்தத்தை உயர்த்துகிறீர் களா?! என்று யஸீத் பின் சாயிப் கூறினார். புகாரி 470 .
3 விற்பதையும் வாங்குவதையும் தவிர்க்க வேண்டும்

1081 – حَدَّثَنَا مُسَدَّدٌ حَدَّثَنَا يَحْيَى عَنِ ابْنِ عَجْلاَنَ عَنْ عَمْرِو بْنِ شُعَيْبٍ عَنْ أَبِيهِ عَنْ جَدِّهِ أَنَّ رَسُولَ اللَّهِ -صلى الله عليه وسلم- نَهَى عَنِ الشِّرَاءِ وَالْبَيْعِ فِى الْمَسْجِدِ وَأَنْ تُنْشَدَ فِيهِ ضَالَّةٌ وَأَنْ يُنْشَدَ فِيهِ شِعْرٌ وَنَهَى عَنِ التَّحَلُّقِ قَبْلَ الصَّلاَةِ يَوْمَ الْجُمُعَةِ.ابو داود

நிச்சயமாக அல்லாஹ்வின் தூதர்(ஸல்) அவர்கள் பள்ளியில் விற்பதையும் வாங்கு வதையும், தவறிப்போனவற்றைத் தேடுவதையும், ஜூம்ஆ தொழுகைக்கு முன்னர் வட்டமாக அமர்வதையும் தடை செய்துள்ளார்கள் என்று ஷூஐப் பின் அம்ர் கூறினார், நூல்: அபூ தாவூத் 1081.
4. பள்ளியை சுத்தமாக வைத்துக் கொள்வதில் கவனம் செலுத்த வேண்டும்

415- حَدَّثَنَا آدَمُ قَالَ : حَدَّثَنَا شُعْبَةُ قَالَ : حَدَّثَنَا قَتَادَةُ قَالَ : سَمِعْتُ أَنَسَ بْنَ مَالِكٍ قَالَ : قَالَ النَّبِيُّ صلى الله عليه وسلم الْبُزَاقُ فِي الْمَسْجِدِ خَطِيئَةٌ وَكَفَّارَتُهَا دَفْنُهَا.مسلم

பள்ளியில் காரி உமிழ்வது பாவம் அதற்கு பரிகாரம் அதைப் பொதைத்து விடுவ தாகும் என்று நபி(ஸல்) அவர்கள் கூறியதாக அனஸ் பின் மாலிக் கூறினார்கள். புகாரி 415, முஸ்லிம் 1259.
5. பள்ளிக்குச் செல்லும் முன்னர் தொழுகையாளிகளுக்கு தொலை ஏற்படும் பூண்டு, வெங்காயம் போன்ற வாசம் உள்ள பொருள்களை உண்ணாமல் இருப்பது.

1282 – وَحَدَّثَنِى مُحَمَّدُ بْنُ حَاتِمٍ حَدَّثَنَا يَحْيَى بْنُ سَعِيدٍ عَنِ ابْنِ جُرَيْجٍ قَالَ أَخْبَرَنِى عَطَاءٌ عَنْ جَابِرِ بْنِ عَبْدِ اللَّهِ عَنِ النَّبِىِّ -صلى الله عليه وسلم- قَالَ « مَنْ أَكَلَ مِنْ هَذِهِ الْبَقْلَةِ الثُّومِ – وَقَالَ مَرَّةً مَنْ أَكَلَ الْبَصَلَ وَالثُّومَ وَالْكُرَّاثَ – فَلاَ يَقْرَبَنَّ مَسْجِدَنَا فَإِنَّ الْمَلاَئِكَةَ تَتَأَذَّى مِمَّا يَتَأَذَّى مِنْهُ بَنُو آدَمَ.مسلم

இந்த பூண்டுக் கீரையை யாரேனும் தின்றால் என்றும் – மற்றோரு தடவை இந்த வெங்காயம், பூண்டு, வெங்காயக் கீரை போன்றவற்றை யாரேனும் தின்றால் அவர் நமது பள்ளியை நெருங்க வேண்டாம், ஏனெனில் ஆதமுடய மக்கள் எதிலிருந்து நோவினை அடைவார்களோ அதனால் மலக்குகளும் நோவினை அடைகிறார்கள் என்று நபி(ஸல்) அவர்கள் கூறியதாக அப்துல்லாஹ் பின் ஜாபிர் கூறினார்கள். முஸ்லிம் 1282.
6. பள்ளிக்குள் செல்பவர் பள்ளியின் காணிக்கையான இரண்டு ரகஅத்துகளை தொழுது விட்டு அமர்வது சுன்னத்தாகும்

444- حَدَّثَنَا عَبْدُ اللهِ بْنُ يُوسُفَ قَالَ : أَخْبَرَنَا مَالِكٌ ، عَنْ عَامِرِ بْنِ عَبْدِ اللهِ بْنِ الزُّبَيْرِ ، عَنْ عَمْرِو بْنِ سُلَيْمٍ الزُّرَقِيِّ ، عَنْ أَبِي قَتَادَةَ السَّلَمِيِّ أَنَّ رَسُولَ اللهِ صلى الله عليه وسلم قَالَ : إِذَا دَخَلَ أَحَدُكُمُ الْمَسْجِدَ فَلْيَرْكَعْ رَكْعَتَيْنِ قَبْلَ أَنْ يَجْلِسَ.بخاري

உங்களில் ஒருவர் பள்ளியினுள் நுழைந்தால் அமர்வதற்கு முன்னர் இரண்டு ரகஅத் துகள் தொழுது கொள்ளட்டும் என்று நபி(ஸல்) அவர்கள் கூறியதாக அபூ கதாதா அஸ்ஸலமிய்யி கூறினார்கள். புகாரி 415.

இதையும் பார்க்க:-

                                     தூய வழியில் பயணிப்போம் வாருங்கள்...!
 அஸ்ஸலாமு அழைக்கும்

பன்றி இறைச்சி ஹராம் என்றுதான் நாமில் பலருக்கு தெரியும் அதன் விளைவை பற்றி நம்மில் பலருக்கு தெரியாது. இது பற்றி DR.ஜாகிர் நாயக் கூறுகிறார்

பன்றி இறைச்சி உண்பதால் - மனிதனுக்கு ஏராளமான நோய்கள் உண்டாகின்றன.

எந்த விஷயத்தையும் முஸ்லிம் அல்லாதவர்களும் (மத நம்பிக்கை உடையவர்கள்) கடவுளே இல்லை என்று மறுப்பவர்களும் காரணத்துடனும் தர்க்க ரீதியாகவும் அறிவியல் உண்மையுடனும் சொன்னால்தான் ஏற்றுக் கொள்வார்கள். பன்றி இறைச்சி உண்பதால் மனிதனுக்கு எழுபது விதமான நோய்கள் உண்டாகிறது. பன்றி இறைச்சி உண்பதால் மனிதனின் வயிற்றில் வட்டப்புழு (Round Worm) ஊசிப்புழு (Pin Worm) கொக்கிப்புழு (Hook Worm) போன்ற குடற்புழுக்கள் உண்டாகின்றன. பன்றி இறைச்சி உண்பதால் மனிதனின் வயிற்றில் நாடாப்புழு உருவாகிறது. இந்த நீளமான நாடாப்புழு மனித குடலின் அடிப்பகுதியில் சென்று தங்கிவிடுகிறது. ஆது இடும் முட்டை இரத்த நாளங்கள் வழியாக உடலின் எல்லாப் பாகங்களுக்கும் பரவுகிறது. இந்த முட்டை மனித மூளையச் சென்றடைந்தால் மனிதன் தன் நினைவாற்றலை இழப்பான். இந்த முட்டை மனித இதயத்தைச் சென்றடைந்தால் மனிதனுக்கு மாரடைப்பு உண்டாகிறது. இந்த முட்டை மனிதனின் கண்களைச் சென்றடைந்தால் மனிதன் கண்பார்வையை இழக்கிறான். இந்த முட்டை மனிதனின் ஈரலைச் சென்றடைந்தால் மனிதனின் ஈரல் பாதிக்கப்படுகிறது. இவ்வாறு பன்றி இறைச்சி உண்பதால் மனித வயிற்றில் உருவாகும் நாடாப்புழுவின் முட்டைகள் மனித உருப்புகள் அனைத்தையும் செயலிழக்கச் செய்யும் வல்லமை உள்ளவை.

பன்றி இறைச்சியில் திரிகூரா திச்சுராஸிஸ் (Trichura Tichurasis) என்ற பெயரையுடைய மற்றொரு ஆபத்தான குடற்புழு உள்ளது. பன்றி ,றைச்சியை நன்றாக வேக வைத்துவிட்டால் ,து போன்ற புழுக்கள் மரணித்து விடுகின்றன என்பது ஒரு பொதுவான அதே சமயம் தவறான கருத்து மக்களிடையே இருக்கிறது. இது பற்றிய ஆய்வு ஒன்று அமெரிக்காவில் நடத்தப்பட்டபோது - இருபத்து நான்கு பேர் திரிகூரா திச்சுராஸிஸ் (Trichura Tichurasis) என்று குடற்புழு நோயால் தாக்கப்பட்டிருந்தார்கள். அவர்களில் இருபத்தி இரண்டு பேர் பன்றி இறைச்சியை நன்றாக வேகவைத்து சாப்பிட்டவர்கள் என்று கண்டறியப்பட்டது. சாதாரணமான வெப்பத்தில் சமைக்கப்படும் பன்றி இறைச்சியில் - குடற்புழு உண்டு என மேற்படி ஆய்விலிருந்து நாம் அறியும் செய்தி

பன்றி இறைச்சியில் கொழுப்புச் சத்து அதிகம்.

பன்றி இறைச்சியில் மாமிச சத்தைவிட கொழுப்புச் சத்தே அதிகம். பன்றி இறைச்சி உண்பதால் ஏற்படும் கொழுப்புச் சத்து மனித இரத்த நாளங்களை அடைத்து விடுவதால் - மனிதனுக்கு இரத்த அழுத்த நோயும் - மாரடைப்பும் உண்டாகின்றது. எனவே அமெரிக்கர்களில் ஐம்பது சதவீதம் பேர் இரத்த அழுத்தம் உள்ளவர்களாக இருப்பதில் ஆச்சரியம் இல்லை.

பூமியல் உள்ள விலங்கினங்களில் எல்லாம் கேடுகெட்ட விலங்கினம் பன்றி. பன்றி சேற்றிலும் சகதியிலும் மலத்திலும் வாழக்கூடிய விலங்கினம். கடவுளின் படைப்பில் ஒரு சிறந்த சுத்திகரிக்கும் மிருகம் பன்றி. நவீன கழிப்பறை வசதி இல்லாத கிராமப்புறங்களில் மனிதர்கள் - காடுகளிலும் - வெட்டவெளியிலும்தான் மலஜலம் கழிப்பார்கள். இந்த மலத்தை சுத்தம் செய்வது பன்றிதான்.

ஆஸ்திரேலியா போன்ற மேலை நாடுகளில் பன்றிகள் மிக சுத்தமான சூழ்நிலையில் வளர்க்கப்படுகின்றன என சிலர் வாதிட முற்படலாம். எந்த மாதிரி சுத்தமான சூழ்நிலையிலும் பன்றிகள் ஒன்றாகத்தான் அடைத்து வைக்கப்படுகின்றன. எத்தனைதான் சுத்தமான சூழ்நிலையில் நீங்கள் பன்றிகளை வைத்திருந்தாலும் - பன்றி இயற்கையாகவே கேடு கெட்டவை. தன்னுடைய மலத்தையும் - பிறருடைய மலத்தையும் சுவைத்துத் தின்னும் மிருகம் பன்றி.

உலகில் உள்ள மிருகங்களில் எல்லாம் வெட்கம் கெட்ட மிருகம் பன்றி.

உலகில் உள்ள மிருகங்களில் எல்லாம் வெட்கம் கெட்ட மிருகம் பன்றிதான். தனது நண்பர்களை அழைத்து வந்து தனது துணையுடன் நண்பர்களை உடலுறவு கொள்ளச் செய்யும் மிருகம் பன்றி. அமெரிக்காவில் பெரும்பான்மையினர் பன்றி இறைச்சி உண்ணக் கூடியவர்களாக இருக்கிறார்கள். இரவு நேர பார்ட்டிகள் முடிந்த பிறகு தங்களுக்குள் 'மனைவியரை மாற்றிக் கொள்ளும் பண்பாடு' (அதாவது எனது மனைவியுடன் நீ உனது மனைவியுடன் நான் என) கொண்டவர்களாக இருக்கிறார்கள். பன்றி இறைச்சி தின்பவன் பன்றியைப் போலத்தான் செயல்படுவான். இந்தியர்களான நாம் அமெரிக்கர்களை மிகவும் முன்னேறியவர்கள் எனவும் - மிகவும் பண்பாடு உடையவர்கள் எனவும் தலைக்கு மேல் வைத்து கொண்டாடுகிறோம். அவர்கள் என்ன செய்தாலும் அதனை நாமும் அப்படியே பின்பற்றுகிறோம். சமீபத்தில் மும்பையிலிருந்து பிரசுரமாகும் 'ஐலேண்ட்' என்னும் மாதப்பத்திரிக்கை வெளியிட்டுள்ள கட்டுரை 'மனைவியரை மாற்றிக் கொள்ளும் பண்பாடு' மும்பை வட்டாரத்தில் சர்வ சாதாரணம் என்று குறிப்பிடுகிறது.

பன்றி இறைச்சி உண்ணத் தடை என்று பைபிளும் குறிப்பிடுகின்றது.

கிறஸ்தவர்களின் வேத புத்தகமான பைபிள் குறிப்பிடும் தடைகளைப் பற்றி கிறிஸ்தவர்களுக்கு எடுத்துச் சொன்னால் அவர்களும் அறிந்து கொள்வார்கள். பன்றி இறைச்சி உண்ணத் தடை என்று பைபிளிளும் குறிப்பிடப்பட்டுள்ளது.

பைபிளின் அத்தியாயம் 11 - லேவியராகமம் வசனம் 7 முதல் 8 வரையிலும் பைபிளின் அத்தியாயம் 14 - உபாகமம் வசனம் 8 ம் பன்றி இறைச்சி உண்ணத் தடை பற்றி அறிவிக்கின்றன.

மேலும் பைபிளின் அத்தியாயம் 65 - ஏசாயா 2 முதல் 5 வரையுள்ள வசனங்களில் பன்றி இறைச்சி உண்ணத் தடை பற்றி குறிப்பிடப்பட்டுள்ளது.

இஸ்லாம் பன்றி இறைச்சியை உணவாக உட்கொள்ளத் தடை செய்து இருக்கிறது ?

இஸ்லாம் பன்றி இறைச்சியை உணவாக உட்கொள்ள தடை செய்திருப்பது அனைவரும் அறிந்த உண்மை. இந்தத் தடை ஏன்? என்பது பற்றிய விபரத்தை கீழ்க்காணும் விளக்கங்கள் மூலம் தெளிவாக அறியலாம்.

பன்றி இறைச்சி உண்பது தடை செய்யப்பட்டுள்ளது பற்றி குரானின் தெளிவாக்கம்:

பன்றி இறைச்சி உண்பது தடை செய்யப்பட்டிருப்பது பற்றி அருள்மறை குர்ஆனில் குறைந்தது நான்கு அத்தியாயங்களில் குறிப்பிடப்பட்டுள்ளது.

'தானாகவே செத்ததும் இரத்தமும் பன்றியின் மாமிசமும் இறைவன் (அல்லாஹ்) அல்லாத பெயர் சொல்லப்பட்டதும் ஆகியவைகளைத்தான் உங்கள் மீது ஹராமாக (தடுக்கபட்டது) ஆக்கியிருக்கிறான்.' (அல்-குர்ஆன் அத்தியாயம் - 02 வசனம் 173)

மேற்படி கருத்துக்களை அருள்மறையின் அத்தியாயம் ஐந்தின் மூன்றாவது வசனத்திலும் அத்தியாயம் ஆறு - 145வது வசனத்திலும் - அத்தியாயம் பதினாறு - 115வது வசனத்திலும் காணலாம். அருள்மறையின் மேற்படி வசனங்கள் - இஸ்லாத்தில் பன்றி இறைச்சி உண்பது தடை செய்யப்பட்டிருக்கிறது என்பதற்கு ஆதாரமாக அமைந்துள்ளன.

பன்றி உங்களுக்கு தடுக்கப்பட்ட உணவு.இது அல்லா குர்கானில் சொல்லபட்டது. அறிவியலில் பன்றி கறியை சாப்பிட்டால் மனிதவுடம்பில் ஒருவிதமான நாற்றம் தோன்றும்,நாளடைவில் தோளில் கரும்புள்ளி (அதாவது தோல் வியாதி வரும்),பன்றியினஉடம்பில் உள்ள கிருமிகள் சில எவளவு அதிகமான கொதிநிலயுளும் சாகாது அந்த கிருமி மனித உடம்பில் சென்று எந்த எடத்தில் தங்குகிறதோ அங்கு நம் உடம்பில் உள்ள நோய் எதிப்பு சக்தி கிருமிகளை கொள்ளுகிறது,பன்றியின் கிருமி நம் மூலையில் போய் தங்கும்போது மூளைக்காய்ச்சல் தோன்றுகிறது.இது நான் படித்தது மற்றதை உங்களிடம் இருந்து எதிர்பார்கிறய்ன் (கற்றது கையளவு கல்லாலது உலகளவு)


 இதையும் பார்க்க:-
                  * அல்குர்ஆன் கூறும் தேனீ + தேன் ஆராய்ச்சி படிப்பினை....
                     * பசுவில் பால் உற்பத்தியாகும் இடம் குறித்து புனித கு...
                    *  சேவல் அல்லாஹ்வை அதிஹம் (திக்ர்) செய்கிறது
                    *  ஒட்டகம் – ஓர் ஒப்பற்ற அதிசயம்..
                    *  குர்-ஆன் பாதுகாக்கப்பட்டதே..!

                                         தூய வழியில் பயணிப்போம் வாருங்கள்...!
 அல்லாஹ் அக்பர் - இஸ்லாத்தை ஏற்ற 28 மாற்று மத சகோதர்கள் வெவேறு நாட்டை சேர்த்தவர்கள்.....- இஸ்லாத்தை ஏற்ற இடம் - ஹாங் காங் மஸ்ஜித் அம்மார் என்ற பள்ளிவாசலில்.

ிலிபினோ -- 17 சகோதர சகோதரிகள்
இந்தியன் --- 1 சகோதர்
சைனா --- 6 சகோதர சகோதரிகள்
சவுத் ஆப்ரிகா --- 1 சகோதரர்
இந்தோனேசிய --- 3 சகோதரிகள்.

அல்லாஹ்வின் உதவியும் வெற்றியும் வரும் போது,
110:2
அல்லாஹ்வின் மார்க்கத்தில் மக்கள் கூட்டம் கூட்டமாக நுழைவதை நீர் காணும் போது,
110:3
உமது இறைவனைப் புகழ்ந்து போற்றுவீராக! அவனிடம் மன்னிப்புத் தேடுவீராக! அவன் மன்னிப்பை ஏற்பவனாக இருக்கிறான்.

அல்லாஹ் அக்பர் - ஹாங் காங் தாவா குழுவினருக்கு அனைவரும் துவா செயுங்கள்.......

28 New convert/revert Muslims from different nationalities participated in shahadah, Masjid Ammar -Wan Chai, Hong Kong.
17 Philipinos, 1 Indian, 6 Chinese, 1 South African, and 3 Indonesian. May Allah less our brothers and sisters who are doing the good work of Dawah........Allah Ho Akbar!!!!!!

And you see the people entering into the religion of Allah in multitudes, 110:02 --- Allah akbar


இதையும் பார்க்க:-
                  *  மறுமை நாள் - ஒர் நினைவூட்டல்
                  *  இலங்கை முஸ்லிம்களின் அரசியலில் ஒரு நீங்கா தடம் பதி...
                     *   இஸ்லாத்தின் பார்வையில் கனவுகள்..!
                     *  இமாம் சமுத்ரா எதற்காக மரணித்தார்?
                     *  பிரிட்டனில் வேகமாக வளரும் இஸ்லாம்

                                        தூய வழியில் பயணிப்போம் வாருங்கள்...!

12 ஒக்டோபர் 2002. ஒரு பலத்த வெடியோசையுடன் எல்லாம் அடங்கி போய் விட்டது. வெள்ளையர்களின் சொர்க்கம் சில வினாடிகள் கரும்புகை மண்டலமாக மாறி அவர்களிற்கு நரகத்தை கொஞ்சம் சுவைக்க வைத்தது. உலக ஊடகங்கள் இந்த சம்பவம் பற்றி நிறையவே பேசின. “பாலி குண்டு வெடிப்பு” அவர்களிற்கு மறக்க முடியாத நினைவுகளை பரிசாக கொடுத்தன. குறிப்பாக அவுஸ்திரேலியர்களிற்கு.

இந்தோனேஷியா முஸ்லிம் நாடு. வறிய நாடு. ஹிஸ்புத் தஹ்ரீர் முதல் கிறிஸ்தவ கத்தோலிக்க மிஷனரிகள் வரை கைகளை விரித்து கடை போட்டுள்ள நாடு. அவுஸ்திரேலியர்களிற்கு  தங்கள் விபச்சார கலையை அரங்கேற்றும் நாடு. அரை நிர்வாண உடைகளுடன் மது வருந்த விருப்பமான நாடு. தன்னினச் சேர்க்கையை கடற்கரைகளில் வெளிப்படையாக நிகழ்த்த பிடித்தமான நாடு. ஆம். இந்தோனேஷியாவின் தீவுகளில் இவர்கள் நிகழ்த்தும் மனித கலாச்சாரங்களிற்கு முரணான கேளிக்கைகள் நிறையவே உண்டு.


மெல்ல மெல்ல இந்தோனேஷிய முஸ்லிம்களை அவர்களது மேற்கின் கேடுகெட்ட கலாச்சாரத்திற்குள் கொண்டு செல்லும் நச்சு சக்கரம் சுழற்றப்பட்ட போதுதான் பாலியில் நடக்கும் அனாச்சாரங்களிற்கு எதிராக எச்சரிக்கைகள் வெளியாக ஆரம்பித்தன. அதன் இறுதி விளைவாக பாலியில் குண்டுத்தாக்குதல் நிகழ்த்தப்பட்டது. பரிதாபகரமாக பலர் கொல்லப்பட்டனர். பலர் படுகாயங்களிற்கு உள்ளாகினர். அவுஸ்திரேலிய கலங்கியது. நாளை அவுஸ்திரேலியா கண்டத்தின் ஒரு பகுதி இந்தோனேஷியர்களால் கைப்பற்றப்படலாமோ என அச்சம் கொண்டது. இதை செய்தது யார்...........,?

மேற்கு ஜாவாவின் அருகில் உள்ள ஒரு தீவு. மின்சார வசதிகள் கூட பெரிதாக இல்லை. பழங்கள், மான், ஆடு, மாடு முதலியவற்றின் பால் இவற்றை மட்டும் உண்டு வாழும் மனிதர்கள். அமைதியான தீவு. அதன் ஒரு மூலையில் எரியும் ஹரிகேன் இலாந்தர் வெளிச்சத்தில் உலக வரைபடம் விரிந்து கிடக்கிறது.  ஆடும் காற்றில் இலாந்தரின் தீ மெல்ல அங்கும் இங்கும் அலைகிறது. இதனால் வரைபடம் ஒரு சில கணங்கள் வெளிச்சமாகவும் ஒரு சில கணங்கள் இருட்டாகவும் மாறி மாறி சினிமா காட்டுவது போல் விளையாடுகிறது.

ஐந்து அடி உயரத்தில் ஒரு மெல்லிய மனிதன் எந்த சலனமும் இல்லாமல் அந்த வரைபடத்தையே உற்று நோக்கியவாறு நிற்கின்றான். ஹோ சீ மின் வியட்நாமிய வரைபடத்தை பார்ததை நினைவூட்டுகிறது அவனது பாவனை.  பாவனை மட்டுமல்ல அவனது தாடியும் கூட அவரையே ஞாபகம் செய்கிறது. ஒரே ஒரு வித்தியாசம். ஹோ... தனது அபகரிக்கப்ட்ட தேசத்தை கவலையுடன் பார்த்தார். இந்த மனிதனோ கொஞ்சம் கொஞ்சமாக அபகரிக்கபடும் தனது தேசத்தை கவலையுடன் பார்த்தவாறுிருந்தான்.

அப்துல் அசீஸ் ஹுதாமா. இந்த பெயர் நம்மில் பலரிற்கு தெரியாது. “இமாம் சமுத்ரா” என்றால் தெரியும். நன்றாகவே தெரியும். “இந்தோனேஷியாவின் இஸ்லாமிய பயங்கரவாதி”. “பாலி குண்டு வெடிப்பின் சூத்திரதாரி”. மேற்கின் ஊடகங்கள் எமக்கு அழகாக சொல்லித்தந்த வசனங்கள் இவை. ஆனால் இந்த மனிதனை இந்தோனேஷியாவின் இஸ்லாமியவாதிகளிற்கு தெரியும். “அபூ உமர்” என்று. “ஷேஹ் இமாம் சுமுத்ரா” என்று. அவர்கள் உள்ளத்தில் நீங்காத இடம் பிடித்த மனிதனின் பெயர் இது. இவை மிகையான வார்த்தைகள் அல்ல.

பாலி குண்டு வெடிப்பின் பின்புலத்தில் திட்டமிடல் மற்றும் கட்டளை பிறப்பித்தல் போன்றவை இவராலேயே நிகழ்த்தப்பட்டன என இந்தோனேஷிய பொலிஸார் குற்றப்பத்திரம் தாக்கல் செய்தனர். மேற்கின் உளவமைப்புக்கள் இதனை உண்மை என்று ஒப்புக்கொண்டன. நீதிபதிகள் இலகுவாக தீர்ப்பளித்தனர். “சாகும் வரை இவரையும் இவரது இரண்டு சாகக்களையும் துாக்கில் தொங்கவிடும்படி”. ஆகஸ்ட் 2003ல் இந்த தீர்ப்பு வெளியானது.


09 நவம்பர் 2008. ஜாவாவின் நுஸாகம்பன்கான் தீவில் மூவரும் மரணதண்டனைக்கு உட்படுத்தப்பட்டனர். டச்சுக்காரர்களினால் சிறைவதைசாலையாக பயன்படுத்தப்பட்ட இந்த தீவில் உள்ள சிறைச்சாலையில் வைத்தது இவர்கள் மரணிக்க வைக்கப்பட்டார்கள்.


Imam Samudra, Amrozi NurhasyimAli Ghufron. இந்த மூவரும் நீதிபதிகளை பார்த்து சொன்ன வார்த்தை என்ன தெரியுமா?... “நீதிபதிகளே!! எங்களிற்கு மரணதண்டனையை தீர்ப்பாக தந்துள்ளீர்கள். இதற்காக நாங்கள் உங்களிற்கு நன்றி கூறுகிறோம். எம்மை படைத்தவனிடம் எங்களை அனுப்பி வைப்பதற்காக. மேலும் எங்களை கொல்வதானால் எங்கள் தலைகளை வாளினால் வெட்டி கொலை செய்யுங்கள். அது தான் ஒரு இஸ்லாத்தின் தண்டனை முறைமை”.ஆனால் அவர்கள் சுட்டு கொல்லப்பட்டார்கள். 



இமாம் சமுத்திரா தனது சிறைகூண்டினுள் இருந்தவாறு ஒரு புத்தகம் எழுதினார். “யார் பயங்கரவாதி” என்பதே அதன் தலைப்பின் விவரம். அதில் உலக நடப்புக்களையும் முஸ்லிம் உம்மாவின் நிலைமைகளையும் விளக்கி விட்டு இறுதியாக அவர் சொல்கிறார் உண்மையைான பயங்கரவாதி யார் தெரியுமா? அமெரிக்கா.”

இந்தோனேஷியா எனும் முஸ்லிலம் தேசம் கிறிஸ்தவ தேசமாக மாறும் நிகழ்வுகள் பற்றி அடிக்கடி கவலையுடன் பேசுபவர் இமாம் சமுத்ரா. மேற்கின் வஞ்சகத்தால் பிரிக்கப்பட்ட கிழக்கு திமோரை உதாரணம் காட்டி இந்த தேசத்தின் எத்தனை தீவுகளை காபிர்கள் விழுங்கப்போகிறார்களோ என அங்கலாய்ப்பார். 

இவர் பற்றிய இரண்டு பார்வைகள். ஒன்று அப்பாவிகளை கொன்று குவித்த பயங்கரவாதி.இரண்டாவது, இந்தோனேஷியா்களை கிறிஸ்தவர்களிடம் இருந்து காக்க வந்த கர்த்த்தர். இதில் எது சரி எது பிழை என்பதை நாம் எம் உள்ளங்களினாலும் அறிவினாலும் முடிவு செய்வோம்...

 
இதையும் பார்க்க:-
 
 

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget